Génesis 14:1 - Qullan Arunaka DC

¹ Uka urunakan Amrafel chachax Babilonia uraqin reyipänwa; Arioc chachasti Elasar uraqin reyipänwa; Quedorlaómer chachasti Elam uraqin reyipänwa; Tidal chachasti Goím uraqin reyiparakïnwa.

Aymar Bibliia 1986

¹ Uca tiemposti Amrafel sisqui ucasti Sinar sisqui ucan reyipänwa; Arioc sisqui ucasti Elasar sisqui ucan reyiparaqui; Quedorlaomer sisqui ucasti Elam sisqui ucan reyiparaqui; Tidal sisqui ucasti Goim sisqui ucan reyiparaqui.

Qullan Arunaca

¹ Uca tiemposti Amrafel sisqui ucasti Sinar sisqui ucan reyipänwa; Arioc sisqui ucasti Elasar sisqui ucan reyiparaqui; Quedorlaomer sisqui ucasti Elam sisqui ucan reyiparaqui; Tidal sisqui ucasti Goim sisqui ucan reyiparaqui.

Génesis 14:1 Jak'a apnaqawi uñst'ayäwi

Génesis 10:10

Jupan apnaqat jach'a markanakasti akanakänwa: Babel, Erec, Acad, Calné ukanaka, uka markanakasti Sinar tuqin jikxatasïna.

Génesis 10:22

Sem chachan wawanakapasti Elam, Asur, Arfaxad, Lud, Aram ukanakänwa.

Génesis 11:2

Kunapachatix jaqinakax inti jalsu tuqit mistunipkän ukapachaxa, Babilonia uraqin mä qhirwa uraqi jikxatapxäna, ukatsti ukan jakiriw qhiparapxäna.

Isaías 11:11

Uka urunakanxa, Tatitux wasitat ch'amap uñacht'ayani, markapat jilt'irinakarusti akïr markanakat kuttayanxani: Asiria, Egipto, Patros, Etiopía, Elam, Sinar, Hamat, ukhamarak quta tuqinkir markanakatsa.

Isaías 21:2

Tatitux kuntix uñacht'aykitu ukax wali axsarkañawa: sallqjirix sallqjiwa, t'unjiristi t'unjarakiwa. ¡Elam markankirinaka, sartasipxam! ¡Medo markankirinaka, Babiloniar nuwantapxam! ¡Janiw juk'ampi ayquñanak ist'kxäti!

Isaías 22:6

Elam, Quir markanakankir soldadonakaxa, nuwasiñatakix carronakapxat purintanipxi, jark'aqasiñanakampi, mich'inakamp nuwantañat wakicht'ata.

Isaías 37:12

¿Nayra awkinakaxax aka markanakar t'unjkäna: Gozán, Harán, Résef, ukhamarak Bet-edén markankir jaqinakas Telasar chiqan jakapkäna ukanakarux diosanakapax qhispiyiti?

Jeremías 25:25

Zimri, Elam, Media siski uka markan reyinakaparusa;

Ezequiel 32:24

“Elam markas ukankarakiwa, jaqinakaru wali mulljiri soldadonakapan muyuntata. Taqi jupanakax nuwasïwin jiwarayataw uñjasipxi, jichhax jan khitinsa yäqat imantatäpxiwa, uraqi manqhar imantatäpxiwa, kunjämatix Tatitur jan uñt'ir jaqinakan imantatäñapax wakiski ukhama.

Daniel (hebreo) 1:2

Tatituw Joacín reyirux Nabucodonosor reyimp katuntayäna, kuna yänakatix Tatitun utapan utjkäna ukanaksa Nabucodonosor reyiruw katuyarakïna. Nabucodonosor reyisti Babilonia markaruw jaqinak katuntat apasxäna, Tatitun utapat apsuta qullan yänaksa diosanakapan yänakapamp chik uskurakïna;

Daniel (hebreo) 8:2

Uka unañchäwinsti nayax Susa markanjamak jikxatasïyäta Elam sat suyuna, Ulai siski uka jawir thiyana.

Zacarías 5:11

Jupasti sarakituwa: “Babilonia markaruw apasipki. Uka markan mä uta utachapxani. Uka utax tukutäkani ukkhaw mä altar patxar uka tupuñ uchapxani” sasa.

Josué 12:23

quta thiyankir Dor marka, Guilgal chiqankir Goím marka,