Génesis 2:25 - Qullan Arunaka DC

²⁵ Ukapachasti chachasa, warmisa q'alalakïsipkänwa, ukampis jupanakat janiw kawkïrisa ukham sarnaqañ p'inqaskänti.

Aymar Bibliia 1986

²⁵ Chachasa, warmisa k'alalaquïsipcänwa, ucampisa janiraquiw cawquïrisa jupanacatjja uqhamätapatjja p'enkasipcänti.

Qullan Arunaca

²⁵ Chachasa, warmisa k'alalaquïsipcänwa, ucampisa janiraquiw cawquïrisa jupanacatjja uqhamätapatjja p'enkasipcänti.

Génesis 2:25 Jak'a apnaqawi uñst'ayäwi

Génesis 3:7

Ukspachaw jupanakan nayranakapax jist'artäna, ukatsti panpachaniw q'alaläsipkatap amuyasipxäna. Ukhamasti higo quqan laphinakap ch'ukthapipxäna, ukampirakiw imxatasipxäna.

Salmos 25:3

¡Jumar taqi chuymamp alkatirinakax janipun p'inqa tukupxpati! ¡Ina ch'usat jumar qallasir jaqinakay p'inqa tukuñarux puripxpan!

Salmos 31:17

17 (18) Tatay, jumaruw art'asinsma, ¡janikiy p'inqa tukuñar nukt'istati! ¡Ñanqha lurir jaqinakar p'inqa tukuyam; jupanakarux manqhapachar jaquntam!

Éxodo 32:25

Moisesasti markar jan jark'añjamätap amuyäna, uñisirinakapatakis laruskayätap uñjarakïna, Aaronax janiw jark'irjamäkataynati.

Isaías 44:9

Khitinakatix diosanak lurapki ukanakax janiw kunäpkisa, jaqin lurat uka diosanakar munasipki ukanakax janiw kunatakis askïkiti. Khitinakatix uka diosanakar yupaychapki ukanakasti luqhi juykhu jaqinakawa, ukatpï jichhax mä p'inqa uñjasipxanixa.

Isaías 47:3

Janchimas q'alal uñstpan, mä p'inqapuniw chhuxurasiñamas uñstani. Jichhaw jumanakampix phuqsusïxa, janirakiw khitis achikt'asitapampix jark'kitaniti”.

Isaías 54:4

Jan axsaramti, janiw mä p'inqa uñjaskätati, janiw kuna jan wali arunaksa sapkätamti, janirakiw kunatsa p'inqaskxätati. Tawaqu kankañaman p'inqachatäkäyät uk armasxätawa, janirakiw mayampsa ijma warmirjam jisk'achapkäyätam uksa amtaskxätati.

Jeremías 17:13

Tatay, jumaw Israelan suyt'añapätaxa. Taqi jumar apanukuristi p'inqachjatäniwa. Taqi jumat jayarst'iristi thayan apat laq'jamaw chhaqtxani, juma, suma jalir umjam Tatitur apanukutapata.

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Ezequiel 16:61

Jumasti luratanakamat amtasïta, ukatsti p'inqa tuküta, jilïr kullakamaru, sullka kullakamar phuchhamäñapatak katuykäma ukapacha; ukampis janiw ukax jumampi arust'äwi lurat laykükaniti.

Joel 2:26

Jumanakasti sist'asiñkamaw manq'apxäta, Tatitu Diosamarurakiw yupaychapxäta, nayasti jumanakatakix jach'a muspharkañanak lurta. Markaxasti janipuniw mayampis p'inqachatäkxaniti,

Marcos 8:38

Maynitix nayatsa, arunakaxatsa aka jucharar jaqinakan nayraqatapan p'inqasinixa, Jaqin Yuqapax jupat p'inqasirakiniwa kunapachatix Awkipan jach'a kankañapampi, qullan angelanakapampi jutkan ukkhaxa —sasa.

Lucas 9:26

Ukampis maynitix nayata, arunakaxatsa p'inqaskani ukaxa, Jaqin Yuqapax jupat p'inqasirakiniwa kunapachatix jupax qhapaq kankañampi, Awkipan jach'a kankañapampi, qullan angelanakamp jutkani ukkhaxa.

Romanos 10:11

Qillqatasti siwa: “Jupar iyawsirix janiw pantjaskaniti” sasa.