Génesis 21:23 - Qullan Arunaka DC

²³ Ukhamasti, Dios nayraqatan jichhpach mä juramento lurarapita, jan kuna ñanqhsa nayarusa, wawanakaxarusa, wawanakaxan wawanakaparusa luraskañamataki. Kunjäm suma chuymampitix nayax jumar uñjksma ukham uñjitäta, kawkïr markar jakiritix jutkta uka markankir jaqinakampix ukhamarak luräta.

Aymar Bibliia 1986

²³ Uca laycu, jichhajj uca Diosam laycu mä juramento lurarapita aca chekana jan cuna ñankhsa nayaru, uqhamarac wawanacajjaru, wawanacajjan wawanacaparusa lurañamataqui. Cunjäma suma chuymampitejj nayajj jumar uñjcsma uqhamrac jumajj aca marcan jaquir jakenacajjampi luräta.

Qullan Arunaca

²³ Uca laycu, jichhajj uca Diosam laycu mä juramento lurarapita aca chekana jan cuna ñankhsa nayaru, uqhamarac wawanacajjaru, wawanacajjan wawanacaparusa lurañamataqui. Cunjäma suma chuymampitejj nayajj jumar uñjcsma uqhamrac jumajj aca marcan jaquir jakenacajjampi luräta.

Génesis 21:23 Jak'a apnaqawi uñst'ayäwi

Génesis 20:14

Abimélec reyisti, Abrahamarux Sara warmip irpxaruyxäna. Ukhamarus ovejanaka, vacanak churawayxäna, ukhamarak chacha, warmi uywatanaka irpxaruyarakïna,

Génesis 21:24

Ukatsti Abrahamax juramento lurarapïna.

Génesis 24:3

ukatsti alaxpacha, akapach Diosan sutipxar juramento lurarapita, Isaac wawaxaru, jan aka Canaán uraqinkir warmimpi jaqichañamataki,

Génesis 26:28

Jupanakasti ukxaruw sapxarakïna: —Nanakax uñjapxtwa Tatitun jumampïskatapa, ukat jumampi mä arust'äwi lurir jutapxta. Juramento lurañäni. Arust'äwisti akäniwa:

Génesis 31:44

Jichhax jutamaya, jumampi nayampi mä arust'äwi lurañäni, ukasti jiwas panitakix mä qhanañchäwïniwa —sasa.

Génesis 31:53

Jichhasti Abraham achachilaman Diosapay uñjpan, Nahor achachilaxan Diosapas uñjarakpan —sasa. Ukhamasti Jacobux kawkïri Diosarutix Isaac awkipax yupaychkäna ukan sutipxaruw juramento luräna.

Génesis 39:3

Uywiripasti amuyarakïnwa Tatit Diosan Joseampïskatapa, ukat Joseatak taqi kunan walikïskatapa.

Génesis 47:31

Ukampis awkipax saskakïnwa: —¡Juramento lurarapita! —sasa. Joseasti juramento lurarapïna, ukatsti Jacob awkipax ch'ijmapxaruw alt'awayäna.

Jeremías 4:2

Kunapachatix nayan sutixar juramento luräta ukkhasti, nayampisa, taqinimpisa chiqa chuymampi luram. Ukhamat jumar munatax layku, taqi markanakarux askinakax churarakï, uka markanakasti nayaruw yupaychapxarakitani” sasa.

2 Corintios 1:23

Janis amtataxarjam Corintor sarksta ukasa, jumanakat khuyapayasisaw jan jutkti, uksti Diosaw yatiski.

Deuteronomio 6:13

Ukhamasti, jumanakan Tatit Diosamar yupaychapxam, jupa saparukirak luqtapxam, ukatsti kunapachatix juramento lurapkäta ukkhaxa, Tatitun sutipxaruk lurapxam.

Hebreos 6:16

Jaqinakax juramento lurapki ukkhaxa, jupanakat sipan jilïr laykuw lurapxi, kunapachatix juramentompi arsupki ukkhasti, janiw juk'amp kuna arsuñas utjkxiti.

Josué 2:12

Ukat jichhax jumanakar mayipxsma, akawjanpach Tatitun sutipxar juramento lurapxañamataki, wila masinakaxar khuyapayasiñampi uñjapxañamataki, kamisatix nayax jumanakat khuyapayaskta ukhama. Jumanakan chiqa chuymanïpxatam uñacht'ayapxita,

1 Samuel 20:13

Ukampisa, awkixatix jumar jan wal lurañ amtanixa, ukat janirak juman jaltxañamatak yatiykäma ukkhaxa, Tatitux nayar mutuyitpan. ¡Tatituy jumarux yanappan kunjämtix awkixar yanapkän ukhama!

1 Samuel 20:17

Jonatanasti Davidaru taqi chuymampi munasitap laykux wasitat juramento lurarapïna.

1 Samuel 30:15

Davidasti jiskt'askakïnwa: —¿Uka lunthata jaqinakan ukar irpitasmati? —sasa. Ukat egipcio jaqix sarakïna: —Jumatix Tatitun sutipxaru juramento lurarapitasma nayar jan jiwayañamataki, uywirixarus jan katuyañamataki, ukkhax nayax kawkhankapkitix jupanakax ukakamaw irpäma —sasa.