Génesis 15:17 - Qullan Arunaka DC

¹⁷ Kunapachatix arumäxäna, wali ch'amakäxarakïna, ukapachax mä hornow wali jiq'iskir uñstäna, mä nina wiyarakiw uka jaljat animalanak taypi sarakipäna.

Aymar Bibliia 1986

¹⁷ Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

Qullan Arunaca

¹⁷ Cunapachatejj arumäjjäna, wali ch'amacäjjaraquïn ucapachajj mä hornow wali jek'escäna, mä nina wiyaraquiw uca jaljat animalanac taypin sarnakascäna.

Génesis 15:17 Jak'a apnaqawi uñst'ayäwi

Génesis 15:10

Abram chachasti taqi uka animalanak Diosan nayraqatapar apanïna, ukatsti payar jaljtayasaw purapat uñthapisita pä chiqar uchäna, ukampisa jamach'inakxa janiw jaljtaykänti.

2 Samuel 22:9

Nasapat jiwq'iw mistüna, lakapatsti nakhantir ninaw lawrsüna, ¡lakapat k'illim sank'anak thusanïna!

1 Reyes 18:38

Ukapachaw Tatitun ninapax saraqanïna, ukatsti wilañcha luqtarux q'al nakhantäna, ukhamaraki lawanakamppacha, qalanakamppacha, laq'amppacha, q'awankkän uka umsa q'al wañsuyäna.

1 Crónicas 21:26

ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.

Éxodo 19:18

Taqpach Sinaí qulluw jiwq'ïna, Tatituw nina taypinjam saraqanitayna. Uka jiwq'isti mä hornotjam mistsüna, qullusti walpun khathatïna.

Éxodo 20:18

Taqpach israelitanakaw qhixu qhixunakampi, trompetan phust'atapamp ist'apxäna, lliju llijunaka, qullut jiwq'inak mistur uñjapxarakïna; jupanakasti wal axsarayasipxäna, jayatak uñch'ukipxarakïna.

Isaías 62:1

Jerusalén markankirinaka, jumanakar munatax laykux janiw amukt'käti, jumanakar munatax laykusti janiw samarkäti, atipjañaman qhantati qhanar uñtat k'ajañapkama, qhispiyasiñaman mä nina wiyar uñtat qhanañapkama.

Jeremías 11:4

Uka arust'äwsti, nayra awkinakapampiw lurta, kunapachatix Egiptot irpsunkäyät ukapacha, uka markasti jupanakatakix hierro umatatayañ hornjamänwa. Sarakïyätwa: Nayar ist'apxita, kuntix nayax sapkäma taqi ukanak phuqhapxam, ukhamat jumanakax nayan markaxäpxäta, nayasti jumanakan Diosamarakïyäwa.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Jueces 13:20

kunapachatix ninax altarat alayar makhatkän ukkhaxa, Manoa chachampi warmipampix angelarux nina lawra taypinjam alaxpachar makhataskiri uñjapxäna. Uk uñjasasti, jupanakax p'iqinakap uraqir puriyañkamaw alt'apxäna.

Jueces 6:21

angelasti amparapankkän uka thujrumpiw aychampiru, t'ant'anakampirux junt'äna, ukatsti uka jach'a qalat ninaw mistsunïna, ukaw aychsa t'ant'anaksa q'al nakhantäna; ukatsti Tatitun angelapax Gedeón chachan nayraqatapat ukspachaw chhaqtawayxäna.