Génesis 17:8 - Qullan Arunaka DC

⁸ Canaán uraqisti, kawkhantix jichhax jakkta uka uraqix jumampiru, wawanakamampir wiñayatak churatäniwa, nayasti jupanakan Diosaparakïyäwa —sasa.

Aymar Bibliia 1986

⁸ Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Qullan Arunaca

⁸ Canaán orakesti jumaru uqhamaraqui wawanacamaru churatäniwa, cawqhantejj jichhajj jaccta uca orake, ucasti mä herenciata wiñayataqui churatäniwa, nayaraquiw jupanacan Diosapäyäjja.

Génesis 17:8 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 13:15

uñjktas uka uraq nayaw jumar churäma, wiñayatakiw jumankani, wawanakamankarakini.

Génesis 13:17

¡Sartasim, ukatsti uksaru aksaru uñatatas saram, nayaw jumar aka uraq churäma!” sasa.

Génesis 23:4

—Nayax jumanak taypin yaqha markat jutir jaqikïkta ukasa, amay imäwi uraqi aljt'apxita, warmixan jiwat amayap imt'xañataki —sasa.

Génesis 26:24

Uka arumpachaw Tatitux jupar uñstäna, ukat sarakïna: “Nayätwa Abraham awkiman Diosapaxa. Jan axsaramti, nayaw jumampïskta. Abraham luqtirix laykuw jumarux aski waxt'äwinak churäma, wawanakamsa mirtayarakïwa” sasa.

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 35:27

Jacobusti Isaac awkipan utaparuw kuttxäna, awkipasti Hebrón markan jakasïna, kawkintix Abrahamax jakkäna ukaru.

Génesis 36:7

Esaumpi, Jacobumpix walja uywanakanïpxänwa, janiw panpachanix jakirjamäkxapxänti, uraqis janirakiw ukataq uywa awatiñatakix utjkänti.

Génesis 37:1

Jacobux Canaán uraqin jakiriw qhiparxäna, kawkintix awkipax jaya jaqjam jakawaykatayna ukana.

Génesis 48:4

“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.

2 Samuel 23:5

Tatitux nayampi mä arust'äwi luri; suma khuskhachata, chiqapar lurat arust'äwi ukasti wiñayatakïniwa. Wila masinakaxax suma utt'ayatäniwa, Tatitusti nayan amtatanakax phuqhaniwa.

1 Crónicas 16:18

kunapachatix siskäna: ‘Nayax Canaán uraqi churäma jumar wakt'ir churäwimjam katuyxäma’ sasa.

Salmos 103:17

Tatitur waqaychirinakatakisti munasiñapax wiñayawa; aski kankañapax wawan wawapatakis utjaskakiwa,

Salmos 105:11

jupax sänwa: “Jumaruw Canaán uraq churxäma, jumar wakt'ir churäwimjam katuyxäma” sasa.

Salmos 105:9

Abrahamampi arust'äwi luratapata, Isaacar juramentomp arsutapata,

Éxodo 13:11

“Kunapachatix Tatitux awkinakamar arskatayna ukhamarjam Canaán uraqi jumanakar katuyapkätam ukkhaxa,

Éxodo 21:6

uywiripax Diosan nayraqataparuw irpani, ukatsti uta punkur irpkatasin mä p'iyañampiw uywat jaqin jinchup p'iysuni. Ukhamat uka uywat jaqix wiñayatak jupankxani.

Éxodo 29:45

Nayax israelitanak taypin jakä, jupanakan Diosapäyäwa.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 40:15

ukatsti aceitempiw jupanakar warxatarakïta, kunjämtix Aarón awkipar warxatktas ukhama, ukat nayan sacerdotexar tukupxani. Aceitempi jupanakxar warxatatasti, wawanakapan wawanakapatak wiñayatak sacerdotëpxañapatakiwa.”

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Éxodo 6:7

Jumanakarusti nayan markaxaruw tukuyapxäma, nayaw jumanakan Diosamäyä. Ukhamat jumanakax yatipxäta nayan jumanakar wali ch'ama lurañanakamp egipcionakax t'aqhisiyapktam ukanakat qhispiyir Tatit Diosamätaxa.

Jeremías 25:5

Uka profetanakasti jumanakarux sapxäyätamwa: ‘Jan wali sarnaqäwinakama, jan wali luräwinakam apanukupxam, ukhamat kawkïr uraqtix Tatitux jumanakarusa nayra awkinakamarus churkatayna ukan wiñayatak jakapxañamataki.

Jeremías 31:1

Tatitux siwa: “Babilonia markat kuttanxapxani uka urunakanxa, nayaw taqi Israel markan Diosapäyä, jupanakasti nayan markaxäpxarakiniwa” sasa.

