Génesis 19:14 - Qullan Arunaka DC

¹⁴ Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

Aymar Bibliia 1986

¹⁴ Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

Qullan Arunaca

¹⁴ Lot chachasti tollkanacapan ucaruw saräna, ucanacasti phuchanacapampi casarasiñataqui parlatäpjjänwa, ucatsti jupanacarojj saraquïnwa: —¡Sartasipjjam, ucatsti aca marcat jayar sarjjapjjam, Tatitu Diosaw aca marcjja t'unjani! —sasa. Ucampisa tollkanacapajj janiw Lot chachan aruparojj yäkapcänti,

Génesis 19:14 Jak'a apnaqawi uñst'ayäwi

Génesis 19:15

Willjtanxipansti, uka angelanakax Lot chacharuw sapxäna: —¡Jank'ak sartasim! Ukatsti warmimampiru, pä phuchhamampir irpxarusiwayas sarxam. Jan ukasti, aka markamp chika t'unjataw uñjasipxäta —sasa.

Génesis 19:17

Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Génesis 19:22

mäpitay uka markar jaltxam, uka markar puriñamkamasti, janiw kuns lurkäti —sasa. Ukat uka markax Sóar sas sutichata, ukasti “jisk'a marka sañ muni”.

2 Crónicas 30:10

Yatiyirinakasti Efraín, Manasés uraqinak muytanipxäna, markat marka sarasa, Zabulón uraqir puriñkama. Ukampis jaqinakax jupanakat larusipxänwa, janiw yäqapkänti.

2 Crónicas 36:16

Ukampis jupanakax Diosan khithanakapat larusipxänwa, yatiyäwinakapar janiw yäqapkänti, profetanakapatsa phiskasipxarakïnwa, Tatitun q'apisiñapasti markapatak ninjamaw aqtäna, ukat jupax mutuyañ amtäna.

Éxodo 12:31

Uka arumpachaw faraonax Moisesampiru, Aaronampir jawsayanisax jupanakar säna: —¡Akat sarapxam! ¡Jumanakasa, israelitanakas markaxat jayar sarapxam! Mayipkista ukhamarjam Tatitumar yupaychir sarapxam.

Éxodo 9:21

ukampis yaqhipanakax janiw Tatitun arunakapar yäqapkänti, uywat jaqinakapsa, uywanakapsa pamparuw jaytanukupxäna.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Isaías 28:22

Ukatpï, ¡Tatitumpix jan juk'amp phiskaskxapxamti, ukatarak juk'amp jan walinakar mantasipkasma! Taqi ch'amani Tatitun taqi markpachar t'unjañ amtatap ist'arakta.

Jeremías 20:7

Tatay, nayarux suma arunakampiw jawsista, nayasti jawsatamarux iyawstwa. Jumax nayat sipansa juk'ampi ch'amanïtawa, ukat nayarux iyawsayista. Jichhax nayat kunapachas larusisipkakiwa; taqiniw nayat phiskasipxitu.

Jeremías 43:1

Kunapachatix Jeremiasax kuntix Tatitu Diosax siskatayna ukanak jaqinakar yatiyañ tukuyxän ukkhasti,

Jeremías 43:2

Hosaíasan Azarías sat yuqapa, Caréah jaqin Johanán yuqapa, yaqha jach'a jach'a tukur jaqinakampiw Jeremiasarux sapxäna: “¡Jumax parlkta uka arunakax janiw chiqäkiti! Janiw Tatitu Diosasax jumarux sisktamti nanakaru ‘Egiptor jan sarapxamti’ sañamatakixa.

Jeremías 51:6

“¡Babilonia markat jaltxapxam! ¡Qhispiñ munirix qhisppan! ¡Jan jupan juchap laykux jiwapxamti! Jupanakat phuqsusiñ uruw purinxi, luratanakaparjamaw churarakï.

Ezequiel 20:49

49 (5) Nayasti ukxarux saraktwa: “Tatay, jaqinakax sapxiwa nayax jan amuyt'kaña arunakak parlaskataxa” sasa.

Números 16:21

—¡Aka jaqinakat jithiqtapxam, nayaw taqpachanir tukjä! —sasa.

Números 16:26

Ukapachaw markar säna: —Uka ñanqha jaqinakan chhujllanakapat jithiqtapxam, kunatix jupanakankki ukanak janiw llamkt'apxätati, jumanakax juchanakap layku jan jiwasipkañamataki —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Mateo 1:18

Jesusan yurïwipax akhamänwa: María taykapax Joseampi jaqichasiñatak parlatänwa; ukampis janïr chikthapkasin Qullan Ajay tuqi usur jaqiptäna.

Mateo 9:24

jupanakarusti sänwa: —Anqar mistupxam, imill wawax janiw jiwatäkiti, jan ukasti ikiskiwa —sasa. Jaqinakasti Jesusat wal larusipxäna,

Lucas 24:11

Apostolunakatakisti uka warminakan yatiyatapax luqhiptasas ukham parlapkaspa ukham amuyapxäna, ukat janiw iyawsañ munapkänti.

Lucas 9:42

Kunapachatix uka waynax Jesusan ukar niya jak'achasinkän ukapachaw ñanqha ajayux pampar liwinuküna; ukampis Jesusax uka ñanqha ajayuruw tuqinuqäna, uka waynarusti k'umaraptayxänwa, ukat awkipar katuyxarakïna.

Hechos 17:32

Jiwatanakan jakatatañapxat parlir ist'asinsti, mayninakax larusipxänwa, yaqhipanakasti sapxarakïnwa: —Ukanakxat qhipüruw juk'amp parlapxitäta —sasa.

1 Tesalonicenses 5:3

Kunapachatix jaqix akham siskani: “Taqi kunas sumakïskiwa, janiw kunas kamachkaniti” sasa, jupanakxarux ukkhaw t'unjäwix akatjamat jutani, kunjämtix usur jaqi warmin wawachasiñap urux purinki ukhama; ukatsti janiw jaltapkaniti.