Génesis 19:24 - Qullan Arunaka DC

²⁴ Tatitux Sodoma, Gomorra markanakxarux aqkir azufrempiw jallur uñtat purintayäna;

Aymar Bibliia 1986

²⁴ Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Qullan Arunaca

²⁴ Tatitusti ninampi, azufrempwa Sodoma, uqhamarac Gomorra marcanacjjarojj puriyanïna,

Génesis 19:24 Jak'a apnaqawi uñst'ayäwi

Génesis 13:10

Lot chachasti Jordán jawir tuqinkir qhirwa, Sóar sata uka markakamaw uñatatäna, uka qhirwasti wali umanïnwa, mä panqar uyur uñtatänwa. Egipto uraqjamänwa. (Uka uraqisti Tatitux Sodoma, Gomorra sat markanak janïra t'unjkän ukhamänwa).

Génesis 13:12

Abram chachax Canaán uraqiruw qhiparxäna, Lot chachasti qhirwa tuqinkir markanakar jakiriw sarxarakïna, Sodoma marka jak'aru,

Génesis 18:17

Ukampis Tatitux akham lup'irakïna: “Abraham chachar kuntix lurkä ukxa janiw imt'kiristti,

Génesis 19:23

Kunapachatix qhanjtankäna, Lot chachas Sóar markar purkxän ukkhaxa,

Job 1:16

Uka jaqix janïraw parlañsa tukuykänti, ukhamaruw maynix purinirakïna akham sasa: —Mä qhixu qhixuw awatirinakampiru, ovejanakampir jiwarayi. Naya sapakiw jumar yatiyir jaltanxta —sasa.

Job 18:15

Utaparusti ninampiw wiyantasi; yänakapasti azufrempi ch'axchsutawa.

Salmos 11:6

Tatitux ñanqha lurir jaqinakxarux nina sank'ampi, azufrempi jalluyanini, mä junt'u thayaw jupanakarux q'al tukjani. ¡Tatitux lurataparjamaw mutuyani!

Éxodo 9:23

Moisesasti thujrup ayxarusin amparap alaxpach tuqir luqtäna, ukatsti Tatitux qhixu qhixunaka, lliju llijunaka, chhijchhinak uraqxar apayanïna. Egipto markpachan chhijchhintayäna,

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Isaías 13:19

Jichhax Babilonia marka, sum ist'ita: yaqha markanakatakix mä k'ajkir qaljamätawa, caldeonakatakisti mä jach'a kankañan markjamarakïtawa, ukampis naya ch'aman Tatituw q'al tukjäma kunjämtix Sodoma, Gomorra markanakar t'unjtxa ukhama.

Isaías 30:33

Asiria markataki, reyipatakisa, t'aqhisiyañ chiqax nayratpach wakichatawa, uka chiqan ansapasti wali jach'awa, manqharakiwa, ninasti walja lawanak taypin wal nakharaki. Tatitun phust'atapaw aqtayarakini, jach'a azufre jallükaspas ukhama.

Jeremías 20:16

¡Uka jaqisti, kawkïr markanakarutix Tatitux wiñayatak t'unjki ukhamäpan! ¡Qhantatinakax usutat arnaqasiñanak ist'pan, chika urusti nuwasiñan arnaqasitanak ist'arakpan,

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 49:18

Sodoma, Gomorra, ukhamarak uka jak'ankir markanakjam t'unjatäniwa. Janirakiw khitis uka markanakan utjaskaniti. Naya, Tatituw uk arsta.

Jeremías 50:40

Kunjämatix Sodoma, Gomorra, uka jak'ankir markanakasa t'unjat uñjasipxäna, ukhamarakiw jichhax Babiloniax t'unjat uñjasini. Janipuniw ukan khitis jakkxaniti. Naya, Tatituw uk arsta.

Lamentaciones 4:6

Jerusalén markax tinkuwa, juchapasti Sodoma markan juchapat sipan juk'amp jilapuniwa, uka markax jan khitin nuwantataw mä juk'a pachan t'unjat uñjasïna.

Oseas 11:8

“Israel, ¿kunjämarak apanukt'asïmasti? ¿Kunjämarak jaytanukt'asïmasti? ¿Admá marka tukjkta ukhamti tukjirisma, jan ukax, Seboím markarux kuntix lurkta ukhamarakcha luririsma? ¡Chuymaxaw ch'allxtitu, jumatakisti khuyapayasiñan phuqt'atarakïtwa!

Amós 4:11

“Kamisatix Sodoma markampiru, Gomorra markampir nayax tukjkta, ukham jumanakarux tukjapxaraksma; ninat apsut sank'ar uñtatäpxayätawa, ¡ukampis jumanakax janiw nayan ukarux kuttanipktati!” Tatitux ukham siwa.

Lucas 10:12

Sapxsmawa, aka markan taripäwi urun mutuñ katuqañapax, Sodoma markankir jaqinakat sipan juk'amp jach'äniwa.

Deuteronomio 28:24

Diosasti jallu lantix laq'ampi ch'allampi jumxarux puriyanini, juman t'unjat uñjasiñamkama,

Deuteronomio 29:22

22 (21) Akat qhipar yurir israelita wawanakampi, yaqha jaya markat jutir jaqinakampiw uñjapxani Diosax aka uraqir apayankani uka axsarkañ mutuñanakampi, usunakampi.

Deuteronomio 29:23

23 (22) Kunapachatix jiwasan uraqinakas uñjapxani ukkhasti, azufrempi, nakhantat jayumpi, laq'ampik uñjapxani. Janirakiw kunas uka uraqirux satañjamäkaniti, uka uraqix janiw kunsa achuykaniti; janiw mä jisk'a quras uka uraqin jilkarakiniti, kamisatix Sodoma, Gomorra, Admá, Seboím markanakax t'unjatäsin uñjaskän ukhama, Diosaw jach'a axsarkañ q'apisiñapamp uka markanak t'unjäna.

2 Pedro 2:6

Sodoma, Gomorra markanakarusti, Diosax qhillar tukuyañkamaw ninamp nakhantayäna, qhipa urunakan jakir jan wali jaqinakan amuyt'asiñapataki.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

Apocalipsis 14:10

Diosat jutkani uka jach'a mutuyäwi katuqani, q'apisiñapasti wakichatawa; azufrempi ninampi t'aqhisiyataw uñjasini, qullan angelanakampi, Corderompiw mutupxatap uñjapxani.