Ezequiel 11:20

Ukapachaw jupanakax nayan kamachinakarjama, arsutanakaxarjam jakapxani. Jupanakax nayan markaxäniwa, nayasti jupanakan Diosaparakïyäwa.

Ezequiel 33:24

“Kawkïr jaqinakatix Israel uraqin t'unjat markanakapan jakapki ukanakax, akham sasaw sarnaqapxi: ‘Abraham chachax sapakïnwa, ukampis jupax taqi aka uraqpach katuntasïna; jiwasasti waljanïtanwa, ukatpï aka uraqi katuntasiñänixa” sasa.

Levítico 14:34

“Kunapachatix jumanakax Canaán uraqir mantxapxäta, kawkïr uraqtix nayax jumanakar churapxsma ukaru, ukat nayax uka markan yaqhip utarus lepra usu apayankä ukkhaxa,

Levítico 16:34

“Aka kamachisti jumanakatakix wiñayatakïniwa: maran mä kutiw akanak lurapxäta, kuna juchanaktix israelitanakax lurapkani ukanakat pampachatäñ jikxatapxañamataki.” Taqi ukanakasti, kunjämtix Tatitux Moisesar siskäna ukhamarjamapuniw phuqhasïni.

Levítico 26:12

jumanak taypinpun sarnaqasï, nayax jumanakan Diosamäyäwa, jumanakasti nayan markaxäpxätawa.

Zacarías 8:8

ukatsti Jerusalén markan jakasxapxañapatakiw apanxarakï. Jupanakasti ukkhax nayan markaxäniwa, nayasti aski chuymampi, chiqa kankañamp uñjir Diosapäyäwa.”

Números 10:29

Mä urusti, Moisesax warmipan jilaparuw jawsäna, ukasti Hobab satänwa, Reuel sat madianita chachan wawaparakïnwa, juparusti akham säna: —Tatitux churapkitani uka uraqiruw nanakax sarasipkta. Jutam, nanakamp chik saram, nanakax sum uñjapxäma, Tatitux arupampiw arsu Israel markar munasiñamp uñjañataki —sasa.

Números 25:13

ukat jupampiru, wawanakapampirux sacerdote luräwi wiñayatak katuyta, nayan aytat kankañax waqaychatap layku, ukhamarak israelitanakatak jucha luratat pampachäwi jikxatatap layku —sasa.

Números 27:12

Tatitux Moisesar sänwa: —Abarim qullur makhatam, israelitanakar nayax churkta uka uraqi ukawjatpach uñatatam.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Deuteronomio 14:2

Jumanakax Tatit Diosamatak yaqhachat markäpxtawa; jupaw aka uraqin utjir taqi markanak taypit jumanakar ajllisipxtam, jupan markapäpxañamataki.

Deuteronomio 26:18

Tatitusti jichhüruw qhanañcharaki, juma Israel markan jupan markapätama, kunjämatix arupampi arsuwayktam ukhama, taqi kamachi arunakap phuqhañamataki.

Deuteronomio 29:13

13 (12) Jichhüruw uñt'ayasi jumanakax jupan markapäpxatama, jupasti jumanakan Diosamätaparaki, kamisatix Abraham, Isaac, Jacob nayra awkinakamar arsuwaykatayna ukhamarjama.

Deuteronomio 32:49

“Abarim sat qullunakar saram, ukatsti Nebo sat qullur makhatam, Moab uraqinkir qulluru, Jericó marka uñkatasina, uka patat Canaán uraq uñtäta, israelitanakan katusiñapatak churkä uka uraqi.

Deuteronomio 32:8

Alaxpachankir awkix mä kutiw jaqinaka, markanak lakintäna, markanakan qurpanakapsa ucharakïna, ukampis Israel markaruw juk'amp yäqäna.

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 4:37

Jupaw nayra awkinakamarux munäna, ukatsti wawanakaparuw ajllirakïna, Egipto markat jach'a ch'amapamp qhispiyanisa.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.

Hebreos 9:15

Ukat Jesucristox machaq arust'äwin sumankthapiyiripaxa, jupan jiwatapampiw nayrïr arust'äwirjamax jaqinakan jucha luratanakapat qhispiyi, khitinakarutix Diosax jawski jupanakar churañatak arskatayna uka wiñay jakañ katuqapxañapataki.

Josué 1:2

“Moisés luqtirixax jiwxiwa, jichhasti jumaruw taqi israelit jaqinakampix Jordán jawir makhatañax wakt'tam, kawkïri uraqtix jumanakar churapkäma ukar sarañataki.

Apocalipsis 21:7

Jan walinakar atipjiristi taqi akanak katuqani; nayasti jupan Diosapäyäwa, jupasti nayan wawaxäniwa.