Génesis 20:1 - Qullan Arunaka DC

¹ Abraham chachax kawkhankkäntix ukkhat mistuwayasin Négueb tuqiruw sarxäna, ukat Guerar markan jakxarakïna, uka markasti Cadés, Sur markanak taypinkiwa.

Aymar Bibliia 1986

¹ Abrahamasti cawqhanccäntejj ucatjja mistuwayjjänwa, Néguev tokenacaruw sarjjaraquïna, Gerar marcanwa jacaraquïna, ucasti Cades, uqhamarac Shur taypinquiwa.

Qullan Arunaca

¹ Abrahamasti cawqhanccäntejj ucatjja mistuwayjjänwa, Néguev tokenacaruw sarjjaraquïna, Gerar marcanwa jacaraquïna, ucasti Cades, uqhamarac Shur taypinquiwa.

Génesis 20:1 Jak'a apnaqawi uñst'ayäwi

Génesis 10:19

Cananeo jaqinakan uraqinakapasti, Guerar tuqikamaw purïna, Sidón markatpacha, Gaza sat markakama, ukhamarak Sodoma, Gomorra, Admá, Seboím markanakkama, Lesa sat uka markakamaraki.

Génesis 12:9

Ukatsti juk'at juk'at Négueb wasara tuqirux saraskakïna.

Génesis 13:1

Kunapachatix Abram chachax Egiptot warmipampi, taqi yänakapampi mistuwayxän ukkhaxa, Négueb tuqiruw kuttanxäna. Lot sobrinopasti jupanak chikarakiw saräna.

Génesis 14:7

Kuttanxasin Quedorlaómer reyimpi, jupampïpkän ukanakasti, En-mispat chiqaruw puripxäna, kawkha chiqatix Cadés satäkäna ukaru. Ukansti amalecitanakan uraqip tuqin taqi kuntix thakhin jikxatapkän ukanak t'unjapxäna, uka kipkarakiw Hasesón-tamar sat uksa tuqin jakir amorreonakampix lurapxäna.

Génesis 16:1

Sarai warmisti Abram chachapatakix janiw wawanïrjamäkänti, ukampis mä egipcia uywatapaw utjäna, Agar sata.

Génesis 16:14

Ukat uka uma phuch'ux: “Jakir Tatitun phuch'upa, taqi kun uñjirin phuch'upa” sataxa. Uka phuch'usti Cadés, Béred uka markanak taypinkiwa.

Génesis 16:7

Ukampis Tatitun mä angelapaw wasaran juparux jikxatäna, Sur satäkis ukar sarki uka thakhi jak'ana mä uma jalsu thiyana,

Génesis 18:1

Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Génesis 21:34

Jaya pacharakiw Abrahamax filisteonakan uraqipan jakäna.

Génesis 24:62

Isaacasti Négueb chiqan jakäna, uka jayp'usti “Uñjkitu, jakkaraki” satäki uka phuch'ukamaw jupax purïna.

Génesis 25:18

Saraqir wawanakapasti Havilá sat uraqita, Sur sata uraq taypin jakapxäna, Egipto qurpa uñkatasina, Asiria tuqir sarañ uraqina. Ukawjan jupanakax utjantasipxäna, jilanakapax jan munapkchïna ukasa.

Génesis 26:1

Uka urunakansti mä jach'a mach'aw uksa uraqinakan utjäna, kunjämatix Abrahaman urunakapan utjkäna ukhama. Ukat Isaac chachax Guerar markar sarxäna. Kawkhantix filisteonakan Abimélec reyipax jakkäna uksaru.

Génesis 26:20

Ukampis Guerar chiqankir oveja awatirinakax Isaacan awatirinakapampiw ch'axwapxäna, jupanakasti uka umax “Nanakankiw” sasaw sapxäna. Isaacasti ukat uka phuch'urux “Ch'axwaña” sasa sutichäna.

Génesis 26:26

Mä urusti, Abimélec reyix Isaacamp parliriw Guerar chiqatpach jutäna. Jupa chikasti Ahuzat masipampi, ejercitopan Ficol sat jilïripampiw jutarakïna.

Génesis 26:6

Ukhamaw Isaacax Guerar chiqar Abimélec reyimp parlir saräna, ukatsti ukan jakiriw qhiparxarakïna.

Salmos 29:8

Tatitun arupax ch'usa wasararuw khathatiyi; ¡Tatituw Cadés wasararux khathatiyi!

Éxodo 15:22

Moisesax israelitanakar Mar Rojo qutat Sur sat wasararuw irpxäna, jupanakasti kimsa uruw wasaranjam sarapxäna, janiw uma jikxatapkänti.

Números 13:26

Parán wasaran Cadés sat chiqaruw kuttanxapxäna. Ukan Moisesampi, Aaronampi, taqpach israelitanakampix jikxatasipxäna. Ukatsti kuntix yatxatanipkatayna taqi ukanak jupanakar yatiyapxäna, uka uraqit apanipkatayna uka achunaksa uñacht'ayapxarakïnwa.

Números 20:16

ukat nanakax Tatitur yanap mayisipxta, jupasti arnaqasitanakaxar ist'apxituwa, angelap khithanipxitu, jupaw Egipto uraqit irpsunipxitu; jichhasti Cadés markan jikxatasipxta, markamampi qurpa uraqina.

Deuteronomio 1:19

“Uka qhipatsti, Tatitun iwxanakap ist'asinxa, Horeb qullut sartawayxtan, ukatsti amorreonakan qullup tuqiruw sarapxtan. Ukatsti uka jach'a axsarkañ wasar chiqaw muytanipxaraktan, Cadés-barnea chiqar puriñkama.

Deuteronomio 32:51

Jumanak panix Israel marka nayräxan janiw jaysapkistati, Meribá uma jalsu jak'an jikxatasipkäyät ukapacha, Cadés uraqina, Sin sat wasarana.

1 Samuel 15:7

Ukat Saúl reyix amalecita jaqinakarux nuwantas arktäna, Havilá chiqata Sur markar mantañäkis uka chiqkama, ukasti Egipto qurpankiwa, jupanakarusti atipjarakïnwa;