Génesis 15:18 - Qullan Arunaka DC

¹⁸ Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Aymar Bibliia 1986

¹⁸ Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Qullan Arunaca

¹⁸ Uca pachpa ururaquiw Tatitojj Abramampejj mä amtäwiru mantäna, saraquïnwa: —Aca orakjja wawanacamaruw churä, Egipto jawirata, Eufrates sata jach'a jawircama.

Génesis 15:18 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 13:15

uñjktas uka uraq nayaw jumar churäma, wiñayatakiw jumankani, wawanakamankarakini.

Génesis 2:14

Kimsïri jawirasti Tigris satawa, uka jawirasti Asiria tuqit inti jalsu tuqiruw muytaraki. Pusïri jawirasti Éufrates satawa.

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 26:4

Wawanakamarusti alaxpacha warawaranakjam waljaniruw tukuyä, jupanakarusti taqi aka uraqinak churarakï. Wawanakam tuqiw aka uraqinkir markanakax jach'añchat uñjasipxani,

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

2 Samuel 23:5

Tatitux nayampi mä arust'äwi luri; suma khuskhachata, chiqapar lurat arust'äwi ukasti wiñayatakïniwa. Wila masinakaxax suma utt'ayatäniwa, Tatitusti nayan amtatanakax phuqhaniwa.

2 Samuel 8:3

Davidasti Rehob jaqin Hadad-ézer yuqaparux atipjarakïnwa, Sobá uraqin reyiparu, kunapachatix uka reyix Éufrates jawir tuqi uraqi wasitat apnaqañampïkän ukapacha.

1 Reyes 4:21

21 (22) Salomón reyix taqpach markanak apnaqäna, Éufrates jawirata, filisteonakan uraqipkama, Egipto uraqimpi qurpäki ukkhakama. Salomón reyin jakañapkamasti, taqi uka markanakax qullqi juparux churapxäna, juparurakiw jaysapxäna.

1 Reyes 5:1

1 (15) Tironkir Hiram sat reyix, Salomonar David awkip lanti reyit utt'ayapxatap yatisinxa, yatiyirinakap Salomonan ukar khithäna, Hiram reyix munasiñ chuymampipuniw Davidar uñjirïtayna.

1 Crónicas 16:16

Abrahamampi arust'äwi luratasa, Isaacampi juramento luratasa,

1 Crónicas 5:9

Inti jalsu tuqirusti, Éufrates jawir chiqata wasarax qalltaski ukakama, uywanakapasti Galaad chiqan walipuniw mirantäna.

2 Crónicas 7:8

Uka urusti, Salomonax taqpach Israel markampi, Hamat sat mantañawjat Egipto jawiratpach jutapkatayna uka walja jaqinakampix Chhujllanaka phunchhäwi lurapxäna.

2 Crónicas 8:7

Uka uraqinakan qhiparir hititanaka, amorreonaka, heveonaka, ferezeonaka, jebuseonakax khitinakatix jan israelitanakäki,

2 Crónicas 9:26

Salomón reyisti kawkïr reyinakatix, Éufrates jawirat qalltasa filisteonakan uraqipkama, Egipto qurpakamarak utjkäna uka reyinakaruw apnaqäna.

Esdras 4:20

Ukatsti, Jerusalén markan ch'aman reyinakan utjatapas uñstarakiwa, uka reyinakax Éufrates jawirata inti jalant tuqin utjir markanakxar munañanïpxänwa, khitinakarutix impuestonaka, kuna churañanakatix wakt'ki ukanak churapxirïna.

Nehemías 9:8

Jumasti jupan jumar iyawsatam uñjtaxa, ukat jupampix mä suma arust'äwi lurtaxa; jupat saraqiri jaqinakaru cananeonakana, hititanakana, amorreonakana, ferezeonakana, jebuseonakana, gergeseonakan uraqinakap churañataki. ¡Jumasti arsutamarux phuqhapuntawa!

Salmos 105:11

jupax sänwa: “Jumaruw Canaán uraq churxäma, jumar wakt'ir churäwimjam katuyxäma” sasa.

Éxodo 13:11

“Kunapachatix Tatitux awkinakamar arskatayna ukhamarjam Canaán uraqi jumanakar katuyapkätam ukkhaxa,

Éxodo 2:24

mayisitanakap ist'arakïna, kuna arust'äwtix Abrahamampi, Isaacampi, Jacobumpi lurkatayna ukat amtasisa.

Éxodo 23:23

Nayan angelaxaw jumat nayra sarani, ukatsti jupaw irpätam amorreonakana, hititanakana, ferezeonakana, cananeonakana, heveonakana, jebuseonakan uraqinakaparu, nayasti jupanakarux tukjäwa.

Éxodo 3:8

Ukat nayax jutta egipcionakan amparapat markaxar qhispiyiri; jupanakar uka markat apsunxäwa, ukatsti mä jach'a suma uraqiruw irpxä, kawkhantix lechesa, misk'isa umjam jalaski ukaru. Uka uraqisti cananeonaka, hititanaka, amorreonaka, ferezeonaka, heveonaka, jebuseonakax jakapki uka uraqiwa.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 34:11

“Jichhür sapksma ukhamarjam phuqhapxam, nayasti jumanakan nayraqatamat jaqunukü: amorreonakaru, cananeonakaru, heteonakaru, ferezeonakaru, heveonakaru, jebuseonakaru.

