Génesis 21:1 - Qullan Arunaka DC

¹ Tatitux arsutaparux Sara warmir ist'asax phuqhänwa,

Aymar Bibliia 1986

¹ Arsutaparjamasti Tatitojj Sara warmirojj ist'änwa, uqhamaraquiw arsutaparojj phokhäna.

Qullan Arunaca

¹ Arsutaparjamasti Tatitojj Sara warmirojj ist'änwa, uqhamaraquiw arsutaparojj phokhäna.

Génesis 21:1 Jak'a apnaqawi uñst'ayäwi

Génesis 17:16

Nayaw juparux aski waxt'äwinak churä, jupa tuqsti mä wawa churarakïma. Jupasti walja markanakan taykapäniwa, wawanakapasti walja markanakan reyiparakïniwa —sasa.

Génesis 17:19

Tatitusti sarakïnwa: —Sara warmimax mä wawa wawacharapïtam, jumasti Isaac sutimpiw uchäta. Jupampiw arust'äwix sum sayt'ayä, wawanakapampisti wiñayatakiw arust'äwix utjayarakï.

Génesis 17:21

Ukampis nayan arust'äwix Isaac wawamampikiw utjayä, kawkïri wawtix akat mä mararux Sara warmimax wawacharapkätam ukampi.

Génesis 18:10

Ukatsti maynïrix sarakïnwa: —Akat mä mararuw jumar tumpt'ir kutt'anï, ukkhatakisti Sara warmimax mä wawanïniwa —sasa. Ukañkamasti, Sara warmix Abrahaman qhipäxapan chhujllar mantañawjan taqi uka arsutanak isch'ukiskäna.

Génesis 18:14

¿Tatitutakisti kuna lurañas ch'amäspati? Akat mä mararuw tumpt'ir kutt'anï, ukkhatakisti Sarax wawanïxaniwa —sasa.

Génesis 24:36

Ukhamarus Sara warmipax wali chuymanïxasaw mä yuqall wawa wawacharapi, uywirixasti uka wawaparuw taqi kun jaytawayxi.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

2 Reyes 4:17

Ukampis kunjämtix Eliseox siskatayna ukhamarjamaw uka warmix usur jaqiptäna, ukat mararusti mä wawa wawachasïna.

Salmos 106:4

Tatay, markamar munasitam laykuy nayat amtasita, qhispiyir jutkät ukapachay nayar tumpasita,

Salmos 12:6

6 (7) Tatitun arsutanakapax chiqpachawa; ninampi paqallq kuti q'umachat qullqir uñtatawa.

Éxodo 20:5

Janiw uka diosanakatak killt'asïtati, janirakiw yupaychätasa, nayaw juman Tatit Diosamätxa, jan yaqhampïñam munir Diosätwa, nayar uñisir awkinakan juchapatxa, nayaw wawanakaparusa, allchhinakaparusa, allchhinakan allchhinakaparus mutuyta;

Éxodo 3:16

Jichhasti saram, israelitanakan jilïrinakap tantachthapisin jupanakar sarakim: “Abraham, Isaac, Jacob, nayra awkinakaman Tatit Diosapaw nayar uñstasin akham situ: ‘Nayax jumanakar ist'apxsmawa, kunjämtix Egipton jumanakar lurapktam ukanaksa uñjaraktwa.

Éxodo 4:31

Ukanak uñjasinsti israelita jaqinakax Moisesar iyawsapxänwa, Tatitun jupanakat amtasitapa, t'aqhisitanakapsa uñjatap yatisinxa, jupanakax killt'asisaw Diosar yupaychapxäna.

Mateo 24:35

Alaxpachampi akapachampix tukusiniwa, arunakaxasti janiw tukuskaniti.

Lucas 1:68

“¡Israelan Tatit Diosapax jach'añchatäpan, jupasti markasar qhispiyiriw juti!

Lucas 19:44

ukatsti q'al tukjapxätam. Jaqinakamaruw jiwarayapxani, janirakiw mä qalsa sayt'at jaytapkaniti, Diosax jumar uñjir jutktam ukkha jan katuqatam layku.”

Gálatas 4:23

Uywat warmin wawapax janchin munañapat yurïna; warmipan wawapasti Diosax arskatayna ukarjam phuqhasiñapatakiw yurïna.

Gálatas 4:28

Jilatanaka, jumanakax Isaac chachjamäpxtawa, Diosax arsuwaykatayna uka wawanakäpxtawa.

Tito 1:2

ukhamarak wiñay jakañ suyt'äwirusa. Uka wiñay jakañ churañatakix Tatitux janïr aka uraqi qalltaskipan phuqhañatakiw arsuwayi, Tatitusti ukham arsutap phuqhapuniwa.

Rut 1:6

Mä urusti, Noemí mamax Moab markan suma yatiyäwi ist'äna, Tatitux Israel markapat khuyapt'ayasitapa, mach'a maranakasti tukusxataparaki.

1 Samuel 1:19

Qhipürusti, Elcaná chachampi, wila masinakapampix willjtat sartasipxäna, Tatitur yupaychasinsti, Ramá sat chiqankki uka utaparuw kuttanxapxäna. Uka qhipatsti Elcaná chachax Ana warmipampiw mayachasïna, Tatitusti Ana warmin mayisitaparux ist'änwa.

1 Samuel 2:21

Tatitusti Anarux aski waxt'äwipampiw phuqt'äna, ukatsti Anax usur jaqiptxänwa, ukat kimsa yuqall wawampi, pä imill wawamp wawachasïna, Samuel wawasti Tatitun nayraqatapan jiltaskakïnwa.