Génesis 16:3 - Qullan Arunaka DC

³ ukatsti Sarai warmix Egiptonkir Agar uywataparuw Abram chachaparux warmipäñapatak irpkatäna, kunapachatix jupanakax niya tunka mara Canaán uraqin jakxapxäna, ukapachaw ukax lurasïna.

Aymar Bibliia 1986

³ Ucatsti Sarai warmejj Egiptonquir Agar esclavaparusti Abramaruw irpcatäna warmipäñapataqui, ucasti lurasïnwa cunapachatejj jupanacajj Canaán oraken niya tunca mara jacjjapjjän ucapacha.

Qullan Arunaca

³ Ucatsti Sarai warmejj Egiptonquir Agar esclavaparusti Abramaruw irpcatäna warmipäñapataqui, ucasti lurasïnwa cunapachatejj jupanacajj Canaán oraken niya tunca mara jacjjapjjän ucapacha.

Génesis 16:3 Jak'a apnaqawi uñst'ayäwi

Génesis 16:16

Kunapachatix Ismael wawapax yurkän ukkhaxa, Abram chachax kimsaqallq tunka suxtan maranïnwa.

Génesis 16:4

Abram chachasti Agar warmimpiw mayachasxäna, ukatsti Agar warmix usur jaqiptxänwa, ukampisa kunapachatix jupax usur jaqiptxatap amuyasxän ukkhaxa, Sarai warmirux jisk'achañampiw uñjxäna.

Génesis 16:5

Ukatsti Sarai warmix Abram chachaparuw säna: —¡Jumaw juchanïta Agar warmin nayar jisk'achañapatakixa! Naya kipkaw juparux warmimat chursma, jichhasti wawanïxasin nayatsa juk'ampïkxaspas ukham amuyasxi. Tatituy sispan khitis juchanïtan ukxa, jumati jan ukax nayacha —sasa.

Génesis 25:6

Qhipa warminakapan wawanakaparusti, Abrahamax waxt'äwinak churäna, jakkasinsti uka wawanakxa Isaac wawapat yaqhachänwa, inti jalsu tuqinakar khithanukusa.

Génesis 28:9

Ukat jupax Ismaelan ukar saräna, uka Ismaelasti Abrahaman yuqapänwa, ukatsti Mahalat phuchhapampiw jaqichasïna, Nebaiot chachan kullakapampi, cananea warminakanïkasinsa.

Génesis 30:4

Ukhamwa Raquelax Bilhá uywatap Jacobun warmipäñapatak churäna. Jacobusti Bilhá warmimpiw mayachasïna,

Génesis 30:9

Lía warmisti jan wawachasxatap uñjasinsti, Zilpá uywatap Jacob chachaparux warmipäñapatak irpxaruyäna.

Génesis 32:22

22 (23) Uka arumasti Jacobux sartasisin pä warmipa, pä uywatapa, tunka mayani wawanakap irpxarüna, jupanakarusti Jaboc sata jawir makhatañjam makhatayäna,

Génesis 35:22

Uka chiqan Jacobux jakaskipanwa, Rubén yuqapax Bilhá sat warmimpi ikintatayna, uka warmisti Jacobun uñt'atapänwa. Jacobusti uk yatisin walpun q'apisïna. Jacobux tunka payan wawanakanïnwa.

2 Samuel 5:13

Davidax Hebrón markat Jerusalenar jakiriw sarxäna. Ukansti, Davidax juk'amp warminaka, uñt'atanak katusïna, jupanakasti Davidatakix juk'amp yuqanaka, phuchhanak yurirapipxäna.

1 Reyes 11:3

Jupasti paqallq pataka warminïnwa, reyinakat saraqiri warminaka, uñt'at warminakapasti kimsa patakänwa, uka warminakaw chuymap mayjt'ayäna.

Gálatas 4:25

Agar warmix Arabia uraqinkir Sinaí qullumpi sasiwa, ukax jichhürun Jerusalén markawa, wawanakapamp chika kamachin t'aqhisiyat jakapxatap layku.