Génesis 15:21 - Qullan Arunaka DC

²¹ amorreo, cananeo, gergeseo, jebuseo taqi ukanakan uraqinakap wawanakamar churä —sasa.

Aymar Bibliia 1986

²¹ amorreonacana, cananeonacana, gergeseonacana, uqhamarac jebuseonacana take orakenacapwa wawanacamar churä —sasa.

Qullan Arunaca

²¹ amorreonacana, cananeonacana, gergeseonacana, uqhamarac jebuseonacana take orakenacapwa wawanacamar churä —sasa.

Génesis 15:21 Jak'a apnaqawi uñst'ayäwi

Génesis 13:7

Abram chachan uywap awatirinakasti, Lot sobrinopan awatirinakapampiw jan walt'ayasipkänti. Ukhamarus uka urunakan cananeo, ferezeo jaqinakaw uksa tuqinakan jakasipkäna.

Génesis 15:20

hitita, ferezeo, refaíta,

Génesis 16:1

Sarai warmisti Abram chachapatakix janiw wawanïrjamäkänti, ukampis mä egipcia uywatapaw utjäna, Agar sata.

1 Crónicas 1:14

Canaán chachat saraqirinakax akanakänwa: jebuseo, amorreo, gergeseo,

Éxodo 3:17

Ukat nayax Egipto markan t'aqhisiñat jumanakar qhispiyañ amtta, ukatsti cananeonakana, hititanakana, amorreonakana, ferezeonakana, heveonakana, jebuseonakan uraqipar irpxaña, lechesa, misk'isa umjam jalaski uka uraqiru’ ” sasa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 33:2

Nayaw angelaxar jumar irpañapatak khithanï, ukatsti uka uraqit nayaw cananeonakaru, amorreonakaru, hititanakaru, ferezeonakaru, heveonakaru, jebuseonakarus jaqunukü.

Éxodo 34:11

“Jichhür sapksma ukhamarjam phuqhapxam, nayasti jumanakan nayraqatamat jaqunukü: amorreonakaru, cananeonakaru, heteonakaru, ferezeonakaru, heveonakaru, jebuseonakaru.

Números 13:29

Négueb wasar tuqinxa amalecita jaqinakaw jakapxi, qullu tuqinakansti hitita jaqinaka, jebuseo jaqinaka, amorreo jaqinakaw jakapxi, ukatsti quta irananakana, Jordán jawir jak'anxa, cananeo jaqinakaw jakapxaraki —sasa.

Números 21:31

Ukhamat israelitanakax amorreonakan uraqinakap katuntasipxäna.

Números 21:32

Moisesax Jazer marka uñaqayir khitharakïnwa. Israelitanakasti uka marka katuntasipxäna, uka jak'anakankir markanakampi, ukatsti ukan jakir amorreo jaqinakarux jaqunukupxänwa.

Mateo 8:28

Kunapachatix Jesusax quta khurkatankki uka Gadara chiqar purxän ukkhasti, ñanqha ajayuni pä chachaw amay imäwi manqhat mistunipxäna, ukatsti Jesusaruw jak'achasipxäna. Jupanakax wali axsaratäpxänwa, janirakiw khitis uka thakhi chiqa sarirïkänti;

Deuteronomio 20:17

jan ukasti, Diosan arsutaparjam jan maynin t'unjanipxäta, hititanakaru, amorreonakaru, cananeonakaru, ferezeonakaru, heveonakaru, jebuseonakaru, Tatitur wilañcha luqtapkasma ukhama,

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Josué 3:10

Jakkir Diosan jumanak taypinkaskatapat chimpux akäniwa, jumanakan saratanakarjamaw Tatitux cananeonakaru, hititanakaru, heveonakaru, ferezeonakaru, gergeseonakaru, amorreonakaru, jebuseo jaqinakar q'al tukjani.