Génesis 24:31 - Qullan Arunaka DC

³¹ Uywatar uñjasasti, Labanax jupar sänwa: —Walikpun juttax tata, Tatituw aski munasiñapampi akar puriyantam. Utaxar jutaskakim; ¿kunjämarak aka anqan qhiparätasti? ¡Nayax jumatakix utaxan mä chiqa wakichta, camellonakamatakis wakicharaktwa! —sasa.

Aymar Bibliia 1986

³¹ ucatsti saraquïnwa: —Jutam, Diosan bendicit tata. ¡Cunjämarac jumasti aca ankan kheparätasti, nayajj jumataquejj utajjan mä cheka waquichta, uqhamaraqui camellonacamataquisa! —sasa.

Qullan Arunaca

³¹ ucatsti saraquïnwa: —Jutam, Diosan bendicit tata. ¡Cunjämarac jumasti aca ankan kheparätasti, nayajj jumataquejj utajjan mä cheka waquichta, uqhamaraqui camellonacamataquisa! —sasa.

Génesis 24:31 Jak'a apnaqawi uñst'ayäwi

Génesis 18:3

ukatsti sarakïnwa: —Tatanaka, achikt'apxsmawa, janikiy mäki sarapxamti.

Génesis 19:2

ukat jupanakarux sarakïna: —Tatanaka, achikt'asipxsmawa, jichhärmax nayan utaxanay qurpacht'asipxam. Ukan kayunakam jariqt'asipxäta, ukatsti arumanthiw wali willjtat sarxapxäta —sasa. Ukampis jupanakax sapxänwa: —Walikïskaniwa, nanakax jichhärmax anqak ikt'awayapxä —sasa.

Génesis 19:3

Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

Génesis 26:29

“Janiw jumax kuna ñanqhsa lurapxitätati, janiw nanakax jumar kuna jan walsa lurapkäyäsmati. Ukatsipana, sumpun jumarux uñjapxäyäsma, sumatakirak khithanukunxapxsma, jichhasti Tatit Diosax aski waxt'äwip churasktamwa” sasa.

Génesis 29:13

Labanasti, kullakapan Jacob yuqapat parlir ist'asinxa, katuqiriw jalsuwayäna, jamp'att'asaw qhumantarakïna, ukatsti utaparuw irpäna. Jacobusti taqi kunatix luraskatayna ukanak yatiyäna.

Salmos 115:15

¡Alaxpach akapach lurir Tatitux askinakapay jumanakar churpan!

Proverbios 17:8

Yaqhanakar qullqi chilltas sarnaqir jaqix, taqi kunatakis ch'amanïkaspa ukham amuyasi; amuyatapatxa, kuna lurañanakansa walt'askakiwa.

Proverbios 18:16

Mä suma churäwimpix kawkhakamas mantañakiwa, wali aytat jaqin nayraqatapkamaw puriyi.

Jueces 17:2

jupasti mä urux taykaparuw säna: —Waranqa patakan qullqi lunthatktam uka lunthatar ñanqhachir ist'sma. Nayätwa jumaru uka qullqi lunthatirixa; nayaw katuskta, jichhasti kuttayxämawa, Tatitutak yaqhachatam ist'ta, qullqimpi jawikipat mä ídolo lurayañataki. Ukat uka qullqi kuttayxäna. Taykapasti sänwa: —¡Munat wawaxay, Tatituy jumar aski waxt'äwip churpan! —sasa.

Rut 3:10

Booz chachasti sänwa: —¡Tatitux waxt'äwip jumar churpan! Jiwir chachamatakix chiqa chuymanïtam uñacht'ayista. Chacht'asiñ munasax qamirïpasa, jan utjirinïpas nayat juk'amp wayna jaqi thaqhasisamäna; ukampis janiw ukham lurktati.