Génesis 19:17 - Qullan Arunaka DC

¹⁷ Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Aymar Bibliia 1986

¹⁷ Cunapachatejj marca ankäjjancjjapjjän ucqhasti, mä angelaw saraquïna: —¡Jaltjjam, khespiñamataqui! Janipun kheparojj uñtanipjjamti, janirac sayt'apjjamsa aca vallenjja. Kollu tokenacar jaltjjapjjam khespiña munsta ucapachajja —sasa.

Qullan Arunaca

¹⁷ Cunapachatejj marca ankäjjancjjapjjän ucqhasti, mä angelaw saraquïna: —¡Jaltjjam, khespiñamataqui! Janipun kheparojj uñtanipjjamti, janirac sayt'apjjamsa aca vallenjja. Kollu tokenacar jaltjjapjjam khespiña munsta ucapachajja —sasa.

Génesis 19:17 Jak'a apnaqawi uñst'ayäwi

Génesis 13:10

Lot chachasti Jordán jawir tuqinkir qhirwa, Sóar sata uka markakamaw uñatatäna, uka qhirwasti wali umanïnwa, mä panqar uyur uñtatänwa. Egipto uraqjamänwa. (Uka uraqisti Tatitux Sodoma, Gomorra sat markanak janïra t'unjkän ukhamänwa).

Génesis 14:10

Taqi uka Sidim qhirwa tuqinsti walja asfalto phuch'unakaw utjäna, kunapachatix Sodoma, Gomorra markan reyinakapax nuwasïwit jaltapkäna ukkhaxa, uka asfalto phuch'unakaruw jalantapxäna. Mayni reyinakasti qullunakaruw jaltxapxäna.

Génesis 18:22

Uka jaqinakasti uka chiqatxa Sodoma tuqiruw sarxapxäna, ukampis Abrahamax Tatitun nayraqataparuw qhiparäna.

Génesis 19:18

Ukampis Lot chachax jupanakarux sänwa: —¡Tatanaka, janiw wakiskaspati!

Génesis 19:22

mäpitay uka markar jaltxam, uka markar puriñamkamasti, janiw kuns lurkäti —sasa. Ukat uka markax Sóar sas sutichata, ukasti “jisk'a marka sañ muni”.

Génesis 19:26

Ukampisa Lot chachan warmipax qhipapat jutaskäna, jupasti qhipäx uñtäna, ukatsti uka pachparuw jayu qalar tuküna.

Génesis 19:30

Uka qhipatsti Lot chachax Sóar markan qhiparañ axsarayasxänwa, ukatsti pä phuchhap irpxarusiwayasin qullu tuqir sarxäna, ukan kimsanpacha mä putun jakapxäna.

1 Reyes 1:12

Jutam, may iwxt'äma, ukhamat jumax jakañamsa, Salomón yuqaman jakañapsa qhispiyañamataki.

1 Reyes 19:3

Uk yatisasti, Eliasax jan walt'añankatap amuyasïna, jakañap qhispiyasiñatakisti Judá uraqinkir Beerseba chiqaruw jaltxäna, uywataparusti pachparuw jaytawayxäna.

Salmos 121:1

Nayranakaxampiw qullunak uñatatta: “¿kawkitarak yanapasti nayatak jutani?” sasa.

Jeremías 48:6

¡Jaltxapxam! ¡Ch'amanïki ukax jaltxpan! ¡Monte asnonakjam jaltxapxam!

Números 16:26

Ukapachaw markar säna: —Uka ñanqha jaqinakan chhujllanakapat jithiqtapxam, kunatix jupanakankki ukanak janiw llamkt'apxätati, jumanakax juchanakap layku jan jiwasipkañamataki —sasa.

Mateo 3:7

Kunapachatix Bautisiri Juanax fariseonakaru, saduceonakaru, bautisayasir jutapxatap uñjäna ukkhasti, jupax sänwa: “¡Katari jaqinaka! ¿Khitirak jumanakarusti Diosan jach'a mutuyäwipat jaltañ yatiyapxtamsti?

Lucas 12:23

Jakañax manq'at sipansa juk'amp askiwa, janchisti isit sipansa juk'amp askirakiwa.

Lucas 9:62

Jesusasti juparux sänwa: —Khititix qhulliñ arma katxarusin qhipäx uñch'ukiskaki ukax, janiw Diosan qhapaq markapatak askïkiti —sasa.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

1 Samuel 19:11

Ukatsti jank'akiw Saúl reyix luqtirinakapar Davidan utapar khithäna, jupar qhamiyasin qhipärmanthix jiwayapxañapataki. Ukampis Davidan Mical warmipax nayraqat yatiyxäna, akham sasa: —Janitix jichha arumpacha imantaskät ukaxa, qharüru qhantatix jiwayataw uñjasïta —sasa.