Génesis 19:12 - Qullan Arunaka DC

¹² Ukatsti uka pä angelax Lot chacharuw sapxarakïna: —¿Aka markan yaqha wila masinakamax utjtamti? Yuqanakamampi, phuchhanakamampi, tullqanakamampir irpxarusiwayxam, ukhamarak taqi kunatix aka markan utjktam ukanaksa apasxam, ukatsti akat jayar sarxapxam,

Aymar Bibliia 1986

¹² Visitanacasti Lot chacharojj sapjjaraquïnwa: —¿Yakha familianacamajj aca marcan utjtamti? Yokanacamampi, phuchanacamampi, tollkanacamampi, uqhamarac take cunatejj utjctam aca marcan ucanac irpjjarusjjam, ucatsti acat jayar sarjjapjjam,

Qullan Arunaca

¹² Visitanacasti Lot chacharojj sapjjaraquïnwa: —¿Yakha familianacamajj aca marcan utjtamti? Yokanacamampi, phuchanacamampi, tollkanacamampi, uqhamarac take cunatejj utjctam aca marcan ucanac irpjjarusjjam, ucatsti acat jayar sarjjapjjam,

Génesis 19:12 Jak'a apnaqawi uñst'ayäwi

Génesis 19:11

Ukatsti anqankir jaqinakarux utar jan mantapxañapatakix juykhuptayapxänwa. Jupanakasti punku thaqkäwiw qarirapxäna.

Génesis 19:13

aka marksti t'unjapxäwa. Jaqinakan jucha luratanakapax sintipunïxiwa, ukat Tatitux aka markar t'unjir khithanipxitu —sasa.

Génesis 19:14

Lot chachasti tullqanakapan ukaruw saräna, jupanakasti phuchhanakapampi jaqichasiñatak parlatäpxänwa, ukat jupanakarux sarakïna: —¡Sarxarupxam, aka markat jayar sarxapxam, Tatituw aka marka t'unjani! —sasa. Ukampisa tullqanakapax janiw Lot chachan aruparux yäqapkänti.

Génesis 19:17

Kunapachatix marka anqäxankxapxän ukkhasti, maynïr angelaw säna: —¡Jiwañ jan munapksta ukax jaltapxam! Janipun qhiparux uñtanipxamti, janirak qhirwa chiqa sarkasas sayt'apxamti. Qhispitäñ munapxsta ukaxa, qullunakar jaltxapxam —sasa.

Génesis 19:22

mäpitay uka markar jaltxam, uka markar puriñamkamasti, janiw kuns lurkäti —sasa. Ukat uka markax Sóar sas sutichata, ukasti “jisk'a marka sañ muni”.

Génesis 7:1

Uka qhipatsti Tatitux Noé chacharuw sarakïna: “Taqi jaqinak taypin juma sapakiw aka pachan nayan munañaxarjam sarnaqtaxa. Uka layku, jichhax wila masinakamamp arcar mantam.

Jeremías 32:39

Jupanakarusti taqi urunakapanxa, nayar jach'añchkir tukuyarakï, ukhamat jupanakatakisa, wawanakapatakis askïñapataki.

Jeremías 51:45

Nayan markaxa, uka taypit mistunxam, sapa maynis jakañap qhispiyaspan nayan aqkir phiñasiñaxatxa!

Números 16:26

Ukapachaw markar säna: —Uka ñanqha jaqinakan chhujllanakapat jithiqtapxam, kunatix jupanakankki ukanak janiw llamkt'apxätati, jumanakax juchanakap layku jan jiwasipkañamataki —sasa.

2 Pedro 2:7

Ukampis Lot chacharux suma jaqïtapat qhispiyäna. Uka markan utjir jaqinakan jan wali luräwinakap uñjasinsti, Lot chachax llakisïnwa.

2 Pedro 2:9

Ukhampï Tatitux wawanakapar yant'anakat qhispiyañ yatixa, ukhamarak jan wali jaqinakarus taripäwi urun mutuyañatak yaqhachixa.

Apocalipsis 18:4

Ukatsti yaqha aru ist'arakta, alaxpachat art'asiniri: “Uka markat mistupxam, jumanakax markaxankirïpxtawa, jan jupamp chika jucha lurasipkañamataki, jupanakxar jutkani uka t'aqhisiñanakas jumanakxar jan purisinkañapataki.