Génesis 22:11 - Qullan Arunaka DC

¹¹ Tatitun angelapaw alaxpachat art'anïna: —¡Abraham! ¡Abraham! —sasa. Jupasti sänwa: —Akankasktwa —sasa.

Aymar Bibliia 1986

¹¹ Tatitun angelapajj alajjpachat art'anïna: —¡Abraham, Abraham! —sasa. —Acanctwa —sasaw Abrahamajj saraquïna.

Qullan Arunaca

¹¹ Tatitun angelapajj alajjpachat art'anïna: —¡Abraham, Abraham! —sasa. —Acanctwa —sasaw Abrahamajj saraquïna.

Génesis 22:11 Jak'a apnaqawi uñst'ayäwi

Génesis 16:7

Ukampis Tatitun mä angelapaw wasaran juparux jikxatäna, Sur satäkis ukar sarki uka thakhi jak'ana mä uma jalsu thiyana,

Génesis 21:17

Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa.

Génesis 21:18

Saram, wawamar amparat wayxarum. Janiw jiwkaniti, jupat saraqirinakasti mä jach'a markaw tukuni” sasa.

Génesis 22:1

Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

Génesis 22:10

ukampis kunapachatix wawapar kharinukuñatak cuchillo aytkäna ukkhaxa,

Génesis 22:12

Tatitun angelapasti sarakïnwa: —Jan kuna ñanqhsa wawar luramti, Diosar axsaratam yatxtwa, janirakiw “Janiw” sisktati, sapa wawamar nayar luqtaniña —sasa.

Génesis 22:16

ukatsti sarakïnwa: —Tatitux akham siwa: “Jichhax ukham luratamata, mä sapa wawam nayar luqtañsa, jan ‘Janiw’ satamatxa, naya kipkaw juramentomp arsta,

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 31:11

Uka samkansti Diosan angelapaw nayarux sutixat jawsitu, nayasti saraktwa: “Akankasktwa” sasa.

Génesis 37:13

Ukat Jacobux Josear säna: —Jilanakamax Siquem tuqin ovejanak awatisipki. Jupanakar uñjt'ir sarasma —sasa. —Saräxaya, kun janixa —sasaw Joseax säna.

Génesis 46:2

Uka arumasti Diosax mä samkan Israelar parlxayäna, sutipat jawsarakïna: —¡Jacob! —sasa. Jacobusti: —Akankasktwa, —sarakïnwa.

Génesis 48:16

Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

Éxodo 3:2

Ukansti Tatitun angelapaw mä lawraskir ninan Moisesar uñstäna, zarza sat ch'aphi ali taypina. Moisesax sum uñtäna, ch'aphi alin aqaskiri, uka alisti janiw nakhantkänti.

Éxodo 3:4

Tatitusti Moisesar jutir uñjasin zarza ch'aphi ali taypit art'äna: —¡Moisés, Moisés! —sasa. Moisesasti sänwa: —Akankasktwa —sasa.

Isaías 6:8

Ukatsti Tatitun arup ist'ta akham siri: “¿Khitirus khithäxa? ¿Khitis nayat parlir sarani?” sasa. Nayasti saraktwa: “Nayar khithita, nayaw jumxat parlanï” sasa.

Hechos 26:14

Ukatsti taqiniw uraqir liwirtapxta. Nayasti mä aru ist'arakta, uka arusti hebreo arut nayar situ: ‘Saulo, Saulo, ¿kunatarak arknaqistasti? Wali ch'amaw jumatakix nayatak sayt'añamaxa. Juma pachpaw chhuxriñchjastaxa, kamisatix mä vacax ari hierror mat'aqt'asax jupa pachpa usuchjaski ukhama’ sasa.

Hechos 9:4

Ukspachaw Saulox uraqir jaqnuqtäna, ukatsti mä aru jupar saskir ist'arakïna: “Saulo, Saulo, ¿kunatsa arknaqista?” sasa.

Jueces 2:1

Tatitun angelapax Guilgal chiqat Boquim chiqaruw saräna, ukatsti israelitanakarux sänwa: “Nayaw jumanakarux Egipto markat irpsunipxsma, ukatsti nayra awkinakamar arsuta uraqiruw irpanipxsma, jupanakarusti säyätwa: ‘Janipuniw jumanakampi lurat arust'äwirux p'akintkäti,

1 Samuel 3:10

Uka qhipat Tatitux purinïna, ukatsti sayt'asisin kunjämtix nayraqatax jawskatayna ukhamarak jawsäna: —¡Samuel! ¡Samuel! —sasa. Samuelusti sarakïnwa: —Parlaskakim, luqtirimax ist'asktamwa —sasa.

1 Samuel 3:4

Ukapachaw Tatitux jupar jawsäna: —¡Samuel! —sasa. Samuelusti sarakïnwa: —¡Akankasktwa! —sasa.