Génesis 18:20 - Qullan Arunaka DC

²⁰ Ukhamasti Tatitux juparux sänwa: —Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa,

Aymar Bibliia 1986

²⁰ Uqhamasti Tatitojj sänwa: —Sodomanquiri, uqhamarac Gomorranquiri jakenacajj sinti jan wali jakenacat uñt'atäpjjewa, juchanacapasti sinti jan walipuniraquiwa.

Qullan Arunaca

²⁰ Uqhamasti Tatitojj sänwa: —Sodomanquiri, uqhamarac Gomorranquiri jakenacajj sinti jan wali jakenacat uñt'atäpjjewa, juchanacapasti sinti jan walipuniraquiwa.

Génesis 18:20 Jak'a apnaqawi uñst'ayäwi

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 19:13

aka marksti t'unjapxäwa. Jaqinakan jucha luratanakapax sintipunïxiwa, ukat Tatitux aka markar t'unjir khithanipxitu —sasa.

Génesis 19:4

Ukampisa janïr ikintapkipan Sodoma markankir taqi jaqinakax Lot chachan utapar muyuntapxäna, wayna jaqinakat qalltasin chuyman jaqinakkama,

Génesis 4:10

Tatitusti sarakïnwa: —¿Kunatsa jilamar jiwayta? Jilaman wilap wartkta ukax kunatix chiqapäki uk nayan uñjañaxatakiw art'asinitu.

Génesis 6:12

jaqinakasti jan walïpxapunïnwa. Diosax taqi ñanqha lurañanakan aka uraqin phuqhantatätap uñjasin,

Isaías 3:9

Juparusti pachpa uñnaqapaw juchanïtap qhanañchaski, juchanakapsti janirakiw imt'asipkiti, Sodoma markankirinakjamaw jan walinak luratapat taqinir yatiyapxi. ¡Ay, kunakïkani, jupanakpachaw mutuyäwip wakichasisipki!

Isaías 5:7

Taqi ch'amani Tatitun uva yapupaxa, uka suma munat yapupasa, Israel markawa, Judá markarakiwa. Tatitusti jupanakatxa, kamachipar yäqatäñap munänxa, ukampis jaqi jiwayañanakak jikxatixa; chiqa luräwinak suyt'änxa, ukampisa t'aqhisiñat warariñanakak jikxatarakixa.

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Ezequiel 16:46

Jilïr kullakamasti amsta tuqinkir Samaria markawa, jisk'a markanakapampi kuna; sullka kullakamasti aynach tuqinkir Sodoma markawa, jisk'a markanakapampi kuna.

Joel 3:13

13 (13) Jupanakasti wali qhurunakäpxiwa, q'illurat trigor uñtat yawthapipxam, yapu apthapiñ pachax purinxiwa; uvax vino lurañatak puqt'atäxiwa, uka uvarjam ch'irwsupxam.

Jonás 1:2

“Sartam, Nínive jach'a markar saram, ukatsti yatiyanim, ñanqha luratanakapax nayraqataxaruw purini, ukat jupanakar q'al tukjä” sasa.

Santiago 5:4

Yapunakam apthapirinakar chanip jan phuqhat churatamax jumanakatakiw warariski. Taqi ch'aman Tatitux yapuchirinakan art'asitap ist'iwa.