Génesis 14:14 - Qullan Arunaka DC

¹⁴ Kunapachatix Abram chachax sobrinopan katuntatätap yatïn ukkhasti, kawkïr uywatanakatix utapan yuripkatayna, nuwasiñatakis wakicht'atäpkarakïna ukanakaruw tantacht'äna, jupanakasti taqpachanix kimsa pataka tunka kimsaqallqunïpxänwa, ukatsti jupanakampiw uka pusi reyir arktäna, Dan markakama.

Aymar Bibliia 1986

¹⁴ Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Qullan Arunaca

¹⁴ Cunapachatejj Abramajj sobrinopan preso catutätap yatïn ucqhasti take cawquïri uywatanacatejj Abraman utapan nacipcatayna ucanacaruw tantacht'i, jupanacasti quimsa pataca tunca quimsakallkoni jakenacänwa junturojja, ucatsti ucanacampiw reyinacar arctäna, Dan sisqui uca marccama.

Génesis 14:14 Jak'a apnaqawi uñst'ayäwi

Génesis 12:16

Sarai laykusti faraonax Abram chacharux wali sum uñjäna. Ukatsti ovejanaka, vacanaka, asnonaka, luqtirinaka, camellonak kun juparux churarakïna.

Génesis 12:5

Jupampi chiksti, Sarai warmiparu, Lot sobrinoparu, qawqha jaqinaktix Harán chiqan jikxatkatayna taqi jupanakaruw irpxäna, yänakapsa taqi apasxäna. Kunapachatix Canaán uraqir puripkän ukkhasti,

Génesis 13:8

Ukhamasti Abram chachax mä urux Lot sobrinoparuw säna: “Jumampi nayampix wila masïtanwa, ukhamasti janiw walïkiti jiwas taypin jan walt'añanakan utjañapaxa, janirakiw awatirinakasas ch'axwapxañapäkiti.

Génesis 14:12

Abram chachan Lot sobrinopax Sodoma markan jakäna, juparus katuntat apasxapxarakïna, taqi utjir yänakapamp kuna.

Génesis 14:16

ukatsti taqi kuntix apapkatayna ukanak aparanipxäna. Ukhamat Abram chachax Lot sobrinoparux qhispiyanïna, ukatsti taqi kunatix sobrinopankki ukanak kuttayanxäna. Ukhamarak warminakarusa, yaqha jaqinakarus qhispiyanxäna.

Génesis 17:12

Jichhat uksarusti taqi yuqall wawaw yuritapat kimsaqallqu urur circuncisión katuqañapa, uka kipkarakiw utaman yurki uka yuqall wawasa, qullqimpi alasit uywataman yuqall wawapasa, jaya markat jutir jaqin yuqall wawapas circuncisión katuqañapa.

Génesis 17:23

Ukürpacharakiw Abraham chachax Ismael wawaparux circuncisión katuqayäna, ukhamarak qawqha uywatanakapatix utapan yurkatayna, kawkïri jaqinaktix qullqipampi alaskatayna jupanakarus circuncisión katuqayäna. Utapan jakapkäna taqi uka chachanakasa, yanapapkän ukanakas taqiniw circuncisión katuqapxäna, kunjämtix Tatit Diosax siskatayna ukhamarjama.

Génesis 17:27

utapan utjir taqi jaqinakampi, utapan yurir uywatanakapampi, qullqimpi alat jaya jaqinakamp chika.

Génesis 18:19

Nayaw juparux ajllirakta, wawanakaparu, ukhamarak taqi wila masinakaparu nayan yatichäwinakaxar jaysañ yatiqapxañapataki, ukhamarus kunatix chiqapäki, askïkaraki uk lurapxañapataki, ukhamat nayan taqi arsüwinakaxar phuqhañaxataki” sasa.

Génesis 23:6

—¡Tata, ist'apxita! Jumax nanak taypin Diosan ajllit wawapätawa. Kawkharutix munkta uka chiqar warmiman amayap imt'askakim, janiw nanakat khitis jark'apkätamti —sasa.

1 Reyes 15:20

Ben-adad reyisti Asá reyin arunakapar iyawsänwa, ukatsti ejercitopan jilïrinakaparuw Israelan markanakapa nuwantayir khithäna. Ukhamat Iión, Dan, Abel-bet-maacá markanaka, Neftalí taqpach uraqi, Galilea quta thiyankir uraqimp katuntasïna.

Salmos 68:12

12 (13) “¡Reyinakampi, nuwasir tamanakapampix jaltxapxiwa!” sasa. Warminakax utanakapan katuntat yänak jalanuqasipxäna, uñisirinakat aparapkatayna uka yänaka,

Proverbios 17:17

Mä jilat masix, taqi pachan munasiripuniwa; llakisiñansti, jilamäkaspa ukham chuymachasi.

Eclesiastés 2:7

chachatsa warmitsa uywatanak alasta, ukhamarus utaxan yuripki uka uywatanakaxaw utjitäna; vacanakasa, ovejanakas nayat juk'amp nayra Jerusalenankapkän ukanakat sipansa, waljapuniw utjitäna.

Jeremías 41:12

taqi jaqinakaparuw tantachthapïna, ukatsti uka Ismael jaqimpi nuwasiriw sarapxäna. Gabaón chiqan mä jach'a uma imaña utjki uka chiqaruw jikxatapxäna.

Deuteronomio 34:1

Moisesax Moab wasaratxa, Pisgá sat qullu pataruw makhatäna, ukatsti Nebo qullu pataruw purirakïna, Jericó marka uñkatasina. Uka chiqat Tatitux uñtayäna taqpach Galaad uraqinaka, Dan ayllun uraqinakapkama;

1 Juan 2:18

Wawanaka, qhipa urunakankxtanwa. Jumanakax “Anticristow jutani” sir ist'apxäyätaxa; ukhamasti jichhax walja anticristonakaw uñstxi, ukhamat yatipxtan qhipa urunakätapa.

Jueces 18:29

Uka markan sutipax Lais satäkchïna ukasa, jupanakax Dan sasaw sutichapxäna nayra awkipan sutip amtasina, uka awkipasti Israelan wawapänwa.

Jueces 20:1

Ukhamasti israelitanakax taqpachaniw Dan, Beerseba, Galaad chiqankirinakax mayar tukt'asin Tatit nayraqatan tantacht'asipxäna.

1 Samuel 30:19

Taqi kunanaktix amalecitanakax lunthatapkatayna ukanakat janiw mä juk'as chhaqhatäkänti, janirakiw mä wawasa, jach'a jaqis chhaqhatäkänti, Davidasti taqpach kutirayasxäna.