Génesis 18:6 - Qullan Arunaka DC

⁶ Abrahamasti kawkhantix utjaskäna ukkhar mäkiw jalantawayäna, ukatsti Sara warmiparuw sarakïna: —¡Jank'aki! Mä pä tunka kilo jak'ut t'ant'anak lurt'am —sasa.

Aymar Bibliia 1986

⁶ Abrahamasti carpaparuw mantawayäna, ucatsti Sara warmiparojj saraquïnwa: —Janc'aqui, mä pä tunca kilo jac'u aptasin t'ant'anac luram —sasa.

Qullan Arunaca

⁶ Abrahamasti carpaparuw mantawayäna, ucatsti Sara warmiparojj saraquïnwa: —Janc'aqui, mä pä tunca kilo jac'u aptasin t'ant'anac luram —sasa.

Génesis 18:6 Jak'a apnaqawi uñst'ayäwi

Génesis 18:5

Niyakixay jumanakax naya luqtiriman utapankapxstaxa, manq'a apanirapipxäma, ukhamat ch'amani sarasipkakiñamataki —sasa. —Walikiw ukhamaxa —sasaw uka jaqinakax ukkhar samarapxäna.

Génesis 18:7

Ukatsti Abrahamax kawkhankkäntix uywanakapax ukaruw jank'ak jalarakïna, ukatsti lik'i vaca qallükis uk irptanïna, ukat maynïr uywataparuw churäna, jupasti jank'akiw manq'añatak wakicht'anïna.

Génesis 19:3

Ukampis Lot chachax utapan qurpachasipxañapatakix saskakïnwa, ukat jupanakax iyawsas jupamp chik utapar sarapxäna. Puripxän ukkhasti, Lot chachax mä suma manq'ampi, jan levaduran t'ant'anakamp wakicht'arapïna, utar sart'ir uka angelanakasti manq'asipxarakïnwa.

2 Samuel 13:6

Ukat Amnonax ikiñar ikintäna, wali usutäkaspas ukhamaw tukurakïna. Reyix jupar uñjir jutkän ukapachasti, Amnonax achikt'asisaw jupar säna: —Tamar kullakaxar khithanita, aka pachpar jutasin pä torta lurt'arapitpan, amparapampi nayar manqt'ayarakitpan —sasa.

Salmos 119:60

Jank'akiw sartasta, jan suyasarakiw arsutanakam phuqta.

Isaías 32:8

Aski jaqisti, askinak lurañ amti, uka aski amtatanakapan sayt'asiraki.

Mateo 13:33

Ukatsti yaqha uñtasïwit jupanakarux parlarakïna: “Diosan qhapaq markapax mä levadurjamawa, kunjämatix mä warmix walja jak'ur mä juk'a levadurampi chaptasax taqpach masa puqtayki ukar uñtatawa.”

Hechos 16:15

Jupasti bautismo katuqäna, taqpach utapankirinakamp chika, uka qhipat nanakar achikt'apxitu: —Jumanakatix nayan Tatitur chiqpach iyawsatax amuyapxstaxa, utaxar qurpachasir jutapxam —sasa. Nanakarusti iyawsayapxituwa.

Romanos 12:13

Diosan markap taypin pist'ayasirinakar yanapt'apxam. Qurpachasiñ thaqhirinakar sum katuqapxam.

Gálatas 5:13

Jilatanaka, Tatitux jumanakar qhispiyat sarnaqasiñaruw jawsapxtam; jumanakasti jan uka qhispiyat sarnaqasiñ tumpanix janchin munañaparjam sarnaqapxamti, jan ukasti, munasiñ laykuy maynit maynikam yanapt'asipxam.

Hebreos 13:2

Utamar purinipki uka jaqinakar katuqt'añ jan armasipxamti, yaqhipanakasti ukham katuqasax jan yatkasaw angelanakar qurpachapxäna.

1 Pedro 4:9

Jumanakkamax mä suma chuymamp qurpacht'asipxam, janirak jupanakat jan walinak parlapxamti.

Jueces 6:19

Gedeonasti utaparuw saräna, ukatsti mä cabrito wakicht'äna, pä tunka libra jak'utsti jan levaduran t'ant'anak lurt'äna; ukatsti mä walayaruw aycha uchäna, caldopsti mä phukhuruw ucharakïna, taqi ukanak encina quqa jak'aruw apäna.

1 Samuel 28:24

Ukchañkamasti warmix, utapan utjkäna uka lik'i vaca qallu kharsüna, ukatsti jan levaduran t'ant'anak lurañatakiw jak'u chapt'arakïna.