Génesis 25:3 - Qullan Arunaka DC

³ Jocsán chachasti Sebá, Dedán chachanakan awkipänwa. Dedán chachat saraqir wawanakapasti asureo, letuseo, leumeo uka jaqinakänwa.

Aymar Bibliia 1986

³ Jocsanasti Seba, uqhamarac Dedán ucanacan awquipänwa. Dedanan wawanacapasti asureonaca, letuseonaca, leumeonaca ucanacänwa.

Qullan Arunaca

³ Jocsanasti Seba, uqhamarac Dedán ucanacan awquipänwa. Dedanan wawanacapasti asureonaca, letuseonaca, leumeonaca ucanacänwa.

Génesis 25:3 Jak'a apnaqawi uñst'ayäwi

Génesis 25:2

Uka qhipa warmipan wawanakapasti: Zimrán, Jocsán, Medán, Madián, Isbac, Súah sutininakänwa.

Génesis 25:4

Madián chachan wawanakapasti Efá, Éfer, Hanoc, Abidá, Eldaá. Taqi jupanakaw Queturá warmin wawanakapäna.

2 Samuel 2:9

ukan juparux Israel markan reyipat utt'ayäna. Ukhamat Is-bóset chachax Galaad, Gesuri, Jezreel, Efraín, Benjamín, uka markanak apnaqäna.

1 Reyes 10:1

Sabá markankir reinax Salomón reyin aytat kankaña jikxatatapata ist'atayna, Tatitur jach'añchañataki, ukatsti jupax Jerusalenaruw saräna, wali ch'ama jiskt'anakamp Salomonar yant'añataki. Jupasti wali k'achachataw Jerusalenar purïna, amuyt'ayirinakapamp chika, camellonakax suma q'apkir qullanakampi, walja qurimpi, wali k'ajkir qalanakamp khumuntatänwa. Salomonan ukar purisinsti, jiskt'añatak amtkatayna ukanak jiskt'äna.

Job 6:19

Temá, Sabá markankir saririnakax wali suyt'añampiw uka jawiranak thaqhapxi.

Salmos 72:10

¡Tarsis markankir reyinakasa, quta wat'ankir reyinakasa, jupar qullqi churapxpan, Arabiankir reyinakasa, Etiopiankir reyinakasa churäwinak luqtapxpan!

Isaías 21:13

Tatitux Isaías profetaruw uñacht'ayäna kuntix Arabia markar lurkani ukxata, arumanakax uka jaqinakax wasar ch'uminak taypin utjapxirïna: Dedán chiqan utjir árabe jaqinaka,

Isaías 60:6

Walja camello tamanakan phuqhantataw uñjasïta, ukanakasti Madián, Efá uka chiqanakat jutapxani; Sabá tuqinkirinakasti taqiniw jutapxani quri, incienso ukanak apt'ata, ukatsti Tatitun suma luräwinakap yatiyapxani.

Jeremías 25:23

Dedán, Tema, Buz, uka markanakan reyinakaparusa;

Jeremías 49:8

¡Dedán markankir jaqinaka, jalakamak imantasir sarxapxam! Edom markarusti t'unjarakïwa; nayan uka markar mutuyañ urusti purinxiwa.

Ezequiel 25:13

Ukatpï naya, Tatitux sistxa: Edom markarux mutuyapunïwa, jaqinakaparusa, uywanakaparus t'unjarakïwa. Juparux q'ala t'unjat jaytarakï. Temán sata ukkhatpacha, Dedán sata ukkhakamaw jaqinakapax espadampi jiwarayata uñjasipxani.

Ezequiel 27:15

Dedán markankir jaqinakampisa, jach'a quta tuqinkir markanakampis alakip luraraktaxa, aljañ yänakamatsti marfil, ébano sata suma lawanak churapxäyätamxa.

Ezequiel 27:20

Dedán markankirinakasti monturanak apanisaw jumampix alakip luräna,

Ezequiel 27:6

barconakaman ñuqiñanakapsti, Basán chiqat apanita roble lawat lurarapipxtam; patxar uskutäki uka lawanakas Chipre tuqinkir ciprés sat lawat luratawa, marfilampi k'iñakipas k'achachatawa.