Génesis 26:12 - Qullan Arunaka DC

¹² Uka marasti Isaacax uka chiqan yapuchäna, ukatsti walpun yapunakat juyranak apthapïna, Tatituw juparux aski waxt'äwinak churäna.

Aymar Bibliia 1986

¹² Uca marasti Isaacajj uca chekaruw yapuchasïna, ucatsti mä suma cosecha apthapiraquïna, Tatitojj jupar bendicitap laycu.

Qullan Arunaca

¹² Uca marasti Isaacajj uca chekaruw yapuchasïna, ucatsti mä suma cosecha apthapiraquïna, Tatitojj jupar bendicitap laycu.

Génesis 26:12 Jak'a apnaqawi uñst'ayäwi

Génesis 24:1

Abrahamax sinti chuymanïxänwa, Diosasti juparux taqi kunan aski waxt'äwinakapamp phuqt'atayna.

Génesis 24:35

Tatitux uywirixar aski waxt'äwinakap walpun churi, juparusti qamiriptayiwa. Jupaw churi: ovejanaka, vacanaka, quri, qullqi, uywatanaka, camellonaka, asnonaka, taqi ukanaka.

Génesis 25:11

Abrahaman jiwxatapatxa, Tatit Diosax Isaacar aski waxt'äwinakap churarakïna, jupasti “Uñjkitu, jakkaraki” sat uma phuch'u jak'aru jakiriw qhiparxatayna.

Génesis 26:29

“Janiw jumax kuna ñanqhsa lurapxitätati, janiw nanakax jumar kuna jan walsa lurapkäyäsmati. Ukatsipana, sumpun jumarux uñjapxäyäsma, sumatakirak khithanukunxapxsma, jichhasti Tatit Diosax aski waxt'äwip churasktamwa” sasa.

Génesis 26:3

Nayaw jumampïskä, aski waxt'äwinak churarakïma, ukhamarus jumampiru, wawanakamampirux taqi aka uraqinak churapxäma. Ukhamat kuntix Abraham awkimar arskäyäta uka arsutaxar phuqhä.

Génesis 30:30

Nayax janïr purinkäyät ukkhax uywanakamax juk'akïnwa, jichhasti waljäxiwa, nayax purinkta ukat aksarusti Tatitux aski waxt'äwipampiw phuqt'tam, ukampisa ¿kunapacharak nayasti utaxankirinakatak irnaqasxästi? —sasa.

Job 42:12

Diosasti Job chacharux nayra maranakat sipan aski waxt'äwinak juk'amp churxarakïna. Ovejapas tunka pusini waranqäxänwa, camellonakapasti suxta waranqa, urqu vacanakapas pä waranqa, qachu asnonakapasti waranqarakïxänwa.

Salmos 67:6

6 (7) Uraqix achunakap churi; ¡Tatit Diosasaw askinak churistu!

Salmos 72:16

¡Trigox yapunakan jilarkir utjpan, qullu patanakansti jilantarakpan! ¡Líbano uraqinjam granox achuntpan, pampa alinakjam trigo puyanakax puqurpan!

Proverbios 10:22

Tatitun aski churäwipax qamir kankañawa; janiw kuna llakisiñas ukamp chik jutkiti.

Eclesiastés 11:6

Jumax willjtasa, jan ukax jayp'us yapuchaskam, ukampis janiw jumax kawkïr yapun sumäñapsa, jan ukax paypach yapun sumäñapsa yatktati.

Zacarías 8:12

Sumankañaw jupanak taypin satatäxani. Uva yapunakax achu churani; uraqix suma achunak achuyani, alaxpachasti jallunakap apayanini. Nayasti taqi ukanak aka markankirinakat qhiparirinakarux churä.

Mateo 13:23

Ukampis suma laq'ar purir jathax, Diosan arunakap ist'irinakawa, jupanakax sum amuyt'apxi, ukatsti mä suma achu churapxaraki, mayatxa patakaru, mayatsti suxta tunkaru, yaqhipasti kimsa tunkaru.”

Mateo 13:8

Ukampis ukat ukxar jathax suma laq'awjaruw purïna, ukatsti wali sum achu churäna, mayatxa patakaru, chikatanakasti suxta tunkaru, mayanakasti kimsa tunkaru.

Marcos 4:8

Ukampis yaqhip jathanakax suma laq'awjaruw purïna, puyanakapasti walipuniw jilantäna, walja achunakarak churäna; mayatxa kimsa tunkaru, suxta tunkaru, yaqhipasti patakaru”.

1 Corintios 3:6

nayaw yapuchta, Apolosti umampiw qarpxati, ukampis Diosaw uka yapuchatarux jiltayi.