Génesis 15:14 - Qullan Arunaka DC

¹⁴ Ukampis nayarakiw t'aqhisir jaqir tukuyir markarux mutuyä, ukatsti wawanakamax qhispiyataw mistunxapxani, walja qamir yänakampi phuqt'ataw jutxapxarakini.

Aymar Bibliia 1986

¹⁴ Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Qullan Arunaca

¹⁴ Ucampisa nayaraquiw uca esclavo tucuyir marcarojj mutayä, ucatsti wawanacamajj librequiw mistunjjapjjani, uqhamarac walja kamir cancañampi phokt'ata.

Génesis 15:14 Jak'a apnaqawi uñst'ayäwi

Génesis 48:21

Ukxarusti Josearuw sarakïna: —Nayax jiwañampïxtwa; ukampis Diosaw jumanakampïskani, ukatsti nayra awkinakaman uraqiparuw kuttayxapxarakïtam.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

Salmos 105:42

Qullan arust'äwit amtasïna, Abraham luqtiripar arsutat amtasïna.

Salmos 135:14

Tatituw markaparux chiqapar uñjaski; uywatanakapat khuyapt'ayasiraki.

Salmos 135:9

Muspharkañ uñacht'äwinak Egipto markar apayanïna, faraón chachar uñacht'ayañataki, jilïr jaqinakapar uñacht'ayañataki.

Salmos 51:4

4 (6) Jumataki, jumatakiw juchachasta, jumax juchañchkta uka juch lurta. Ukat juchañchatamax chiqapa; taripäwimas jan kamskayaraki.

Éxodo 12:29

Chika arumasti Tatitux taqpach egipcionakan jilïr wawanakap jiwarayäna, reyi qunuñan qunt'ata faraonan jilïr tayna yuqall wawaparusa, carcelankirinakan jilïr yuqall wawanakaparusa, uywanakan nayrïr qallunakaparusa.

Éxodo 3:10

Ukhamasti wakichasimaya, nayax faraonan ukaruw khithäma Israel markaxar Egiptot irpsuniñamataki —sasa.

Hechos 7:7

Ukampis nayaw kawkïr markatix jupanakar t'aqhisiykani uka markarux juchañchaskä, jupanakasti uka markat mistunxapxaniwa, ukatsti aka chiqan nayar yupaychapxitani” sasa.

Deuteronomio 4:20

Jumanakarusti Tatituw irpsunipxtam khä Egipto hierro umatatayañ hornota, ukatsti jupan markaparuw tukuyapxtam, kunjämatix jichhax jikxatasipkta ukhama.

Deuteronomio 6:22

Nanakax Diosan jach'a uñacht'äwinakapampi, jach'a muspharkañ luräwinakapamp uñjapxta, Egipto markan faraón reyipar mutuyki, taqi utapankirinakarus mutuykaraki ukanaka.

Josué 24:17

Tatituw jiwasanakaru, nayra awkinakasarusa Egipto markat irpsunistu, kawkhantix t'aqhisiyata sarnaqkäyätan uka markata. Jupaw jiwasan uñjkata wali jach'a muspharkañanak luri, jupaw thakhinsa jiwasarux imistu arxatarakistu, kunapachatix walja markanak chiqa sarakipankäyätan ukapachaxa.

1 Samuel 12:8

Kunapachatix Jacobumpi, wawanakapampix Egipto markar sarapkän ukkhaxa, egipcionkirinakasti jupanakarux t'aqhisiyapxänwa, jumanakan nayra awkinakamasti Tatituruw arnaqasipxäna, Tatitusti Moisesampiru, Aaronampiruw khithanïna, jupanakaw nayra awkinakamarux Egiptot irpsunïna, ukatsti jupanakarux aka uraqiruw utjnuqtayäna.