Génesis 13:15 - Qullan Arunaka DC

¹⁵ uñjktas uka uraq nayaw jumar churäma, wiñayatakiw jumankani, wawanakamankarakini.

Aymar Bibliia 1986

¹⁵ nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Qullan Arunaca

¹⁵ nayaw take uñjctas uca orake jumar churäma, wiñayataquiw jumancani, uqhamarac wawanacamancaraquinisa.

Génesis 13:15 Jak'a apnaqawi uñst'ayäwi

Génesis 12:7

Ukawjan Tatit Diosax Abramar uñstäna, ukatsti sarakïnwa: “Jumat saraqir wawanakamaruw aka uraq churä” sasa. Ukatsti Abram chachax mä altar uka chiqan wakichäna, Tatitur jach'añchasa, jupar uñstatap layku.

Génesis 13:17

¡Sartasim, ukatsti uksaru aksaru uñatatas saram, nayaw jumar aka uraq churäma!” sasa.

Génesis 15:18

Uka pachpa uruw Tatitux Abram chachampix mä amtäwir mantäna, sarakïnwa: —Wawanakamaruw aka uraq churä, Egipto jawirata, Éufrates sata jach'a jawirkama.

Génesis 15:7

sarakïnwa: —Nayätwa Tatituxa; nayaw Ur sata Caldea uraqit irpsunsma, aka uraqi jumar tutit churañataki —sasa.

Génesis 18:18

niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta.

Génesis 24:7

Alaxpachankir Dios Tatituwa, khititix nayan awkixan utapatsa, wila masinakaxan uraqipatsa irpsunkitu, ukatsti aka uraqi nayampiru, wawanakaxampiru churañatak arskitu, jupaw angelap juma nayräxar khithanirakini, yuqaxatak mä warmi uka uraqit irpaniñamataki.

Génesis 28:13

Ukhamarus Tatituruw jupa jak'an sayt'atäskir uñjäna, akham jupar sarakïna: “Nayätwa Tatit Diosaxa, Abraham achachilaman Diosapa, Isaac awkiman Diosapaxa. Jumampiru, wawanakamampiruw kawkhantix ikt'atäkta uka uraqi churapxäma.

Génesis 28:14

Jumat saraqir wawanakamasti uraq laq'ar uñtata sinti waljapunïniwa, jupanakasti amstaru, aynacharu, inti jalanta tuqiru, inti jalsu tuqiruw saratatani, uka uraqin utjir wila masinakasti juma tuqiwa, wawanakam tuqirakiw aski waxt'äwinak katuqani.

Génesis 28:4

Tatituy kuntix Abraham awkisaru arsuwaykän uka aski waxt'äwinaksa jumampiru, wawanakamampir churpan. Ukhamat kawkhantix jichhax jaya jaqjam jakasktan uka uraqi katusipxañamataki, Dios kipkaw ukxa Abrahamar arsuwayi” sasa.

Génesis 35:12

Abrahamaru, Isaacaru churkta uka uraqsti jumaruw churaraksma, ukxarusti wawanakamaruw churarakï” sasa.

Génesis 48:4

“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.

Génesis 50:24

Mä urusti Joseax jilanakaparuw säna: “Jiwañaxax jak'ankxiwa, ukampis Diosaw jumanakar yanapt'ir jutani, ukatsti aka markat irpsuwayxapxätamwa, kawkïr uraqtix Abrahamampiru, Isaacampiru, Jacobumpir churañatak arskäna uka uraqiru” sasa.

1 Crónicas 16:18

kunapachatix siskäna: ‘Nayax Canaán uraqi churäma jumar wakt'ir churäwimjam katuyxäma’ sasa.

2 Crónicas 20:7

Nanakan Diosaxay, jumaw Israel markan nayraqatapat aka uraqin jakir jaqinakarux jaqunuktaxa, ukatsti juman munata Abrahaman wawanakaparuw wiñayatak churxtaxa.

Salmos 37:22

Tatitun qullanaptayat jaqinakax suma uraqi katuqasipxani, jupan ñanqhachatanakasti jaqunukutäpxaniwa.

Salmos 37:29

Aski jaqinakax suma uraqi katuqapxani, wiñayatakiw ukan jakapxarakini.

Éxodo 32:13

Amtasimay Abrahamaru, Isaacaru, Israelaru juramento luratamata. Juma pachpaw juramento lurasin sistaxa: “Nayax jumanakan wawanakaman wawanakaparux alaxpach warawaranakjam walja tukuyä, ukatsti kawkïr uraqtix jumanakar churañ arsupksma ukxa wiñayatak mä tuti katuqasipxañapatakiw churä” —sasa.

Éxodo 33:1

Tatitux Moisesar sänwa: —Aka chiqat sarxam, Egiptot irpsunkta uka markamp chika. Kawkha uraqtix wawanakamaruw churä sas Abrahamaru, Isaacaru, Jacobur arskäyäta uka uraqiru.

Isaías 63:18

Markamax mä juk'a urunakatakikiw uka qullan utamankänxa, ukampis jichhax uñisirinakaxaw uka qullan utam takisipxi.

Números 34:2

“Israelitanakar parlam jupanakarusti sarakim: Jumanakax Canaán uraqir mantañampïpxtawa. Aka uraqinakaw jumanakankani, qurpanakapasti akanakäniwa:

Mateo 5:5

“Kusisiñanïpxiw llamp'u chuymaninakaxa, jupanakax mä suma uraq katuqapxani.

Hechos 7:5

Ukampis janiw kuna katuqäwsa aka uraqin churkänti, janirakiw mä jisk'a uraqsa churkänti. Ukampisa, Diosax uraq churañatakiw Abrahamar arsuwayäna, jupa jiwatat aka uraqix wawanakapankañapataki. Ukürunakansti Abrahamax janïraw wawanïkänti.

Deuteronomio 34:4

Ukan Tatitux Moisesar säna: “Aka uraqinak nayax Israelar churä. Ukham nayax nayra awkinakamar arsuwayta, Abrahamaru, Isaacaru, Jacoburu. Nayax kipka nayranakamamp uñjañam munta, ukampis janiw uka uraqirux mantkätati” sasa.

Deuteronomio 9:5

Janiw jumanakan aski luratanakam laykuti uka uraqinak katuntapkäta, Tatitux jan wali luratanakapat uka markanakarux jumanak nayräxat jaqunukuni. Ukhamat Abraham, Isaac, Jacob nayra awkinakamar arsutap phuqhañataki.