Génesis 17:24 - Qullan Arunaka DC

^24-25 Abrahamax llätunk tunka llätunkani maranïnwa, Ismaelasti tunka kimsani maranirakïnwa, kunapachatix chhuxurasiñapan lip'ichipax khariqatäkän ukapachaxa.

Aymar Bibliia 1986

^24-25 Abrahamasti llätunc tunca llätuncani maranïnwa, Ismaelasti tunca quimsani maraniraqui, cunapachatejj chhojjorasiñapan janchipajj qharekatacän ucapachajja.

Qullan Arunaca

^24-25 Abrahamasti llätunc tunca llätuncani maranïnwa, Ismaelasti tunca quimsani maraniraqui, cunapachatejj chhojjorasiñapan janchipajj qharekatacän ucapachajja.

Génesis 17:24 Jak'a apnaqawi uñst'ayäwi

Génesis 12:4

Abram chachasti Tatitux siskatayna ukhamarjamaw Harán uraqit mistuwayxäna. Uka uraqit Canaán uraqir sarxañataki mistuwaykän ukkhasti, jupax paqallq tunka phisqan maranïnwa.

Génesis 17:1

Kunapachatix Abram chachax llätunk tunka llätunkani maranïxän ukkhaw Tatitux jupar uñstäna, ukatsti sarakïnwa: —Taqi ch'amani Diosax nayätwa; jumasti nayan nayraqataxan askipun sarnaqam,

Génesis 17:11

Jumanakasti chhuxurasiñaman lip'ich janchip kharirasipxäta, ukaw mä chimpüni kuna arust'äwirutix jumanakampi nayampi mantapktan ukatxa.

Génesis 17:17

Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Génesis 18:11

Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa.

Génesis 21:5

Kunapachatix Isaac wawax yurkän ukkhasti, Abrahamax patak maranïnwa.

Romanos 4:11

Abrahamax uka qhipat circuncisión katuqaski, mä chimpükaspas ukhama, Diosax iyawsäwip laykux niyaw aski jaqit katuqxäna. Ukhamat Abrahamax taqi iyawsirinakan awkipaxa, janisay circuncisión katuqapkchïn ukasa; Diosax uka kipkarakiw jupanakarux aski jaqinakat katuqaraki.