Génesis 24:32 - Qullan Arunaka DC

³² Ukhamasti uywatax utaruw saräna, ukan Labanax camellonakat khumunakap apaqäna, ukatsti manq'a churarakïna, uywat chachampiru, jupampi chik saririnakampirux kayunakap jariqasiñapatakiw uma waxt'äna.

Aymar Bibliia 1986

³² Uqhamasti sirvirejj utaruw saräna, ucanwa Labanajj camellonacat carganacapa apakäna, ucatsti mank'a churaraquïna, uma aptaniraqui sirvirina, uqhamarac jupamp chica sarapcän uca jakenacan cayunacap jarekasipjjañapataqui.

Qullan Arunaca

³² Uqhamasti sirvirejj utaruw saräna, ucanwa Labanajj camellonacat carganacapa apakäna, ucatsti mank'a churaraquïna, uma aptaniraqui sirvirina, uqhamarac jupamp chica sarapcän uca jakenacan cayunacap jarekasipjjañapataqui.

Génesis 24:32 Jak'a apnaqawi uñst'ayäwi

Génesis 18:4

Jumanakatak walikïchi ukaxa, mä juk'a uma mayï kayunakam jariqasiñataki, ukatsti aka quqa ch'iwir samart'apxam.

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 24:33

Manq'a churapkän ukkhasti, Abrahaman uywatapax sänwa: —Janiw nayax manq'kiristti, kunatix sañäki uk janïr arskasaxa —sasa. Labanasti sänwa: —Arsuskakim —sasa.

Génesis 29:13

Labanasti, kullakapan Jacob yuqapat parlir ist'asinxa, katuqiriw jalsuwayäna, jamp'att'asaw qhumantarakïna, ukatsti utaparuw irpäna. Jacobusti taqi kunatix luraskatayna ukanak yatiyäna.

Génesis 43:24

Ukatsti taqpachaniruw Josean utapar mantayäna, kayunakap jariqasiñatakix uma churäna, asnonakaparusti manq'a churarakïna.

Lucas 7:44

Ukatsti Jesusax warmir uñtasin Simonaruw säna: —¿Aka warmirux uñjtati? Nayax utamaruw mantanta, ukatsti janiw nayarux mä juk'a umsa kayunakax jariqasiñatak churkistati; ukampis aka warmix jachapampiw kayunakax jariqitu, ñik'utapampiw wañsuyaraki.

1 Timoteo 5:10

Jupanakasti suma luräwinak luririt uñt'atäñapawa, wawanakap sum uywatap layku, utapar sart'irinakar sum katuqatap layku, qullan markapankirinakan kayunakap jariqatap layku, t'aqhisirinakar yanapatap layku, yaqha aski luräwinak lurañatak ch'amachasitap layku.

Jueces 19:21

Uka awkisti utaparuw irpäna, ukansti saririnakax kayunakap jariqt'asiñapkama, manqt'asiñapkama, umt'asiñapkamax, jupax asnonakaruw manq'añ churäna.

1 Samuel 25:41

Abigail warmisti wali axsart'añ chuymampiw uraqkam alt'äna, ukatsti sänwa: —Nayax Davidan mä luqtiripakïtwa, ukhamarus uywatanakapan kayunakap jariqañatakis jank'akirakïtwa —sasa.