Génesis 18:19 - Qullan Arunaka DC

¹⁹ Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

Aymar Bibliia 1986

¹⁹ Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Qullan Arunaca

¹⁹ Nayaraquiw juparojj ajlliracta wawanacaparu nayan yatichäwinacajjar jaysaña yatekapjjañapataqui, uqhamarus cunatejj chekapäqui asquïcaraqui ucanac lurapjjañapataqui, uqhamat nayajj take arsüwinacajjaru phokhañajjataqui” sasa.

Génesis 18:19 Jak'a apnaqawi uñst'ayäwi

Génesis 12:2

Wawanakamampisti mä jach'a marka tukuyäma, aski waxt'äwinakampiw phuqt'äma, sutimsa jach'aruw aptarakï, mayninakatakisti askirakïniwa.

Génesis 12:3

Jumar jach'añchirinakarux, jach'añcharakïwa, jumar ñanqhachirinakarusti, ñanqhacharakïwa; juma tuqiw aka uraqin utjir wila masinakax jach'añchat uñjasipxani” sasa.

Génesis 17:9

Diosasti Abraham chacharux saskakïnwa: —Jumampi, wawanakamampix nayan arust'äwixarux phuqhapxapunim.

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Génesis 35:2

Ukat Jacobux wila masinakaparu, jupampi chika jakirinakarus säna: —Kuna yaqha diosanakatix jumanak taypin utjchi ukanak apanukupxam, ukatsti taq jariqasipxam, yaqha isinakampi uchasipxarakim.

2 Samuel 22:22

Nayax Tatitun thakhipanjam sarnaqta, ¡janipuniw Diosaxat saraqaskti!

2 Samuel 7:20

¿Kunat juk'ampirak sirisma? Tatituxay, jumaw aka luqtirimar sum uñt'taxa.

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

2 Crónicas 14:3

3 (2) Jupax yaqha markan diosanakapan altaranakapsa, qullu patanakan yupaychañ utanaksa tukjayänwa, axsarat qalanaksa jisk'a jisk'a t'unjayäna, Astarté diosar uñtatanaksa t'unjayarakïnwa.

Nehemías 9:7

“Juma Tatit Diosaw Abramarus ajllisiraktaxa; jumaw caldeonakan Ur markapat irpsuntaxa, ukatsti Abraham sutimpiw suticharaktaxa.

Job 1:5

Uka manq'äwi qhipatsti, Job chachax wawanakap jawsayasinxa, wali willjtat sartasin nakt'at wilañchanak luqtirïna, ukhamat sapa mayni jupanakan juchanakapat q'umachatäñapataki, jupax chuymapan sänwa: “inampisa wawanakaxax jucha lurapxchi chuymanakapan Tatitur ñanqhachasina” sasa.

Salmos 1:6

Tatituw aski jaqinakan sarnaqäwip imaski, ñanqha lurir jaqinakan thakhipasti aynacht'añaruw puriyi.

Salmos 11:4

Ukampis Tatitux qullan utapankiwa. Tatitun qunuñapax alaxpachankiwa, nayranakapas arikipuniw taqi jaqinakar uñch'ukiski.

Salmos 34:15

15 (16) Tatitux aski jaqinakaruw imaski, arnaqasitanakaparus ist'arakiwa.

Proverbios 22:6

Wawarux jisk'atpach sarnaqäwipan sum yaticham, awkïxani ukkhasti janiw uka yatichäwinakat armaskaniti.

Isaías 38:19

Jakirinakakiw yupaychapxiristamxa, kunjämtix jichhürux jumar yupaychksma ukhama. Awkinakax wawanakaparux juman chiqapätam parlapxi.

Levítico 14:42

Kawkïri qalanakatix apsutäkäna uka lantisti yaqha qalanak uskxapxani, ukatsti uka pirqxa yaqha ñiq'impiw lluch'katxapxani.

Amós 3:2

“Taqi markanak taypitxa, jumanak saparukiw ajllisipxsma. Ukat taqi jan wali ñanqhanak lurapxatanakamat taripapxäma”.

Mateo 25:17

Pä waranqa qullqi katuqiristi uka pachparak luräna, yaqha pä waranqa qullqimpi jikxatäna.

Juan 10:14

“Nayätwa suma awatirixa. Kamisatix Awkixax nayar uñt'kituxa, nayax Awkixar uñt'araktxa; uka pachparakiw nayax ovejanakaxarux uñt'asta, ovejanakaxasti nayarux uñt'asirakituwa. Nayax ovejanakax laykuw jakañax apt'asirakta.

Juan 21:17

Jesusax mä kutimpis jiskt'askakïnwa: —Simón, Juanan yuqapa, ¿munasipunistati? —sasa. Pedrosti llakthaptänwa kimsa kuti: “munasistati” sas jiskt'atap layku, ukat sarakïna: —Tatay, jumaw taqi kun yattaxa. Jumaw nayan jumar munasitax yattaxa —sasa. Jesusasti sänwa: —Ukhamax ovejanakax awatim.

Hechos 27:31

Ukampis Pablox jupanakan amtäwinakap amuyasin capitanapampiru, soldadonakampiruw yatiyäna: —Aka barco apnaqirinakatix sarxanixa, jumanakax janiw qhispipkasmati —sasa.

Efesios 6:4

Jumanakasti awki taykanaka, wawanakamarux jan thithiyapxamti, jan ukasti Tatitun yatichäwiparjam chiqapar yatichas uywapxam.

Deuteronomio 32:46

Uka qhipatsti, Moisesax aka arunak Israel markarux säna: “Taqi kuntix jichhürun yatichapksma uka arunakxat sum amuyt'asipxam, ukatsti yuqall wawanakamaru, imill wawanakamar sapxam, taqi aka kamachi arunakarjam sarnaqapxañapataki.

1 Timoteo 3:12

Mä diaconox mä sapa warminikïñapawa, wawanakaparus, utapankirirus sum apnaqirïñapawa.

2 Timoteo 1:5

Chiqpach iyawsäwinïtamat amtasipuntwa. Nayraqatax Loida awichamampi, Eunice taykamampiw uka iyawsäwinïnxa, jumas uka pachpa iyawsäwinirakïtawa.

2 Timoteo 2:19

Ukampis Diosax mä suma jan unxtkay qalltäwi uskuwayi, ukansti akham sas qillqantatawa: “Tatitusti jupankirinakarux uñt'iwa”; ukatsti “Taqi khitinakatix iyawsirïpki ukanakax, taqi jan wali luräwinakat jithiqtañapawa” sasa.

2 Timoteo 3:15

Ukhamarus jumax wawatpach Tatitun arunakap yattaxa, uka arunakaw yatichätam, Cristo Jesusar iyawsatam laykuw qhispiyasiñar irparakïtam.

Josué 24:15

Ukampis janitix Tatitur yupaychañ munapksta ukaxa, jichhüruy ajllisipxam khitirutix yupaychañ munapkta ukaru: Éufrates jawir thiyanakan nayra awkinakamax yupaychapkäna uka diosanakaruti, jan ukax, aka uraqin jakir amorreo jaqinakan diosanakaparucha. Ukampis nayampi, wila masinakaxampix Tatituruw yupaychapxä —sasa.

Jueces 13:12

Ukatsti Manoa chachax sänwa: —Kunapachatix arsutamarjam phuqhaskani ukkhaxa, ¿kunjämsa uka wawar uywapxäxa? ¿Kunsa lurapxäxa? —sasa.