Génesis 21:17 - Qullan Arunaka DC

¹⁷ Diosasti uka wawan jachatap ist'arakïna, ukatsti alaxpachatpach Diosan angelapax Agar warmir jawsasaw sarakïna: “Agar ¿kunas kamachtam? Jan axsaramti, Tatit Diosax wawaman jachatap ist'iwa.

Aymar Bibliia 1986

¹⁷ Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Qullan Arunaca

¹⁷ Ucampisa Diosajj uca wawan jachatapjja ist'araquïnwa, Diosan angelapasti alajjpachatpachwa Agar warmirojj jawsaraquïna, saraquïnwa: “¿Cunas pastam, Agar? Jan ajjsaramti, Diosasti wawaman jachatapjja ist'iwa cawqhancquitejj ucqhatpacha.

Génesis 21:17 Jak'a apnaqawi uñst'ayäwi

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 16:11

Usur jaqïtawa, ukatsti mä yuqall wawa wawachasïta, juparusti Ismael sasaw sutichäta, Tatitun juman t'aqhisitam ist'atap layku.

Génesis 16:7

Ukampis Tatitun mä angelapaw wasaran juparux jikxatäna, Sur satäkis ukar sarki uka thakhi jak'ana mä uma jalsu thiyana,

Génesis 16:8

ukat jiskt'arakïna: —Agar, Sarai warmin uywatapa, ¿kawkitsa jutaskta, kawkirus saräta? —sasa. Agar warmisti sarakïnwa: —Sarai uywirixan utapat jaltanta —sasa.

Génesis 16:9

Ukatsti Tatitun angelapax sarakïnwa: —Uywiriman utapar kuttam, ukatsti taqi kunansa jupar ist'arakim —sasa.

Génesis 22:11

Tatitun angelapaw alaxpachat art'anïna: —¡Abraham! ¡Abraham! —sasa. Jupasti sänwa: —Akankasktwa —sasa.

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 46:3

Ukat Diosax jupar sarakïna: —Nayax awkiman Diosapätwa. Egipto markar sarañ jan axsaramti, ukan nayax wawanakamaru mä jach'a markar tukuyä.

2 Reyes 13:23

Ukampis Tatitux jupanakat khuyapayasïnwa, yanapt'arakïnwa, jupan Abraham, Isaac, Jacob ukanakampi suma arust'äwi luratap layku, ukat jupax Israel markarux q'al tukjañsa, jupan nayraqatapat jaqunukuñsa jan munkänti. Jichhakamas Tatitux israelitanakar imaskakiwa.

2 Reyes 13:4

Ukat Joacaz reyix Tatitur mayïna, Tatitusti mayisitap ist'änwa, kunjäm jan waltix Siria markankir reyix israelitanakar t'aqhisiykän ukanak uñjatap layku.

Salmos 10:14

Juma pachpaw ñanqha luratanakap uñjtaxa, ¡jumaw uñjtaxa, jupanakarusti juchap uñt'ayätaxa! Jumaruw jan arxatirin jaqinakax makhatxapxtam; jumaw wajchanakan yanapiripätaxa.

Salmos 50:15

Llakitäkät ukkhax nayar jawsita; nayasti qhispiyämawa, jumax jach'aruw aptarakitäta” sasa.

Salmos 6:8

8 (9) Ñanqha lurir jaqinaka, nayat jithiqtapxita, Tatituw jachataxarux ist'itu;

Salmos 65:2

2 (3) jumax mayisitanakar ist'irïtawa! Taqi jaqinakaw juman ukarux jutapxi.

Salmos 91:15

Nayar art'asitan ukapachaxa, mayisitaparux jaysäwa. Jupamp chikaw t'aqhisiñankä, llakisiñat irpsü, jach'aruw aptä;

Éxodo 14:13

Ukampis Moisesax ukxaruw jupanakar säna: —Jan axsarapxamti. Ch'amañchasipxam, jichhüruw uñjapxäta kuntix Tatitux jumanakar qhispiyañatak lurkani uka. Jichhür uñjapkta uka egipcionakarux janiw mayampsa uñkatkxapxätati.

Éxodo 22:23

23 (22) jumanakatix t'aqhisiyapxätaxa, jupanakax nayaruw art'asinipxitani, nayasti jupanakan art'asitanakap ist'äwa,

Éxodo 22:27

27 (26) thayat jarkt'asiñatakix uka isipakiw jupan utji. Jan kutt'ayankasma ukaxa, ¿kuna isimpirak janxatasispasti? Jupax nayaruw art'asinitaspa, nayasti khuyapayasirïtax laykux ist'äwa.

Éxodo 3:2

Ukansti Tatitun angelapaw mä lawraskir ninan Moisesar uñstäna, zarza sat ch'aphi ali taypina. Moisesax sum uñtäna, ch'aphi alin aqaskiri, uka alisti janiw nakhantkänti.

Éxodo 3:7

Ukampis Tatitux saskakïnwa: —Nayax sum uñjta, kunjämtix markaxax Egipton t'aqhiski ukxa. Uka wali munañan jaqinakan t'aqhisiyat uñjasis arnaqasitanakapsa ist'araktwa, jupanakan t'aqhisitanakap nayax sum yatta.

Isaías 22:1

Unañchäwinak uñjañ qhirwataki profecía arunaka: ¿Kunas kamachi, taqinis uta patarkamakis mistupxixa?

Isaías 41:10

Jan axsaramti, nayaw jumampïskta, jan axsaramti, juman Diosamax nayäsktwa. Nayaw ch'amañchaskäma, nayarakiw yanapaskäma, atipjiri amparaxampiw uywaskäma.

Mateo 15:32

Jesusasti yatiqirinakaparuw jawsäna, ukat sarakïna: —Aka jaqinakat walpun khuyapt'ayasta, jupanakax kimsa uruw nayamp chikäxapxi, janirakiw kuna manq'añapas utjkiti. Jan manq'atpach utanakapar khithanukxirista ukaxa, thakhin sarkasax qarirapxaspawa —sasa.

Marcos 5:36

Jesusasti ukham parlir ist'asinxa, sinagogankir jilïrirux sänwa: —Jan axsaramti, iyawsakim —sasa.

Deuteronomio 26:7

Ukapachasti nanakax awkinakaxan Tatit Diosaparuw mayipxäyäta nanakar yanapt'añapataki, Diosasti mayisitanakax ist'apxituwa, pist'añan sarnaqatanakaxsa, wali irnaqatanakaxsa, wali t'aqhisitanakaxsa uñjarakiwa.

Jueces 18:23

Arktanirinakan arnaqasitanakap ist'asasti, danita jaqinakax kutikipstanisin Micaías chacharuw jiskt'apxäna: —¿Kunas kamachtam? ¿Kunatsa ukataq arnaqanipxista? —sasa.

1 Samuel 11:5

Ukhamäkipansti Saúl waynax urqu vacanak ant'ataw pampat kutt'asinkäna, ukat jiskt'äna: —¿Kunas jaqinakar kamachi? ¿Kunatsa jachapxi? —sasa. Jaqinakasti kuntix Jabés markat khithanitanakax sapkatayna ukanak yatiyapxäna.