Génesis 14:13 - Qullan Arunaka DC

¹³ Ukampisa mä jaqiw uka nuwasïwit jaltanxatayna, Abramar taqi ukanak yatiyiri; Abram chachasti Mamré jaqin quqa ch'umipan jakasïna. Uka Mamré chachasti amorreo jaqïnwa; Escol, Aner chachanakan jilaparaki, jupanakasti Abram chachat arxatasipxarakïna.

Aymar Bibliia 1986

¹³ Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Qullan Arunaca

¹³ Ucampisa mä jakew jaltjjasinjja, hebreo Abramar take ucanac avisiri jutäna, Abramasti Encinas de Mamre ch'uminwa jacasiraquïna, uca Mamresti amorreo jakënwa; Escol, uqhamarac Aner sisqui ucanacan jilaparaqui, jupanacasti Abramat arjjatasipjjaraquïna.

Génesis 14:13 Jak'a apnaqawi uñst'ayäwi

Génesis 10:16

Canaán jaqit saraqirinakasti, jebuseo, amorreo, gergeseo,

Génesis 13:18

Ukhamasti Abram chachax chhujllap apthapisiwayasax Hebrón markar jakiriw sarxäna, Mamré sat ch'umi jak'aru. Ukan Tatitun sutip jach'añchañatak mä altar sayt'ayäna.

Génesis 14:24

Janiw nayax kunsa nayatak munkti, kuntix uywatanakaxax manq'antapki ukanakak katusï. Kawkïri jaqinakatix nayamp chika jutapkäna, Aner, Escol, Mamré ukanakasti, kunatix jupanakar wakt'ki ukxa katusxapxaniwa —sasa.

Génesis 18:1

Tatitux Abraham chacharux Mamré sat ch'umi jak'an wasitat uñstäna; Abrahamasti kawkhantix utjaskän uka punkun qunt'atäskänwa, niya chika ururakïnwa.

Génesis 21:24

Ukatsti Abrahamax juramento lurarapïna.

Génesis 21:27

Abrahamasti Abimélec chacharux ovejanaka, vacanak churäna; uka urpacharakiw panpachanix mä suma arust'äwi lurapxäna.

Génesis 21:32

Berseba chiqan arust'äwi luratatsti, Abimélec chachampi, ejercitopan jilïripäki uka Ficol chachampisti, filisteonakan uraqiparuw kuttxapxäna.

Génesis 39:14

utankir uywatanakaruw jach'at jawsäna, sarakïnwa: —Akax uñjapxam, chachaxax mä hebreo jaqi akar irpasini, jichhasti jupax jiwasat sawkasiwa. Utaruw mantani, ukat nayampiw ikintañ muni, ukampis nayax wali jach'at warartatta;

Génesis 40:15

Nayarux hebreonakan uraqipat lunthatanipxitu, janiw carcelankañaxas wakiskiti, janiw kuna juchsa lurkaraktti —sasa.

Génesis 41:12

Uka carcelansti mä hebreo waynaw nanakamp chikäna, jupasti uñjirinakan jilïr yanapiripänwa; nanakasti samkanakax jupar yatiyapxta, ukat jupax sum qhanañchapxitu.

Génesis 43:32

Josearux yaqhawjaruw manq'a churapxäna, Jacobun yuqanakaparusti yaqhawjaru, ukatsti Joseampi chika manq'apxirïkan ukanakarusti yaqhawjaruw churapxarakïna; egipcionakax janiw hebreonakamp chika manq'apxirïkänti.

Job 1:15

ukatsti akatjamat sabeo sat jaqinakax jutasin uywanak lunthatawayapxitu, uywatanakarusti cuchillompkamaw jiwaräwayapxi. Naya sapakiw jumar yatiyir jaltanxta —sasa.

Éxodo 2:11

Mä urusti, Moisesax wali waynäxän ukkhaw marka masinakapar tumpt'ir saräna, jupanakan ch'ama lurañanakan irnaqasipkatap amuyasina. Ukatsti akatjamat uñjäna mä egipcio jaqin mayni hebreo masipar nuwjaskiri;

Éxodo 2:6

Canasta jist'arasinsti, uka manqhin mä wawa jikxatäna, wali jachatap laykusti faraonan phuchhapax uka wawat khuyapt'ayasisin säna: —¡Akax mä hebreo wawarakisä! —sasa.

Éxodo 3:18

Israelitanakan jilïrinakapasti arunakam ist'asax jaysapxätamwa. Ukatsti jumax Egipton reyipan ukaruw jupanakamp saräta, juparusti sätawa: “Hebreonakan Tatit Diosapaw nanakar jikxatapxitu. Ukhamasti, wasarar sarayapxita kimsür sararu, ukan nanakan Tatit Diosaxar wilañchanak luqtapxañaxataki” sasa.

Jeremías 34:9

Uka arust'äwisti akhamänwa: Janipuniw khiti israelitasa marka masinakaparux t'aqhisiyañapäkänti, jan ukasti antutnukxañapänwa.

Jonás 1:9

Jonasasti sarakïnwa: —Nayax hebreo jaqïtwa, qutanaksa, aka uraqsa lurir alaxpachankir Tatit Diosar yupaychirïtwa —sasa.

Números 13:23

Ukatsti mä jisk'a jawiraruw puripxäna; ukawjan jupanakax uva wayun alip khuchhuqapxäna, uksti paniniw mä lawar warkuntat kallanipxäna, ukatsti granadanaka, higonaka apthapipxarakïna.

Números 21:21

Israelitanakax jaqinak khithäna amorreonakan Sehón reyipar akham sañapataki:

2 Corintios 11:22

¿Jupanakax hebreo jaqinakäpxiti? Nayax hebreo jaqirakïtwa. ¿Jupanakax israelita jaqinakäpxiti? Nayax israelita jaqirakïtwa. ¿Jupanakax Abrahamat saraqirïpxiti? Nayax Abrahamat saraqirirakïtwa.

Filipenses 2:5

Kunjäm amuyunïkäntix Cristox uka pachpa amuyunïpxarakim:

1 Samuel 29:3

Ukatsti filisteonakan jilïrinakapax Aquís reyiruw jiskt'apxäna: —¿Kunsa aka hebreo jaqinakax akan lurapxi? —sasa. Aquís reyisti sarakïnwa: —Jupax Davidawa, Israel markan Saúl reyin jilïr yanapiripänwa. Jupasti niya mä qawqha maranakaw nayampi chikaraki, ukatsti kunüruttix nayampïki ukkhat jichhakamax janiw kuna jan walsa jupan jikxatkti —sasa.

1 Samuel 4:12

Ukampisa, Benjamín ayllunkir mä soldadow nuwasïwit jaltxäna, t'ijukamakiw Siló chiqarux purïna, isinakapas ch'iyanuqata, p'iqipas laq'akamakiraki.