Génesis 21:15 - Qullan Arunaka DC

¹⁵ Kunapachatix uka lip'ich wayaqan umax tukusxän ukkhaxa, wawaparux mä ali k'uchuruw qunt'äwayäna,

Aymar Bibliia 1986

¹⁵ Cunapachatejj uca lip'ichi wayakan umapajj tucusjjän ucqhajj wawaparojj mä koka c'uchuruw kont'ayawayi,

Qullan Arunaca

¹⁵ Cunapachatejj uca lip'ichi wayakan umapajj tucusjjän ucqhajj wawaparojj mä koka c'uchuruw kont'ayawayi,

Génesis 21:15 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 21:16

jupasti ukkhata jaya chiqar qunt'asiriw sarxäna wawapar jiwir jan uñjañ munasa. Kunapachatix jupax qunt'asxän ukkhasti, wawax walpun jachañ kalltäna.

1 Reyes 17:12

Warmisti ukxarux sänwa: —Tatit Diosam laykuw juramentompi arsta, janiw t'ant'a luratax utjkituti. Ukhamarus wakullaxan mä jach'i jak'ukiw utjitu, chatuxansti mä juk'a aceitekiw utjarakitu, jichhax mä juk'a phäña apthapisiskäyäta, wawaxampitaki, nayampitak mä kuna manq'sa phayt'añataki. Uk manq'asipxä, ukatsti inas manq'atjam jiwxapxchï, janiw phayasiñax utjkxapxituti —sasa.

2 Reyes 3:9

Ukhamaw Israelampina, Judá markampina, Edom markampin reyinakapax sarantapxäna. Ukampis paqallq uruw wasaranjam muytanipxañapäna, ukchañkamasti umapax pist'xänwa ejercitopatakisa, caballonakapatakisa.

Salmos 63:1

1 (2) ¡Diosaxay, jumaw Diosaxätaxa! Jumarux walpun thaqsma, ajayuxax jumatjam pharjatawa; taqi chuymapuniw jumarux munsma, jan umani, jan jakañan waña uraqir uñtata.

Isaías 44:12

Uñjañäni kunsa mä herrero jaqix luri uka: Cincelap katusinxa, nina k'illimaruw junt'uptayi, ukatsti martillompi liq'susaw kunjämarutix munki ukhamar apsu. Wali ch'amampiw ukham luraraki. Ukampisa, herrerotix jan manq'kaspaxa, ch'amapax tukusispawa, janitix umsa umkaspaxa, mäkiw qarjtarakispa.

Jeremías 14:3

Qamirinakax uywatanakaparuw um aptir khithapxi; uywatanakasti uma phujunakaruw sarapxi, ukampis janiw um jikxatapkiti, ch'usa wakullanak apt'atakiw kutt'anxapxi; mayjt'ata, p'inqachjataw p'iqinakapsa imxatasipxi.