Éxodo 34:24

Nayaw jumanakan nayraqatamat yaqha markanakar alisnukü, ukatsti jumanakan uraqinakam jach'aptayä. Ukhamat Tatit Diosamar maran kimsa kuti yupaychir sarapkäta ukkhakamax, jan khitis uraqinakam katuntasiñapataki.

Éxodo 6:4

Ukhamarus jupanakamp mä arust'äwi lurta, jupanakar Canaán uraqi churañatakiw arsurakta, kawkhantix jupanakax nayra pachan jayankir jaqinakjam jakapkäna uka uraqi.

Éxodo 6:8

Jumanakarusti kawkha uraqtix Abrahamaru, Isaacaru, Jacobur churañ arskäyät ukaruw irpapxäma, ukatsti Naya Tatituw jumanakar uka uraqi churxapxäma” sasa.

Isaías 27:12

Kunapachatix Tatitux Israelan juchap pampachkani ukkhaxa, Tatitux Éufrates jawirata Egipto jawirkamaw uraq khathatiyani; jumanak israelitanakarusti, mayat mayat apthapipxätam, kunjämtix yapu luririx cebadap apthapki ukhama.

Isaías 55:3

Nayan ukar jutapxam, ukatsti ist'apxita, ist'apxita, ukatsti jakasipkätawa. Nayaw jumanakampix wiñay arust'äwi lurä, ukhamat kuntix Davidarux munasiñampi arskta uk phuqharakï.

Jeremías 32:22

Israelarusti aka uraqi churaraktaxa, kawkhantix lechesa misk'isa umjam jalaski uka uraqi, nayra awkinakapar arsutamarjama.

Jeremías 32:40

Jupanakampisti mä wiñay arust'äwi lurä: uka arust'äwinxa arsurakïwa jupanakampipunïñataki, yanapt'arakïwa, ukatsti nayar jach'añchañ chuyma churä, ukhamat nayat janipun saraqañapataki.

Levítico 26:42

Ukapachaw nayax kuna arust'äwtix Jacobumpi, Isaacampi, Abrahamampi lurkäyät ukanakat amtasï, uraqitsa amtasirakïwa,

Levítico 26:45

Jan ukasti, kuna arust'äwtix jupanakampi lurkäyätxa, kunapachatix taqi markanakan uñjkaya, jupanakan Diosapäñatak Egiptot jupanakar irpsunkta ukapachaxa, taqi ukanakat amtasipunïwa. Nayätwa Tatit Diosaxa.”

Números 34:5

Asmón chiqatsti Egiptompi qurpaski uka jisk'a jawirkamaw sararakini, ukatsti Mediterráneo jach'a qutaruw tukuyani.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Deuteronomio 11:24

Kawkharutix jumanakan kayunakamax takt'kani ukawjax jumanakankaniwa. Uraqinakaman qurpanakapax wasarat qalltasin Líbano uraqkamäniwa; ukatsti Éufrates jawirata Mar Mediterráneo jach'a qutakamäniwa.

Deuteronomio 12:20

“Ukampisa, kunapachatix jumanakan Tatit Diosamax jupan arsutaparjam uraqinakam jach'aptaykani, ukatsti aycha manq'añatix jumanakar munasipxätam ukkhaxa, kuna pachas manq'asipkätawa.

Deuteronomio 19:8

Kunapachatix Tatit Diosamax jumanakan uraqinakam jach'aptaykani, ukatsti taqpach uraqinak churapkätam, jumanakan nayra awkinakamar arsutaparjama,

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 7:1

Moisesasti saskakïnwa: “Tatit Diosasaw churapkätam uka uraqir puriyapxätam, ukatsti jumanakat sipan paqallqu wali jach'a ch'amani markanakaruw jaqunukuni: hititanakaru, gergeseonakaru, amorreonakaru, cananeonakaru, ferezeonakaru, heveonakaru, jebuseonakaru.

Hebreos 13:20

Sumankañ churir Diosax, Tatit Jesucristosaruw jiwatanak taypit jaktayawayi, ovejanakan jach'a Awatiriparu, jupax wilapampiw wiñay arust'äwi arsuwayi,

Josué 13:3

ukasti Egipto markat inti jalsu tuqinkir Sihor jawirat qalltasa, Ecrón markan qurpapkama amsta tuqiru, ukax cananeonakan uraqipawa; ukansti filisteonakan phisqa jilïrinakapaw utji, jupanakasti Gaza, Asdod, Ascalón, Gat, Ecrón uka markanakan jakapxi. Ukhamarusa, aveo jaqinakan uraqipaw

Josué 15:4

Uka chiqatsti saraskakïnwa Egipto qurpasin jisk'a jawirar mistuñataki, ukatsti Mediterráneo jach'a qutar tukuyañkama. Ukaw Judá uraqin aynach tuqit qurpapäna.

Apocalipsis 9:14

Uka arusti trompeta phust'katayna uka suxtïr angelaruw säna: “Éufrates jawir thiyan chinuntatäkis uka pusi angelanakar antutnukxam” sasa.