Génesis 20:5 - Qullan Arunaka DC

⁵ Abraham kipkaw nayarux situ, ‘kullakaxawa’ sasa, jupasa Abrahamax ‘jilaxawa’ sarakiwa. Ukhamasti nayax taqi kunsa walik luraskta, janirakiw kuna jan wali amtañampis lurkti” sasa.

Aymar Bibliia 1986

⁵ Abraham quipcaw nayarojj situ: ʻCullacajjawʼ sasa, jupasa Abrahamajj ʻJilajjawʼ saraquiwa. Uqhamasti nayajj take cunsa walic lurasctjja, janiraquiw cunsa jan wali amtañampejj lurcti” sasa.

Qullan Arunaca

⁵ Abraham quipcaw nayarojj situ: ‘Cullacajjaw’ sasa, jupasa Abrahamajj ‘Jilajjaw’ saraquiwa. Uqhamasti nayajj take cunsa walic lurasctjja, janiraquiw cunsa jan wali amtañampejj lurcti” sasa.

Génesis 20:5 Jak'a apnaqawi uñst'ayäwi

Génesis 12:13

Uka layku, jiskt'apkätam ukkhaxa, ‘kullakapätwa’ samaya, ukhamat nayatakix taqi kunas walikïskani, jiwañatsa qhispïwa” sasa.

Génesis 20:13

Kunapachatix Diosax awkixan utapat irpsunkitu ukkhaxa, nayax juparux sistwa, kawkharutix purkañäni ukanxa, nayatxa “jilaxawa” sañapapuni —sasa.

Génesis 20:16

Sararusti sarakïnwa: —Jilamarux waranqa qullqi katuyaskta, ukasti khitinakatix jumampïki ukanak nayraqatan sumat uñt'atäñamatakïniwa. Janiw khitis jumat kuna jan walsa arsuñapäkiti —sasa.

1 Reyes 9:4

Jichhasti, jumatix nayraqataxan David awkimjam sum sarnaqäta, jan kamskay chiqa chuymamampi, arsutaxarjam taqi kuns lurarakïta, ukatsti kamachinakaxarusa, arsüwinakaxarus ist'arakïta ukaxa,

2 Reyes 20:3

“Tatay, achikt'assmawa, nayat amtasikitaya, nayax chiqa chuymampi, kunatix jumar kusisiyktam ukhamarjamaw luqtawaysma” sasa. Ukatsti jupax walpun jachäna.

1 Crónicas 29:17

Diosaxay, nayax yattwa, jumaw chuymanak uñt'taxa, jumatakix chiqa kankañaw askixa. Ukat chiqa chuymampix taqi akanak chursma. Jichhasti kusisitaw uñjarakta markamax akan tantacht'atäsina, munasiñ chuymampiw waxt'äwinak churapxtam.

Job 33:9

“Nayax q'umätwa, janiw juchanïkti, janiw pantjasitaxasa, juchaxas utjkituti.

Salmos 24:4

Jan juch lurir jaqiw ukankaspa, q'uma chuyman jaqiw ukankaspa, yaqha diosanakar jan yupaychir jaqiw ukankaspa, k'ari juramento jan lurir jaqiw ukankarakispa.

Salmos 25:21

Aski kankañaxampi, chiqa kankañaxampix arxatapxitpan, jumaruw taqi chuymamp katuyassma.

Salmos 26:6

Tatay, amparanakaxas q'umachataw makhatansma, juchaxatsa pampachataw altaramar jak'achasinsma,

Salmos 7:8

8 (9) Tatay, jumaw markanakar tariptaxa: aski kankañaxarjamay uñjita; jan juchanirjamay taripita.

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Salmos 73:13

¡Inamayakiw chuyma q'umachasitaxaxa! ¡Inamayakiw amparanakax ñanqhat jariqasitaxasa!

Salmos 78:72

Davidasti taqpach chuymampiw Tatitun markapar awatïna; ch'ikhi kankañampiw uñjäna, irparakïna.

Proverbios 11:3

Chiqa sarnaqir jaqinakarux chiqa kankañapaw irpi; k'ari sarnaqir jaqinakarusti k'ari kankañapaw tukji.

Proverbios 20:7

Taqi kunansa askin sarnaqawayir jaqin wawanakapax, jupat yatiqasis sarnaqapkani ukapachaxa, kusisiñanïpxaniwa.

Daniel (hebreo) 6:22

22 (23) Diosaxax, leonanakan lakap jist'antiriw angelap khithani, ukhamat nayar jan kuns kamachapxañapataki, Diosax nayan jan juchanïtax yatiwa, ukhamaraki juma rey tuqis jan kuna juch lurataxsa yatirakiwa —sasa.

2 Corintios 1:12

Nanakax taqi jaqinak nayraqatana, juk'ampis jumanak nayraqatana, suma, ukhamarak q'uma chuyman sarnaqapxataxat kusisipxta. Uksti, janiw nanakan yatiñ kankañaxampi lurapkti, jan ukasti, Diosan yanapapampiw lurapxta, ukat munasiñapat jupar yuspagarapxta.

1 Tesalonicenses 2:10

Jumanakaw uñjasipkistaxa, Diosasti uñjasipkarakituwa, nanakasti qullan kankañana, chiqapana, jan kamskayaw jumanak Cristonkirinakampix sarnaqapxta.

1 Timoteo 1:13

Nayrax jan wali arunakampiw jupa tuqi arusis jisk'achäyäta, qhuru chuymampiw arknaqäyäta. Ukampis Diosaw nayat khuyapayasitu, nayax janïraw ukapachax jupar arkkäyätti, kuntix lurkäyät uksa janirakiw yatkäyätti.

Josué 22:22

—Diosanakansa Diosapa Tatituw nanakar yatipxitu, aka altar lurapkta ukax janiw jupar saykatañatakïkiti janirakiw jupat armasiñatakïkisa. Tatituw yati, Israel markax yatirakpan; janitix ukhamäkchi ukax, ¡jichhpach jiwarayapxitpan!