Génesis 13:8 - Qullan Arunaka DC

⁸ Ukhamasti Abram chachax mä urux Lot sobrinoparuw säna: “Jumampi nayampix wila masïtanwa, ukhamasti janiw walïkiti jiwas taypin jan walt'añanakan utjañapaxa, janirakiw awatirinakasas ch'axwapxañapäkiti.

Aymar Bibliia 1986

⁸ Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

Qullan Arunaca

⁸ Uqhamasti Abramajj mä urojj Lot sobrinoparojj sänwa: “Jumampi nayampejj familiatanwa, uqhamasti janiw walïquiti jiwasa taypin jan walt'añanaca utjañapajja, uqhamaraqui awatirinacasan ch'ajjwascañanacapasa.

Génesis 13:8 Jak'a apnaqawi uñst'ayäwi

Génesis 13:9

Uraqix ajllisiñamatakiw utjaski. Jumasti nayat saraqxitaya. Jumatix amsta tuqir sarxätaxa, nayax aynach tuqiruw sarxä; jumatix aynach tuqir sarxätaxa, nayax amsta tuqiruw sarxarakï” sasa.

Génesis 14:14

Kunapachatix Abram chachax sobrinopan katuntatätap yatïn ukkhasti, kawkïr uywatanakatix utapan yuripkatayna, nuwasiñatakis wakicht'atäpkarakïna ukanakaruw tantacht'äna, jupanakasti taqpachanix kimsa pataka tunka kimsaqallqunïpxänwa, ukatsti jupanakampiw uka pusi reyir arktäna, Dan markakama.

Génesis 45:24

Joseasti jilanakapar khithanukusinxa, sänwa: —Jichhax janiw thakhin jumanakkam ch'axwasipkätati —sasa. Jupanakasti sarxapxänwa.

Génesis 46:34

ukapachasti jumanakax sapxätawa: “Nanakax nayra awkinakaxatpach oveja awatirïpxtwa” sasa. Ukhamat jumanakax Gosen uraqin jakasipxäta, egipcionakatakisti oveja awatirinakampi jak'a pura jakañax janiw walïkiti —sasa.

Salmos 133:1

Uñjapxam: ¡kunja munkayasa jilanak pura mä wawak suman jakasiñaxa!

Éxodo 2:13

Qhipürusti Moisesax mistuwayarakikïnwa, ukatsti pani hebreonakar nuwasiskir uñjäna. Ukat masipar nuwir jaqir jiskt'äna: —¿Kunatsa jumax marka masimar ukham nuwjaskta? —sasa.

Proverbios 15:1

Suma arumpi kutt'ayañax q'apisiñ chuyma llamp'uchi, jan wali arumpi kutt'ayañasti, q'apisiñ juk'amp naktayi.

Proverbios 15:18

Mäki mayjt'asir jaqix nuwasiñanak utjayi; llamp'u chuyman jaqisti, pachparuw nuwasiñ ch'ujtayi.

Proverbios 20:3

Ch'axwañanakar jan mantañ munir jaqitakix, mä suma jach'añchäwiwa; jan amuyt'asir jaqisti uka ch'axwañanakar mantakiwa.

Mateo 5:9

“Kusisiñanïpxiw sumankañ utjañapatak ch'amachirinakaxa, jupanakax Diosan wawanakap satäpxaniwa.

Hechos 7:26

Qhipürusti, Moisesax pani israelit jaqinakaruw nuwasiskir uñjäna, jupanakar sumankthapiyañ munasaw jupanakar säna: “Jumanakax jila puräpxtawa, ¿kunatarak jumanakpur nuwasipxtasti?” sasa.

Romanos 12:10

Maynit maynikamax jilapurjam munasipxam, purapat yäqasisa.

Filipenses 2:14

Taqi kunsa jan jaqxat parlasisa, jan ch'axwas lurapxam,

1 Tesalonicenses 4:9

Jilatanak pura munasiñxatsti janiw jumanakar qillqaniñax wakiskxiti, pachpa Diosaw jumanakar maynit maynikam munasiñ yatichapxtam.

Hebreos 12:14

Taqinimpis sumankañan jakasipxam, q'uma jakañan sarnaqasa; jan ukampisti janiw khitis Tatiturux uñjkaspati.

Hebreos 13:1

Maynit maynikam jilapurjam munasipxam.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

1 Pedro 2:17

Taqinirus suman uñjapxam. Tatitun utapankirinakar munapxam, Diosar jach'añchapxam, reyirus ist'apxarakim.

1 Pedro 3:8

Ukhamasti jumanakax jumanakkam munasisa, suman sarnaqas jakapxam. Khuyapayasirïpxam, llamp'u chuymanïpxarakim.

1 Pedro 4:8

Taqi kunat sipansa, jumanakkamax munasipxapunim, munasiñax walja juchanak pampachi.

2 Pedro 1:7

Diosar munañarusti, jilapurjam sarnaqañampi; jilapurjam sarnaqañarusti, munasiñampi.

1 Juan 4:7

Munat jilatanaka, maynit maynikam munasiñasawa, munasiñax Diosat juti. Taqi khititix munaski ukax Diosan wawapawa, Diosarusti uñt'arakiwa.

Jueces 9:26

Mä urusti, Ébed chachan Gáal sat yuqapax Siquem chiqaruw jilanakapampi saräna, uka markankir jaqinakampisti askit uñt'ayasïna,