Génesis 17:17 - Qullan Arunaka DC

¹⁷ Ukatsti Abraham chachax uraqir p'iqip puriyañkamaw alt'asïna, ukatsti akham sasaw larusïna: “¿Patak maran jaqisti wawanirakïspati? ¿Sarasti llätunk tunka maranirusti wawanirakïspati?” sasa.

Aymar Bibliia 1986

¹⁷ Abrahamasti oraker p'ekep puriyañcamaw alt'asïna, larusiraquïnwa, aqham sasa: “¿Patac maran jakesti wawaniraquïspati? ¿Sarasti llätunc tunca maranirusti wawaniraquïspati?” sasa.

Qullan Arunaca

¹⁷ Abrahamasti oraker p'ekep puriyañcamaw alt'asïna, larusiraquïnwa, aqham sasa: “¿Patac maran jakesti wawaniraquïspati? ¿Sarasti llätunc tunca maranirusti wawaniraquïspati?” sasa.

Génesis 17:17 Jak'a apnaqawi uñst'ayäwi

Génesis 17:18

Ukatsti Diosarux sarakïnwa: —¡Ismael wawaxax aski waxt'äwimampi jakaspa ukaxa walïspawa! —sasa.

Génesis 17:3

Ukapachasti Abram chachax ajanup uraqir puriñkamaw alt'äna, Diosasti ukchañkamax parlxayaskakïnwa:

Génesis 18:11

Abrahamampi, Sara warmipampisti wali chuymanïxapxänwa, ukhamarus Saran phaxsi wilapas chhaqtatäxänwa.

Génesis 18:12

Ukat Sarax larusisaw sarakïna: “Kunjämarak wawanïriststi, chachaxasa, nayasa wali chuymanïxapxstxaya” sasa.

Génesis 21:5

Kunapachatix Isaac wawax yurkän ukkhasti, Abrahamax patak maranïnwa.

Génesis 21:6

Ukatsti Sara warmix sarakïnwa: “Diosaw nayarux larusiyitu, jichhasti taqi khitinakatix wawanïtax yatipkani ukanakaxa, nayampiw larusipxarakini.

Génesis 21:7

¿Khitis amuyasapänxa, nayan Abrahamatak wawanïñaxsti? Jichhasti jupatakix mä yuqall wawanïtwa, jupax sinti chuymanïkxchi ukasa” sasa.

1 Crónicas 21:16

Davidasti uñtasax Tatitun angelaparuw uñji, alaxpachampi aka uraqimpi taypin sayt'atäskänwa, amparapankkän uka espadampisti Jerusalén marka tuqiruw aytäna. Ukhamasti Davidampi jilïr awkinakampix chhankha isimpi isthapitax ajanunakapsa uraqir puriyañkamaw alt'apxäna,

Job 1:20

Job chachasti uk ist'asin, sayt'asïna, ukat wali llakt'ataw isinakap ch'iyanuqasïna, ñik'utapsa mururasïnwa, ukatsti uraqir puriñkamaw Diosar yupachañatak alt'asïna.

Ezequiel 1:28

uka qhanasti kürmir uñtatarakïnwa, kunapachatix kürmix jallu uruna qinay taypin uñstki ukhama. Tatitun qhapaq kankañapax ukhamar uñtataw nayar uñstitu. Uk uñjasasti, nayax uraqir puriñkamaw p'iqix alt'asirakta.

Daniel (hebreo) 8:17

“Ukat Gabriel angelax nayar jak'achasinitu. Nayasti wal axsarthapta, ajanuxsa uraqkamaw alt'asirakta, jupax akham situ: ‘Jaqin yuqapa, wal ist'am, uka unañchäwix akapachan tukusiñap yatiyaski’ sasa.

Levítico 9:24

Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Números 14:5

Ukapachasti Moisesampi, Aaronampix israelitanak nayräxan ajanunakap uraqir puriyañkamaw alt'apxäna,

Números 16:22

Moisesampi, Aaronampisti ajanup uraqir puriñkamaw alt'apxäna, Tatiturux sapxarakïnwa: —Tatit Diosay, jumaw taqi jaqinakarus jakañ churtaxa, ¿mä sapa jaqin juchap laykukiti taqpach markatak q'apisïtasti? —sasa.

Números 16:45

45 (10) —Uka jaqinakat jithiqtapxam, jichhpachaw jupanakar t'unjä —sasa. Moisesampi, Aaronampisti p'iqinakap uraqir puriyañkamaw alt'asipxäna,

Mateo 2:11

Utar mantasinsti wawarux, María taykapampïskir jikxatapxäna; ukatsti killt'asisin wawarux yupaychapxäna. Imasiñanakap jist'arasinsti, quri, incienso, mirra uka churäwinak juparux katuyapxäna.

Lucas 1:18

Zacariasasti angelarux jiskt'änwa: —¿Kunjämatsa ukham phuqhasiñap yatiristxa? Nayax niya chuymanïxtwa, warmixas chuymanïxarakiwa —sasa.

Juan 8:56

Jumanakan Abraham awkimasti, nayan akapachar jutañax uru uñjañat kusisïnwa, uka uru uñjasasti, wal kusisirakïna —sasa.

Deuteronomio 9:18

Uka qhipatsti Tatitun nayraqatapan killt'asta, ukatsti, kamisatix nayrïr kutix lurkta ukhamaw pusi tunka urumpi, pusi tunka arumampi jan kuna manq'ata, umas jan umt'ata ukankäyäta, jumanakan jucha luratanakam layku, Diosar ñanqhachapxatamata, q'apisiyapxatamata.

Deuteronomio 9:25

Tatitux jumanakar t'unjañ amtatayna, ukat nayax Tatit nayraqatan pusi tunka urumpi, pusi tunka arumampi killt'asta,

Josué 5:14

Uka chachasti sänwa: —Janiw kawkirïktsa. Nayax Tatitun ejercitopan jilïripätwa, ukat jutta —sasa. Ukat Josué chachax p'iqip uraqir puriyañkam alt'äna, juparusti jiskt'arakïnwa: —¿Kamsis Tatituxax naya luqtiripatakixa? —sasa.

Josué 7:6

Josué chachampi, Israelan jilïri jaqinakapampisti isinakap ch'iyanuqasipxäna, llakisiñatsa qhillampiw p'iqit willxatasipxäna, ukatsti p'iqinakap uraqkam alt'asaw Tatitun arcap nayraqatan killt'asipxäna.

Apocalipsis 11:16

Ukatsti uka pä tunka pusin jilïrinakax, khitinakatix qunuñanakapan Dios nayräxan qunt'atäsipkän ukanakax, ajanunakap uraqkam alt'asaw killt'asis, Diosar yupaychapxäna,

Apocalipsis 5:8

ukatsti ukspachaw, uka pusi jakaskirinakasa, uka pä tunka pusin jilïrinakas Cordero nayraqatan killt'asipxäna. Sapa maynin arpax utjäna, inciensompi phuqt'ata qurit lurat qiru ast'atkamarakïnwa, uka inciensosti Diosan markapan mayisitanakapänwa.

Jueces 13:20

kunapachatix ninax altarat alayar makhatkän ukkhaxa, Manoa chachampi warmipampix angelarux nina lawra taypinjam alaxpachar makhataskiri uñjapxäna. Uk uñjasasti, jupanakax p'iqinakap uraqir puriyañkamaw alt'apxäna.