Génesis 22:1 - Qullan Arunaka DC

¹ Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

Aymar Bibliia 1986

¹ Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

Qullan Arunaca

¹ Mä kawkha tiempo pasatatsti Diosajj Abrahaman iyawsañapwa yant'äna. Sutipatwa art'anïna, jupasti saraquïnwa: —Acanctwa —sasa.

Génesis 22:1 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 21:11

Abrahamasti uk ist'asax walpun chuymapax usüna, Ismaelan wawaparakïtap layku.

Génesis 22:11

Tatitun angelapaw alaxpachat art'anïna: —¡Abraham! ¡Abraham! —sasa. Jupasti sänwa: —Akankasktwa —sasa.

Génesis 22:7

Ukampis Isaacax Abrahamar sänwa: —Tatay, lawasa, ninasa utjistuwa, wilañcha luqtañatakisti ¿kawkinkarak ovejasti? —sasa.

Génesis 37:13

Ukat Jacobux Josear säna: —Jilanakamax Siquem tuqin ovejanak awatisipki. Jupanakar uñjt'ir sarasma —sasa. —Saräxaya, kun janixa —sasaw Joseax säna.

Génesis 46:2

Uka arumasti Diosax mä samkan Israelar parlxayäna, sutipat jawsarakïna: —¡Jacob! —sasa. Jacobusti: —Akankasktwa, —sarakïnwa.

2 Samuel 24:1

Tatitux wasitat israelitanakatak q'apisirakïna, ukatsti Davidaruw amtayäna, Israel markampita, Judá markampit jaqinak jakthapiñapataki.

2 Crónicas 32:31

Kunapachatix Babilonia markankir jilïr irpirinakax khithanak khithankäna, markan kuna muspharkañatix luraskatayna ukanak yatxatiri ukkhaxa, Diosax Ezequiasar sapak jaytäna jupar yant'añataki, ukhamaraki chuymapan lup'ïwipa yatiñataki.

Salmos 11:5

Tatitux juchanirus jan juchanirus taqiniruw uñch'ukiski, ñanqha lurañ munirinakarusti walpun uñisi.

Éxodo 16:4

Ukat Tatitux Moisesar säna: —Nayax alaxpachat t'ant'a jalluyanï, jaqinakax sapüruw apthapisipxani, qawqhatix uka urutak wakiski ukhamarjama. Ukhamat nayax uñjä arunakaxar jaysirïpxatapsa, jan jaysirïpxatapsa.

Éxodo 3:4

Tatitusti Moisesar jutir uñjasin zarza ch'aphi ali taypit art'äna: —¡Moisés, Moisés! —sasa. Moisesasti sänwa: —Akankasktwa —sasa.

Proverbios 17:3

Qurisa, qullqisa ninamp yant'atawa; jaqin chuymanakapsti Tatituw yant'i.

Isaías 6:8

Ukatsti Tatitun arup ist'ta akham siri: “¿Khitirus khithäxa? ¿Khitis nayat parlir sarani?” sasa. Nayasti saraktwa: “Nayar khithita, nayaw jumxat parlanï” sasa.

1 Corintios 10:13

Jumanakan janiw kuna yant'as jan atipjkayax utjapktamti. Jumanakasti Diosaruw katuyasipxañama, jupasti janiw jumanakarux jan atipkay yant'anakamp t'aqhisiyapkätamti. Jan ukasti, kunapachatix yant'ax jutkan ukkhaxa, Diosaw jumanakarux kunjämat uka yant'ar atipjañsa yanapt'apxätam, ukhamat atipt'apxäta.

Deuteronomio 13:3

3 (4) ukapachasti jan jumanakax jupanakar ist'apxamti; Tatit Diosamaw uka tuqit jumanakar yant'añ munasipktam, jumanakax taqpach chuymampiti, taqpach jakañamampit jupar munapxta uk yatiñataki.

Deuteronomio 8:16

Ukatsti wasaran maná sat manq'a manq'ayapxtam, janiw nayra awkinakamas uka manq'a uñt'apkataynati, ukhamat jumanakar yant'añataki, llamp'u chuymanïñ yatiqapxañamataki, ukasti jumanakan askimatakirakïnwa.

Deuteronomio 8:2

Tatit Diosamax wasaranjam pusi tunka mara sarnaqayasa irpanipktam taqi uka thakhit amtasipxam, jumanakar t'aqhisiyañataki, yant'añataki, amtäwinakam uñt'añataki, kamachi arunakap phuqhirjamäpxtati janicha uk yatiñataki.

Hebreos 11:17

Abrahamax iyawsäwi laykurakiw kunapachatix Diosax yant'kän ukapachax Isaac wawap wilañcha luqtañatak irpäna. Jupax uka mä sapa wawap luqtañatak jank'akïnwa, Diosax jupar akham arsuwaykchïn ukasa:

Santiago 2:21

Abraham nayra awkisarux Diosax askit uñt'äna, Isaac wawapar wilañcha luqtatap layku.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

Jueces 2:22

Tatitusti ukampix israelitanakaruw yant'añ munäna, Diosan thakhipan sarapxaspati, kunjämtix nayra awkinakapax sarapkatayna ukhama, jan ukax janicha.

1 Samuel 3:4

Ukapachaw Tatitux jupar jawsäna: —¡Samuel! —sasa. Samuelusti sarakïnwa: —¡Akankasktwa! —sasa.