Génesis 25:12 - Qullan Arunaka DC

¹² Ismaelan wawanakapax akanakawa, jupasti Abrahamampina, Agar warmimpin wawapänwa, khititix Sara warmin egipcia uywatapäkän uka warmin yuqapa.

Aymar Bibliia 1986

¹² Acanacaw Ismaelan wawanacapajja. Jupasti Abrahamampina Egiptonquir Sara warmin esclavapa, Agar warmin wawapänwa,

Qullan Arunaca

¹² Acanacaw Ismaelan wawanacapajja. Jupasti Abrahamampina Egiptonquir Sara warmin esclavapa, Agar warmin wawapänwa,

Génesis 25:12 Jak'a apnaqawi uñst'ayäwi

Génesis 17:20

Ismael tuqitsti mayisitam ist'araksmawa, juparux aski waxt'äwinak churarakïwa; wawanakapas waljanipunïniwa. Ismael chachasti tunka payani jach'a jilïrin awkipäniwa, jupatsti mä jach'a marka tukuyarakï.

Génesis 21:13

Uywataman wawaparusti, nayaw wawanakapatxa mä jach'a marka tukuyä, juman wawamarakïtap layku” sasa.

Génesis 21:18

Saram, wawamar amparat wayxarum. Janiw jiwkaniti, jupat saraqirinakasti mä jach'a markaw tukuni” sasa.

1 Crónicas 1:28

Abraham chachan wawanakapa: Isaac, Ismael.

1 Crónicas 1:29

Jupanakat saraqir wawanakax akanakänwa: Nebaiot, Ismael chachan jilïr wawapa, Quedar, Adbeel, Mibsam,

Salmos 83:6

6 (7) Edom, Ismael, Moab, Agar ukanakan wawanakapa,

Jueces 8:24

Ukampis nayax may jumanakat mayipxäma, kawkïr sortijanaktix katurat jaqinakat aparanipkta uk churapxita —sasa. Madianita jaqinakaxa, ukhamarak wasaran jakir yaqha jaqinakasa, quri sortijanak uchasipxirïna.