Génesis 19:25 - Qullan Arunaka DC

²⁵ ukatsti taqi khitinakatix uka markanakan jakapkäna jupanakampiru, ukhamarak taqi kunatix uka qhirwan jilkäna ukanakampirus q'al tukjäna.

Aymar Bibliia 1986

²⁵ ucatsti take qhitinacatejj uca marcanacan jacapcäna ucanacampwa t'unjäna, uqhamarac take cunatejj uca vallen jilcäna ucanacsa k'alwa t'unjäna.

Qullan Arunaca

²⁵ ucatsti take qhitinacatejj uca marcanacan jacapcäna ucanacampwa t'unjäna, uqhamarac take cunatejj uca vallen jilcäna ucanacsa k'alwa t'unjäna.

Génesis 19:25 Jak'a apnaqawi uñst'ayäwi

Génesis 13:10

Lot chachasti Jordán jawir tuqinkir qhirwa, Sóar sata uka markakamaw uñatatäna, uka qhirwasti wali umanïnwa, mä panqar uyur uñtatänwa. Egipto uraqjamänwa. (Uka uraqisti Tatitux Sodoma, Gomorra sat markanak janïra t'unjkän ukhamänwa).

Génesis 13:12

Abram chachax Canaán uraqiruw qhiparxäna, Lot chachasti qhirwa tuqinkir markanakar jakiriw sarxarakïna, Sodoma marka jak'aru,

Génesis 14:3

Aka phisqa reyisti Sidim qhirwan ejercitonakap tantachapxäna, kawkhankkitix jichhax Mar Muerto sat qutax ukkhana.

Salmos 107:34

purum uraqinak qullpa uraqir tukuyi, jaqinakapan ñanqha lurirïpxatap layku;

Isaías 13:19

Jichhax Babilonia marka, sum ist'ita: yaqha markanakatakix mä k'ajkir qaljamätawa, caldeonakatakisti mä jach'a kankañan markjamarakïtawa, ukampis naya ch'aman Tatituw q'al tukjäma kunjämtix Sodoma, Gomorra markanakar t'unjtxa ukhama.

Jeremías 20:16

¡Uka jaqisti, kawkïr markanakarutix Tatitux wiñayatak t'unjki ukhamäpan! ¡Qhantatinakax usutat arnaqasiñanak ist'pan, chika urusti nuwasiñan arnaqasitanak ist'arakpan,

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 49:18

Sodoma, Gomorra, ukhamarak uka jak'ankir markanakjam t'unjatäniwa. Janirakiw khitis uka markanakan utjaskaniti. Naya, Tatituw uk arsta.

Jeremías 50:40

Kunjämatix Sodoma, Gomorra, uka jak'ankir markanakasa t'unjat uñjasipxäna, ukhamarakiw jichhax Babiloniax t'unjat uñjasini. Janipuniw ukan khitis jakkxaniti. Naya, Tatituw uk arsta.

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Ezequiel 16:50

Jupanakax wali jach'a jach'aw tukupxäna, ukatsti kunanaktix nayax uñiskta ukanak lurapxarakïna; ukatpï jupanakarux tukjtxa, kunjämtï jumax uñjkta ukhama.

Amós 4:11

“Kamisatix Sodoma markampiru, Gomorra markampir nayax tukjkta, ukham jumanakarux tukjapxaraksma; ninat apsut sank'ar uñtatäpxayätawa, ¡ukampis jumanakax janiw nayan ukarux kuttanipktati!” Tatitux ukham siwa.

Deuteronomio 29:23

23 (22) Kunapachatix jiwasan uraqinakas uñjapxani ukkhasti, azufrempi, nakhantat jayumpi, laq'ampik uñjapxani. Janirakiw kunas uka uraqirux satañjamäkaniti, uka uraqix janiw kunsa achuykaniti; janiw mä jisk'a quras uka uraqin jilkarakiniti, kamisatix Sodoma, Gomorra, Admá, Seboím markanakax t'unjatäsin uñjaskän ukhama, Diosaw jach'a axsarkañ q'apisiñapamp uka markanak t'unjäna.

2 Pedro 2:6

Sodoma, Gomorra markanakarusti, Diosax qhillar tukuyañkamaw ninamp nakhantayäna, qhipa urunakan jakir jan wali jaqinakan amuyt'asiñapataki.