Génesis 22:23 - Qullan Arunaka DC

²³ Uka Betuel sat chachapï Rebecan awkipänxa. Milcá warmix uka kimsaqallqu wawanak Abrahaman jilapa Nahor chachapatak wawachasïna.

Aymar Bibliia 1986

²³ Aca Betuelapï Rebecan awquipänjja. Milca warmejj aca quimsakallko wawanacpï Nacor chachapataquejj wawachänjja, uca Nacorasti Abrahaman jilaparaquïnwa.

Qullan Arunaca

²³ Aca Betuelapï Rebecan awquipänjja. Milca warmejj aca quimsakallko wawanacpï Nacor chachapataquejj wawachänjja, uca Nacorasti Abrahaman jilaparaquïnwa.

Génesis 22:23 Jak'a apnaqawi uñst'ayäwi

Génesis 11:29

Abram chachasti Sarai warmimpiw jaqichasxäna, Nahor chachasti Milcá warmimpirakiw jaqichasxäna, Milcá warmisti Harán chachan phuchhapänwa, Iscá warmin kullakaparakïnwa.

Génesis 22:22

Ukxarusti Quésed, Hazó, Pildás, Idlaf, Betuel jupanakaw yuripxarakïna.

Génesis 22:24

Ukhamarus Nahor chachax Rumá sat uñt'atapampix wawanirakïnwa. Jupanakasti Teba, Gáham, Tahas, Maacá sutinakanïnwa.

Génesis 24:15

Uywatax janïraw Tatitut mayisiñ tukuykänti, ukkhaw mä tawaqur kallachipxar uma wakullas apt'at jutaskir uñjäna. Uka tawaqusti Betuel chachan Rebeca sat phuchhapänwa. Betuel chachasti Milcá warmimpina, Abrahaman jilapa Nahor chachampin wawapänwa.

Génesis 24:24

Tawaqusti sarakïnwa: —Betuel chachan phuchhapätwa, jupax Milcá warmimpina, Nahor chachampin yuqapawa.

Génesis 24:47

Ukxaruw jiskt'arakta: ‘¿Khitin phuchhapätasa?’ sasa. Jupasti situwa: ‘Betuel chachan phuchhapätwa, jupasti Nahor chachampina, Milcampin wawapawa’ sasa. Ukat nayax mä surtija nasapar uchta, amparanakaparusa pä chipananak ucharakta,

Génesis 24:51

Ukaxay Rebecaxa, nayraqatamankaskiwa; irpxaruwayam ukatsti uywiriman yuqapan warmiparakïpan, Tatitun amtataparjama —sasa.

Génesis 24:60

Rebecan wila masinakapasti aka aski arunak arsusaw khitxapxäna: “Munat kullaka, ¡Jumasti waranqa, waranqanakan taykapar tukum! ¡Wawanakamasti uñisirinakapan markanakapsa katuntapxarakpan!” sasa.

Génesis 24:67

Ukatsti Isaacax Sara taykapan chhujllaparuw Rebecarux irpasxäna, ukatsti jupampiw jaqichasirakïna. Isaacasti walpun Rebecarux munasïna, ukhamat Isaacax taykapan jiwatapat chuymachasïna.

Génesis 25:20

Isaac chachasti pusi tunka maranïnwa, kunapachatix Rebecampi jaqichaskän ukkhaxa, Rebecasti Betuel chachan phuchhapänwa, Labán chachan kullakaparakïnwa. Padán-aram chiqan jakir arameo jaqinaka.

Génesis 28:2

Padán-aram uraqir sarxam, Betuel achachilaman utaparu, ukansti Labán tioman mayni phuchhapamp jaqichasim.

Génesis 28:5

Ukhamasti Isaacax Jacob yuqapar Padán-aram chiqaruw khitxäna. Jacobusti Labanan utaparuw purïna, jupasti Betuel sata arameo jaqin yuqapänwa, Rebecan jilapa, jupasti Jacobumpina, Esaumpin taykaparakïnwa.

Romanos 9:10

Ukampis janiw ukakïkiti. Rebecan pani wawapax mä awkinikïnwa, jupasti nayra Isaac awkisawa,