Génesis 18:8 - Qullan Arunaka DC

⁸ Uka vaca qallxarusti, Abrahamax quesompi, lechempi churarakïna, jupanakan quqa ch'iwin manq'añapkamasti, Abrahamax jank'ak kunsa luqtañatakiw ukkhan sayt'atäskäna.

Aymar Bibliia 1986

⁸ Uca vaca kallut sipansa, Abrahamajj cuajat lechempi, jan cuajat lechempi churaraquïna, wali suma sirvt'araquïna jupanacan koka c'uchun mank'añapcamajja.

Qullan Arunaca

⁸ Uca vaca kallut sipansa, Abrahamajj cuajat lechempi, jan cuajat lechempi churaraquïna, wali suma sirvt'araquïna jupanacan koka c'uchun mank'añapcamajja.

Génesis 18:8 Jak'a apnaqawi uñst'ayäwi

Génesis 18:7

Ukatsti Abrahamax kawkhankkäntix uywanakapax ukaruw jank'ak jalarakïna, ukatsti lik'i vaca qallükis uk irptanïna, ukat maynïr uywataparuw churäna, jupasti jank'akiw manq'añatak wakicht'anïna.

Génesis 18:9

Manq'añ tukuyxatatsti, uka jaqinakax Abrahamaruw jiskt'apxäna: —¿Kawkinkis Sara warmimaxa? —sasa. —Khä chhujllankaskiwa —sasaw Abrahamax säna.

Génesis 19:3

Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

Nehemías 12:44

Khaya urunakansti utt'ayasipxänwa kawkïr chachanakatix qullqi imaña pirwanaka, waxt'äwinaka, nayrïri achunaka, sapa tunkat may churäwinak uchañanak uñjapxañapäki ukanakaru, kamachinakarjam phuqhasa, kunanakatix sacerdotenakataki, levitanakataki sapa markan uraqinakapat purinkän ukanak ukarkam imapxañapataki; Judänkir jaqinakasti sacerdotenakana, levitanakana luräwinakapampix kusisitäpxänwa.

Isaías 7:15

Uka wawasti qallta maranakapanxa, lechempi, misk'impik manq'ani.

Isaías 7:22

walja lechew utjani, ukatsti queso manq'apxani. Taqi khitinakatix markan t'unjatäñapat qhispipkani ukanakasti, quesompi misk'imp manq'apxani.

Lucas 12:37

Kawkïr uywatanakarutix uywiripax suykir jikxatki ukanakax kusisiñanïpxiwa. Qhanak sapxsma, uka uywiripax jupa pachpaw manq'añatak uywatanakapar qunt'ayani, ukatsti sapa maynir manq'a luqtarakini.

Lucas 17:8

Janiwa, jan ukasti juparux siwa: ‘Manq'a wakt'ayarapita, ukatsti nayan manq'añaxkama, umañaxkamasti nayar luqtita; ukat jumax manq'askäta, umaskätasa’ sasa.

Lucas 24:30

Kunapachatix manq'añatak qunt'asipkän ukkhasti, t'ant'a irtasin Diosaruw yuspagaräna, pachjasinsti jupanakaruw churäna.

Lucas 24:43

jupasti katuqasisin jupanak nayraqatan manq'antäna.

Juan 12:2

Ukan Jesusar manq'ayañatak wakichapxäna; Lazarosti Jesusamp chikaw manq'añatak qunt'atäskäna, Marta kullakapasti manq'a churarakïna.

Hechos 10:41

Janiw taqpach markar Jesusax uñstkänti, jan ukasti nanakarukiw uñstapxitäna, khitinakarutix Diosax nayratpach qhanañchiritak ajllipkitu ukanakaru. Jiwatat jaktatap qhipatsti nanakaw jupamp manq'apxta, umapxarakta.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Deuteronomio 32:14

uywanakamatsti lechempi mantequillampi utjayarapipxtam, suma lik'i ovejanak manq'apxaraktaxa, Basán uraqinkir urqu ovejanakampi, urqu cabritonakampi. Suma trigo achunak manq'apxtaxa, suma uvanakat vinsa umapxaraktaxa.

Apocalipsis 3:20

Uñtam, nayax punkunkasktwa, jawsaskaraktwa; khititix nayan aruxa ist'asin jist'aritanixa, nayax jupan ukaruw mantä, jupampiw manq'asirakï.

Jueces 13:15

Manoa chachasti, uka jaqin Tatitun angelapätap jan yatisin säna: —Nanakampi chikay qhipart'am, wakicht'arapipkäm uka cabrito manqt'asiwayañäni —sasa. Ukampis angelax sänwa: —Nayax qhiparirista ukasa, janiw jumampi chika manq'amxa manq'kiristti. Ukampis Tatituruy uka cabrito nakt'at waxt'äwi luqtam —sasa.

Jueces 5:25

Sísara chachax uma mayïna; Jael warmisti leche churäna. ¡Suma imat qiruruw puqtat leche waxt'äna!