Génesis 24:26 - Qullan Arunaka DC

²⁶ Ukat uywat jaqix killt'asisin Tatitur yupaychäna,

Aymar Bibliia 1986

²⁶ Ucapachaw sirvirejj quillt'asisin Diosarojj yupaychäna,

Qullan Arunaca

²⁶ Ucapachaw sirvirejj quillt'asisin Diosarojj yupaychäna,

Génesis 24:26 Jak'a apnaqawi uñst'ayäwi

Génesis 22:5

Ukat uywatanakaparux säna: —Jumanakax akkhar asnomp chika qhiparapxam. Wawaxampi nayampisti sarasipkakïwa, Tatit Diosaruw yupaychanipxä, uka qhipat kuttanxapxarakï —sasa.

Génesis 24:25

Utaxan mä chiqax juman qurpachasiñamatak utjiwa, camellonakamatakis manq'ax waljarakiwa —sasa.

Génesis 24:48

ukatsti Abraham uywirixan Tatit Diosaparuw killt'asisin yupaycharakta; nayar chiqaki thakhinjam irpanitapata, ukhamat uywirixan wila masipankiri phuchhapa yuqapatak irpañaxataki.

Génesis 24:52

Uka arunak ist'asinsti, Abrahaman uywatapax killt'asisin Tatitur yuspagaräna, p'iqipsti uraqir puriyañkamaw alt'asïna.

1 Crónicas 29:20

Ukxarusti Davidax tantacht'at jaqinakarux sänwa: “Jichhasti Tatit Diosamar yupaychapxam” sasa. Ukhamasti tantacht'at jaqinakax taqiniw nayra awkinakapan Tatit Diosaparux yupaychapxäna, ukatsti Tatitutakisa, reyitakisa killt'asisaw alt'apxäna.

2 Crónicas 20:18

Ukatsti Josafat reyix p'iqip uraqir puriyañkamaw alt'asïna, Judá, Jerusalén markankir jaqinakasti Tatitun nayraqatapan jupar yupaychañatakiw killt'asipxäna.

2 Crónicas 29:30

Ukatsti Ezequías reyimpi, jilïr irpirinakampix, levitanakaruw mayipxäna, Davidan q'uchunakapampi, Asaf profetan q'uchunakapampi Tatitur yupaychapxañapataki. Jupanakasti wali kusisiñampiw q'uchupxäna, killt'asisaw yupaychapxarakïna.

Nehemías 8:6

Esdrasasti taqi ch'aman Tatit Diosaruw yupaychäna, ukatsti taqiniw amparanakap alayar luqtasin arsupxäna: “¡Ukhamäpan! ¡Ukhamäpan!” sasa. P'iqinakapsti uraqir puriyañkamaw alt'apxäna, ukatsti Tatituruw yupaychapxarakïna.

Salmos 22:29

29 (30) Nayraqatapan alt'apxam, juparuk yupaychapxam, jilarkir utjirin jaqinaka, laq'ar tukur jaqinaka, jumanak pachpax janiw jakañanïpktati.

Salmos 66:4

taqpach jaqinakaw nayraqataman killt'asipxi, sutimaruw q'uchunak q'uchupxaraki” sasa.

Salmos 72:9

¡Wasaran jakir timanakapax ch'amamp apnaqirïtap yatipxpan, jisk'achjat uñjasipxpan!

Salmos 95:6

Jutapxam, killt'asis yupaychapxañäni; Tatitun nayraqatapar killt'asipxañäni, jupaw jiwasanakarux irnuqistu.

Éxodo 12:27

jumanakasti sapxätawa: ‘Aka uywax Tatitusar jach'añchas luqtata Pascua wilañchawa. Kunapachatix jupax Egipto uraqpachan thiyat thiya sarkäna egipcionakan jilïr tayna yuqall wawanakapar jiwarayasaxa, jiwasan utanakasxa janiw kamachkänsa, sarakipawayakïnwa, ukhamat wila masinakasar jiwañat qhispiyäna’ ” sasa. Moisesax parlañ tukuykän ukapachasti, israelitanakax taqpachaniw killt'asis Tatitur yupaychapxäna,

Éxodo 34:8

Moisesasti mäkiw killt'asïna parap uraqir puriyañkama, ukatsti Tatituruw yupaycharakïna:

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Miqueas 6:6

¿Kunampirak alaxpachankir Dios Tatitur yupaychañatak uñstästi? ¿Jupan nayraqataparusti maran vaca qallunakampiti uñstäxa jupar wilañcha luqtañataki?

Filipenses 2:10

Ukat Jesusan sutipar taqi jaqin killt'asiñapataki, alaxpachansa, akapachansa, manqhapachansa,

Jueces 7:15

Ukhama uka samka yatiyatap ist'asina, ukhamarak uka samkan qhanañchäwip ist'asinsa, Gedeonax Tatituruw yupaychäna. Ukatsti israelita campamentor kutt'asin säna: —¡Sartasipxam, Tatitux madianitanakan ejercitopxa amparasaruw katuyistani! —sasa.

1 Samuel 1:28

Nayax Tatituruw aka yuqall wawa katuyta, jakañapkamasti jupar luqtat wawäñapataki —sasa. Ukatsti Elí sacerdotex Tatit nayraqatan uraqkamaw p'iqip alt'asïna.