Génesis 11:31 - Qullan Arunaka DC

³¹ Térah chachasti caldeonakan uraqipankir Ur sat chiqat mistusin, Canaán uraqiruw sarxäna, jupamp chiksti Abram yuqapampiru, Lot allchhipampiru, Sarai yuxch'apampiruw irpasxäna. Ukampisa, Harán markar purisinxa, jupanakax ukan jakiriw qhiparxapxäna.

Aymar Bibliia 1986

³¹ Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Qullan Arunaca

³¹ Taré chachasti Ur de los Caldeos sat oraketjja, Canaán orakeruw sarjjäna, jupampi chicsti Abram wawaparuw irpasjjaraquïnjja, Lot allchhipampi, Sarai yojjch'apampi cuna. Ucatsti jupanacajj Harán sat marcar purisinjja, ucan jacañataquiw kheparjjapjjäna.

Génesis 11:31 Jak'a apnaqawi uñst'ayäwi

Génesis 10:19

Cananeo jaqinakan uraqinakapasti, Guerar tuqikamaw purïna, Sidón markatpacha, Gaza sat markakama, ukhamarak Sodoma, Gomorra, Admá, Seboím markanakkama, Lesa sat uka markakamaraki.

Génesis 11:32

Térah chachasti pä patak phisqani maranïkän ukkhaw Harán chiqan jiwxäna.

Génesis 12:4

Abram chachasti Tatitux siskatayna ukhamarjamaw Harán uraqit mistuwayxäna. Uka uraqit Canaán uraqir sarxañataki mistuwaykän ukkhasti, jupax paqallq tunka phisqan maranïnwa.

Génesis 12:5

Jupampi chiksti, Sarai warmiparu, Lot sobrinoparu, qawqha jaqinaktix Harán chiqan jikxatkatayna taqi jupanakaruw irpxäna, yänakapsa taqi apasxäna. Kunapachatix Canaán uraqir puripkän ukkhasti,

Génesis 14:12

Abram chachan Lot sobrinopax Sodoma markan jakäna, juparus katuntat apasxapxarakïna, taqi utjir yänakapamp kuna.

Génesis 15:7

sarakïnwa: —Nayätwa Tatituxa; nayaw Ur sata Caldea uraqit irpsunsma, aka uraqi jumar tutit churañataki —sasa.

Génesis 24:10

Ukatsti uywiripan utjkäna uka suma yänakat ajlliwayäna, ukatsti tunka camellompi irpxaruwayasin Mesopotamia tuqinkir Nahor markaruw saräna.

Génesis 24:15

Uywatax janïraw Tatitut mayisiñ tukuykänti, ukkhaw mä tawaqur kallachipxar uma wakullas apt'at jutaskir uñjäna. Uka tawaqusti Betuel chachan Rebeca sat phuchhapänwa. Betuel chachasti Milcá warmimpina, Abrahaman jilapa Nahor chachampin wawapänwa.

Génesis 27:43

Wawaxay, ist'ita; jichhpach Harán chiqar jaltxam, Labán jilaxan utaparu.

Génesis 28:10

Jacobux Beerseba chiqat mistuwayasin Harán chiqar sarkis uka thakhinjam sarxäna.

2 Reyes 19:12

¿Nayra awkinakaxax tukjapki uka markanakan diosanakapasti: Gozán, Harán, Résef uka markanakar qhispiyänti, Bet-edén uraqinkir Telasar markan jakir jaqinakarus qhispiyarakïnti?

Nehemías 9:7

“Juma Tatit Diosaw Abramarus ajllisiraktaxa; jumaw caldeonakan Ur markapat irpsuntaxa, ukatsti Abraham sutimpiw suticharaktaxa.

Job 1:17

Uka jaqisti janïraw parlañsa tukuykänti, ukhamaruw maynix purinirakïna, akham sasa: —Kimsa tama caldeo jaqinakaw jutasin katuntapxitu, ukatsti camellonak lunthatawayapxi, uywatanakarusti cuchillompkamaw jiwaräwayapxi. Naya sapakiw jumar yatiyir jaltanxta —sasa.

Isaías 37:12

¿Nayra awkinakaxax aka markanakar t'unjkäna: Gozán, Harán, Résef, ukhamarak Bet-edén markankir jaqinakas Telasar chiqan jakapkäna ukanakarux diosanakapax qhispiyiti?

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,