Génesis 18:1 - Qullan Arunaka DC

¹ Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Aymar Bibliia 1986

¹ Tatitusti Abrahamarojj Encinas de Mamre sat chekanwa wasitat uñstäna; Abrahamasti carpa puncun kont'atäscänwa, niya cheka ururaquïnwa.

Qullan Arunaca

¹ Tatitusti Abrahamarojj Encinas de Mamre sat chekanwa wasitat uñstäna; Abrahamasti carpa puncun kont'atäscänwa, niya cheka ururaquïnwa.

Génesis 18:1 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 14:13

Ukampisa mä jaqiw uka nuwasïwit jaltanxatayna, Abramar taqi ukanak yatiyiri; Abram chachasti Mamré jaqin quqa ch'umipan jakasïna. Uka Mamré chachasti amorreo jaqïnwa; Escol, Aner chachanakan jilaparaki, jupanakasti Abram chachat arxatasipxarakïna.

Génesis 15:1

Ukanak qhipatsti Tatitux Abram chacharuw mä unañchäwi tuqi uñstäna, ukatsti sarakïnwa: —Abram, jan axsaramti, juman arxatirimax nayätwa, juman katuqäwimax wali jach'apunïniwa —sasa.

Génesis 17:22

Diosasti Abraham chachampi parlañ tukuyasinxa, uka chiqat sarxänwa.

Génesis 18:22

Uka jaqinakasti uka chiqatxa Sodoma tuqiruw sarxapxäna, ukampis Abrahamax Tatitun nayraqataparuw qhiparäna.

Génesis 20:1

Abraham chachax kawkhankkäntix ukkhat mistuwayasin Négueb tuqiruw sarxäna, ukat Guerar markan jakxarakïna, uka markasti Cadés, Sur markanak taypinkiwa.

Génesis 26:2

Ukampis Tatituw Isaacar uñstäna, ukat sarakïna: “Egiptor jan sarkamti. Jan ukasti, Guerar sat uraqir mä qawqha pachatak sarxam, kawkintix filisteonakan Abimélec reyipax jakki ukaru.

Génesis 35:27

Jacobusti Isaac awkipan utaparuw kuttxäna, awkipasti Hebrón markan jakasïna, kawkintix Abrahamax jakkäna ukaru.

Génesis 48:3

Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

2 Crónicas 1:7

Ukatsti uka arumpachaw Diosax Salomonar uñstäna, juparusti sänwa: “Kuntix munkta uk mayita, nayasti churämawa” sasa.

Éxodo 4:1

Moisesasti Tatiturux wasitat säna: —Israelan jilïrinakapax janiw yäqapkitaniti, janirakiw ist'añsa munapkitaniti, jan ukasti sapxitaniwa: “Janiw Tatitux uñstkpachätamti” —sasa.

Hechos 7:2

Estebanasti sänwa: —“Israelit jilatanaka, marka apnaqir jilïrinaka, ist'apxita: Jach'a ch'amani Diosasaw Abraham nayra awkisarux Mesopotamia uraqin uñstäna, Harán uksar jakir janïr sarkipana,

Hebreos 11:9

iyawsañap utjatap laykuw yaqha markankir jaqjam jakasïna, Diosax kawkïr uraqtix jupar churañatak arskän uka uraqina. Jupax chhujllu utanakan jakasïna, ukhamarak Isaac, Jacob chachanakasa, jupanakasti, Diosax jupanakar churañatak arskäna uka uraq katuqapxarakïna.

Hebreos 13:2

Utamar purinipki uka jaqinakar katuqt'añ jan armasipxamti, yaqhipanakasti ukham katuqasax jan yatkasaw angelanakar qurpachapxäna.

Josué 5:13

Mä urusti, Josué chachax Jericó marka jak'ankasin, jupan nayräxapan mä chacharuw uñjäna, amparapar espadas apt'ata. Josué chachasti jupar jak'achasisin akham jiskt'äna: —¿Jumax nanakankirïtati, jan ukax uñisirinakaxankirïtacha? —sasa.