Génesis 19:5 - Qullan Arunaka DC

⁵ ukatsti Lot chacharuw arnaqapxäna: —¿Kawkinkapxis jichhärma utamar purinipki uka jaqinakaxa? ¡Irpsunim! ¡Jupanakampiw ikintañ munapxta! —sasa.

Aymar Bibliia 1986

⁵ ucatsti Lot chacharuw arnakapjjäna: —¿Cawquinquis jichhärma utamar purinqui uca jakenacajja? ¡Irpsunim! ¡Jupanacampiw iquintañ munapjjta! —sasa.

Qullan Arunaca

⁵ ucatsti Lot chacharuw arnakapjjäna: —¿Cawquinquis jichhärma utamar purinqui uca jakenacajja? ¡Irpsunim! ¡Jupanacampiw iquintañ munapjjta! —sasa.

Génesis 19:5 Jak'a apnaqawi uñst'ayäwi

Génesis 19:6

Lot chachasti jupanakamp parliriw mistunïna, punku wali sum jist'katasaw

1 Reyes 14:24

Ukhamarakiw uka uraqinkir chachanakax chacha masinakapampi jan wali lurañ yatipxäna, diosanakapataki aski lurapkaspa ukhama, ukanakasti jucharar markanakana jan wali luräwinakapänwa, kawkïr markanakarutix Tatitux israelitanakan nayraqatapat jaqunukkatayna uka markanaka.

1 Reyes 22:46

46 (47) Josafat reyiw uka uraqit jaqunuküna, khitinakatix diosanakaparus yupaychapkaspa uka amuyumpi q'añusiñanakan sarnaqasa jan wali lurapkäna uka jaqinakaru, uka jaqinakasti Asá awkipan urunakapatpach qhiparasipkatayna.

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Jeremías 3:3

Ukat jallus jan purkiti awti pachansa, jallu pachansa. Yaqha chachanakampi sarnaqir warmir uñtat jan p'inqanïtawa; ¡ukham sarnaqatamat p'inqasiñamänwa!

Jeremías 6:15

¡Kuntix nayax jan munkta ukanakat p'inqasipxañapänwa! Ukampisa, janiw p'inqasipkiti, ¡janirakiw kunatix p'inqasiñäki uksa yatipkiti! Ukatpï jichhaxa, kunapachatix mutuykä ukkhaxa, ch'anqtasisaw mayninakjam liwirtapxani. Naya, Tatituw uk sista.”

Ezequiel 16:49

Sodoma kullakaman juchapax akänwa: Jupasa, jisk'a markanakapasa, manq'añan phuqt'atäsina, jan kuna llakin jakkasinxa wali jach'a jach'aw tukupxäna, janirakiw jan kunaninakarusa, pist'at sarnaqirinakarus yanapt'apkänti.

Ezequiel 16:50

Jupanakax wali jach'a jach'aw tukupxäna, ukatsti kunanaktix nayax uñiskta ukanak lurapxarakïna; ukatpï jupanakarux tukjtxa, kunjämtï jumax uñjkta ukhama.

Ezequiel 16:51

Samaria markasti, janiw juman jucha luratamat sipan chikat juchsa lurkänti. Jumasti jupat sipansa juk'ampi axtaskañ juchanak lurtaxa; ukham juchanak sinti luratamaxa, uka markanakax juma nayraqatan janis juchanïpkaspa ukhamäpxiwa.

Levítico 18:22

“Jan mä chachampix warmimpjam ikintamti. Ukham chachapur ikintañax sinti jan wali q'añu luräwipuniwa.

Levítico 20:13

“Mä chachatix yaqha chachar warmischi ukasti, panpachan jiwayatäñapawa, jupanakpacharakiw jiwatapat juchanïsipkani ukham lurapxatap layku.

1 Corintios 6:9

¿Janit yatipkta chiqapar jan uñjirinakan alaxpachar jan mantañapxa? Janiy sallqjayasipxamti, wachuq juchan sarnaqirinakax, janiw Diosan markapar mantapkaniti, janirakiw yaqha diosar yupaychirinakasa, wachuq jucha luririnakasa, q'iwsanakasa, chacha pura, jan ukax warmi pura q'añusirinakasa, lunthatanakasa, mich'anakasa, machirinakasa, ñanqhachirinakasa, lunthatanakas mantapkaniti.

Deuteronomio 23:17

17 (18) “Janiw khiti israelit chachasa, warmisa q'añu lurañanakan sarnaqañapäkiti, yaqha markanakax diosanakapar yupaychañatak lurapki ukhama.

1 Timoteo 1:10

wachuq juchan sarnaqirinakataki, chachapur wachuq juchan sarnaqirinakataki, jaq lunthatirinakataki, k'arinakataki, k'ari juramento luririnakataki; mä arunxa, khitinakatix aski yatichäwinak jan phuqhapki ukanakatak uskutawa.

2 Timoteo 3:13

ukampis salqjir jan wali jaqinakax jan walit juk'amp jan waliruw puripxani, sallqjasina, ukhamarak sallqjayasisina.

2 Pedro 2:2

Waljanirakiw uka k'ari yatichirinakjam jakani, kuntix lurañ munapkani ukanak lurasa, jupanak laykuw chiqpach aski thakhit jan walinak parlapxani.

2 Pedro 2:7

Ukampis Lot chacharux suma jaqïtapat qhispiyäna. Uka markan utjir jaqinakan jan wali luräwinakap uñjasinsti, Lot chachax llakisïnwa.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

Jueces 19:22

Ukhama kusisitäpkan ukkhawa, markankir jan wali jaqinakax utar muyuntasin punkut liq'intapxäna, ukatsti utani awkirux sapxänwa: —¡Utamar sart'ir jaqir irpsunim! ¡Nanakax jupamp ikintasiñ munapxta! —sasa.