Génesis 24:42 - Qullan Arunaka DC

⁴² “Jichhürusti uma phuch'u jak'aruw purinta, ukat Abraham uywirixan Tatit Diosapar mayt'asis sarakta: ‘Jumatix aka saräwixan yanapatam uñacht'ayitäta ukaxa,

Aymar Bibliia 1986

⁴² “Uqhamapï jichhürojj uma phuch'u jac'aru purintjja, ucatsti Abraham uywirejjan Tatitu Diosaparuw mayt'asiractjja, aqham sasa: “Dios, jumatejj aca saräwejjan yanapïtäta ucajja,

Qullan Arunaca

⁴² “Uqhamapï jichhürojj uma phuch'u jac'aru purintjja, ucatsti Abraham uywirejjan Tatitu Diosaparuw mayt'asiractjja, aqham sasa: ‘Dios, jumatejj aca saräwejjan yanapïtäta ucajja,

Génesis 24:42 Jak'a apnaqawi uñst'ayäwi

Génesis 24:11

Uywatax marka jak'ar purkän ukkhasti, niya ch'amakthapxänwa. Warminakasti ukapachaw uma apsuri sarapxirïna. Uywatasti mä uma phuch'u jak'aruw camellonak samart'ayäna,

Génesis 24:27

sarakïnwa: “¡Abraham uywirixan Tatit Diosapax jach'añchatäpan, jupax Abraham uywirixar munasiñapsa khuyapayasiñapsa uñacht'ayapuniwa, nayarusti juparakiw thakhin irpasinkitu, uywirixan wila masinakapan utapkama!” sasa.

Génesis 24:31

Uywatar uñjasasti, Labanax jupar sänwa: —Walikpun juttax tata, Tatituw aski munasiñapampi akar puriyantam. Utaxar jutaskakim; ¿kunjämarak aka anqan qhiparätasti? ¡Nayax jumatakix utaxan mä chiqa wakichta, camellonakamatakis wakicharaktwa! —sasa.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

Esdras 8:21

Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Nehemías 1:11

Dios Tatay, achikt'assmawa, mayisitax ist'itaya, jumar yupaychañ munir luqtirinakaman achikt'asitanakapsa ist'amaya. Jumakiy reyir suma chuym churam nayar katuqañapataki, ukhamat amtäwixan sum phuqhasiñapataki” sasa.

Salmos 37:5

Tatitun amparapar sarnaqäwim katuyasim; jupar taqi chuymamp alkatam, jupasti jank'akiw yanapt'ätam.

Salmos 90:17

Tatitun munasiñapax jiwasanakampïpan. ¡Tatay, luräwinakaxarux juk'ampiy jilxatayam! ¡Jïsa, irnaqatanakaxarux juk'ampiy yapxatam!

Hechos 10:22

Jupanakasti ukxaruw sapxäna: —Cornelio capitanaw khithanipxitu. Jupax aski jaqiwa, Diosar axsartas sarnaqir jaqirakiwa, judío jaqinak taypin sumat uñt'ata, taqinin munatawa. Diosan mä angelapaw jupar uñstasin satayna: “Utamar Pedro irpayanim, jupax siskätam uk sum ist'äta” sasa.

Romanos 1:10

Diosarusti mayiskapuntwa, jupan munañapächi ukax jumanakar tumpt'irix jutäwa.

1 Samuel 1:13

ukampis Anax amukiw mayisiskäna, janiw arsutapax ist'askänti, lakapakiw unuqiskäna, ukat Elí sacerdotex machantat warmïtap amuyäna,

1 Samuel 9:6

Uywatasti ukxarux sarakïnwa: —Aka markan mä profetaw utji, taqi jaqinakaw juparux wal yäqapxi, kuntix jupax yatiyki ukanakasti phuqhasipuniwa. Ukhamax sarañäni, inampis jupax kawkirutix sarañasäki uksa uñacht'aychistaspa —sasa.