Génesis 13:13 - Qullan Arunaka DC

¹³ kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Aymar Bibliia 1986

¹³ cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

Qullan Arunaca

¹³ cawqhantejj jakenacajj jan walïpjjäna, uqhamarac Tatitu contras sinti jach'a juchanaca lurapjjaraquïna.

Génesis 13:13 Jak'a apnaqawi uñst'ayäwi

Génesis 10:9

Tatitun munañapatxa, Nimrod chachax pampankir animalanak jiwayirïnwa. Ukatpï aka arsüwix jutixa: “Nimrod chachjam Tatitun munañapat pampankir animalanak jiwayiri” sasa.

Génesis 15:16

Pusi patak mara qhipatsti, wawanakamax aka chiqaruw kuttanxapxani, ukkhakamasti amorreonakan jucha luratanakapax janïraw sinti jan walïkaniti.

Génesis 18:20

Ukhamasti Tatitux juparux sänwa: —Sodomankiri, Gomorrankiri jaqinakax sinti jan wali jaqinakat uñt'atäpxiwa, juchanakapasti sinti jan walipuniwa,

Génesis 19:13

aka marksti t'unjapxäwa. Jaqinakan jucha luratanakapax sintipunïxiwa, ukat Tatitux aka markar t'unjir khithanipxitu —sasa.

Génesis 38:7

Ukampis Er chachax Tatit nayraqatan jan wali sarnaqäna, ukat Diosax jupar jiwayäna.

Génesis 39:9

Aka utan nayaw jilïritxa, uywirixasti janirakiw kunsa “Janiw” siskituti. Ukhamarus jumax warmipätawa. ¿Kunjämarak nayasti uywirixar uka jan wali luririststi, Dios nayraqatan juch lurarakiriststi? —sasa.

Génesis 6:11

Diosatakix aka uraqix ñanqhana, kunayman jan wali lurañanakan phuqhantatänwa,

2 Reyes 21:6

Ukxarusti wawanakaparux wilañcha luqtasaw nakhantayäna, ukatsti ajayunakar jawsañampi, jamusiñanakampi yatïna, ukatsti ajayunakampi parlaña, layqasiñanakampi utt'ayäna. Luratanakapasti Tatitun nayraqatapan sinti jan walinakänwa, ukhamat Tatitur wali q'apisiyäna.

Isaías 1:9

Naya, taqi ch'aman Tatitutix jan mä qawqhansa qhispiykiriskäyätxa, Jerusalén markax q'ala tukjatäsapänwa, Sodoma, Gomorra uka markanakjam t'unjatäsapänwa.

Jeremías 23:14

Jerusalenankir profetanakarusti, axtaskañ luräwinak lurasipkir uñjta: Wachuqa juchanak lurapxi, k'arisiñanakan sarnaqapxi, jan wali jaqinakaruw yanapapxi. Sodoma, Gomorra markankirinakat sipansa juk'ampi jan wali jaqinakäpxiwa.

Jeremías 23:24

¿Khitis naya nayräxat imantasispa? Alaxpachansa, akapachansa nayax taqi chiqanktwa. Naya, Tatituw uk sista.

Números 32:23

Ukampis janitix ukham lurapkätaxa, Diosatakiw juchachasipxäta, uka jucha luratat mä uruw mutuñax jumanakatak purinini.

Mateo 9:10

Uka qhipatsti, Jesusax yatiqirinakapampiw Mateon utapan manq'askäna, ukatsti qullqi apthapirinakampi, yaqha jucharar jaqinakampiw ukawjar purinisin manq'añatak qunt'asipxäna.

Mateo 9:13

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Juan 9:24

Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Juan 9:31

Yatitawa, Diosax janiw khiti jucharararus ist'kiti, jan ukasti khitinakatix jupar yupaychapki, munañap lurapki ukanakarukiw Diosax ist'i.

Romanos 1:27

uka kipkarakiw chachanakas jan warmimpïñ munkxiti, maynit maynikamax jan wali amtäwinakan ninjamaw aqi, chachanakpurax p'inqaskañ q'añu lurañanak lurapxi, ukatsti pachpa janchipan ñanqha lurataparjamaw mutuyat t'aqhisipxi.

Hebreos 4:13

Janiw kuna luratapas Diosan nayraqatapan imantaskaspati; taqi kunapuniw jupan nayraqatapan qhanstani, taqi luratasat arsuñasaw wakt'istani.

2 Pedro 2:10

Khitinakatix ñanqha munañanakaparjam sarasipki ukanakarux Tatitux mutuyaniwa, jupan arunakapar jan ist'apki ukanakarus mutuyarakiniwa. Jupakanakasti jan ist'asiri, wali munañan jaqinakäpxiwa, janirakiw jupanakax angelanakar jan wali arunakamp tuqiñsa axsarapkiti.

Judas 1:7

Sodomampi, Gomorrampi, uka jak'a markankirinakampisa, uka jan wali angelanakjamarakiw wachuq jucha lurañanakar katuyasipxäna. Ukat wiñay aqkir ninamp tukjatäpxäna, ukasti taqinin amuyt'asiñapatakiw lurasïna.

1 Samuel 15:18

Jichhasti, Tatitutix jumaru uka jucharar amalecita jaqinakar q'al t'unjaniñamatak khitchïyätam ukaxa,

1 Samuel 2:17

Uka waynanakan jucha luratanakapax Tatit nayraqatan sinti jan walipunïnwa, Tatitur waxt'äwi luqtatanaksti janiw yäqapkänti.