Génesis 18:23 - Qullan Arunaka DC

²³ Jupar mä juk'ampi jak'achasisax jiskt'änwa: —¿Jan juchani jaqinakarux jucharar jaqinakamp chik t'unjarakïtati?

Aymar Bibliia 1986

²³ Juparu mä juc'ampi jac'achasisinsti jisct'änwa: —¿Jan juchani jakenacarojj juchaninacampi chicti t'unjaraquïta?

Qullan Arunaca

²³ Juparu mä juc'ampi jac'achasisinsti jisct'änwa: —¿Jan juchani jakenacarojj juchaninacampi chicti t'unjaraquïta?

Génesis 18:23 Jak'a apnaqawi uñst'ayäwi

Génesis 18:24

Inas uka markan phisqa tunkan jan juchan jaqinakax utjchispa. Ukhamäkipansa, ¿uka markarux t'unjaskakïtati, janit uka phisqa tunkan jan juchan jaqinak laykux pampachkäta?

Génesis 18:25

¡Janiw wakiskaspati jan juchaniru, juchanimpi chika jiwarayañamaxa, panpachanis pachpa jucha lurapkaspa ukhama! ¡Jan uk luramti! Jumax aka uraqpachan jach'a taripirïtawa, ¿janit chiqapar uñjkäta? —sasa.

Génesis 20:4

Ukampisa, Abimélec reyix janiw uka warmir llamkt'kataynati, ukat jupax sarakïna: “Tatay, ¿jan kuna ñanqha lurir jaqirusti jiwayasmati?

2 Samuel 24:17

Davidasti angelar jaqinak tukjir uñjasaxa, Tatituruw säna: —¡Nayaw jucha lurta! ¡Nayaw juchanïtxa! ¿Aka jaqinakasti kuna juchanirakisti? ¡Nayasti achikt'asiraksmawa, mutuyäwimax nayampitaki, wila masinakaxampitakïpan! —sasa.

Job 34:17

Diosatix chiqa kankañar uñisispaxa, janiw akapach apnaqkaspati. ¿Kunjämaraki juchañchasmasti khititix q'umansa q'umapäki ukarusti?

Job 8:3

Taqi ch'aman Tatitux, janipuniw kunapachas kunatix chiqapäki uk maysar q'iwkiti.

Salmos 73:28

Nayasti Diosaruw jak'achasï, ukaw nayatakix askixa. Dios Tatay, jumaw arxatirixätaxa, taqpach luräwinakamat yatiyä.

Éxodo 23:7

“K'ari irkatañanakat jithiqtätawa, jan juchan aski jaqir k'arimp jiwayatäñatak janirak juchañchamti; nayax janiw juchan jaqirux janis juchanïkaspa ukham uñjkäti.

Jeremías 30:21

Pachpa marka taypit mayni jilïrix mistuni, jupanak taypit jupanakar apnaqirix mistuni, ukatsti nayaruw jak'achasiyanï; ukampis, ¿khitis nayar jak'achasiniñ munaspa? Jupanakax markaxäniwa, nayasti Diosaparakïyäwa. Naya, Tatituw uk arsta.”

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Santiago 5:16

Ukalayku, jumanakax maynit maynir juchanakam arsusipxam, ukatsti k'umaraptañatakix sapa maynitak Tatitur mayipxarakim. Mä aski jaqin taqi chuymampi Tatitur mayitapax wali ch'amaniwa.

Santiago 5:17

Elías profetax jiwasjam jaqikïnwa, kunapachatix jan jalluñapatak Tatitur taqi chuymapampi maykän ukkhaxa, jallux kimsa mara chikaniw jan purkxänti.