Génesis 1:29 - Qullan Arunaka DC

²⁹ Ukxarusti sarakïnwa: “Jichhax jumanakaruw churapxsma kunayman jathachir alinaka, kunayman achunak churir quqanaka. Taqi ukanakasti jumanakan manq'añamatakïniwa.

Aymar Bibliia 1986

²⁹ Ucjjarusti saraquïnwa: “Jichhajj jumanacaruw churapjjsma take casta jathachiri alinaca, uqhamaraqui take casta frutanac achuri kokanaca. Take ucanacasti mank'añataquïniwa.

Qullan Arunaca

²⁹ Ucjjarusti saraquïnwa: “Jichhajj jumanacaruw churapjjsma take casta jathachiri alinaca, uqhamaraqui take casta frutanac achuri kokanaca. Take ucanacasti mank'añataquïniwa.

Génesis 1:29 Jak'a apnaqawi uñst'ayäwi

Génesis 2:16

juparusti akham sänwa: “Aka chiqan utjir taqi quqanakan achupat manq'asïta,

Génesis 6:21

Ukxarux kunayman manq'añanak apthapisin imam, ukhamat jumasa, uywanakas manq'añanïpxañamataki” sasa.

Génesis 9:3

Taqi animalanakampi, ch'uxña alinakampix jumanakan manq'añamatakïniwa. Nayaw ukanak churapxsma.

Job 36:31

Diosaw markanakarux apnaqi, manq'añsa jilarkir churaraki.

Salmos 111:5

jupar iyawsirinakarux manq'añ churi; arust'äwipat wiñayapuniw amtasi.

Salmos 115:16

Alaxpachax Tatitunkiwa, jaqirusti uraq katuyi.

Salmos 136:25

Jaqinakarusa, uywanakarus manq'añ chuririru, munasiñapax wiñayawa.

Salmos 146:7

T'aqhisiyat jaqinakaruw chiqapar uñji, manq'at awtjatanakaruw manq'añ churaraki. Tatituw katuntat jaqinakarux antutnukuyi;

Salmos 147:9

jupaw uywanakarux manq'añ churi, juparakiw allqamarin chhiwlinakaparux wararipki ukapachax manq'añ churi.

Salmos 24:1

Taqpach uraqix Tatitunkiwa, ukan utjirinakas jupankiwa, ukan jakirinakas jupankiwa.

Isaías 33:16

ukakiw chiqpachansa taqi kunat imat jakani, qarqat lurat mä suma utan samart'ani, manq'añapas jan tukuskirïniwa, umas janirakiw jupatak pist'kaniti.

Oseas 2:8

8 (10) “Ukampis jupax janiw amuyaskänti nayan juparu trigo, vino, aceite, ukanak churataxsa, nayarakiw qullqsa, qursa yapt'äyäta, ukanakampisti yaqha diosanak lurasi.

Mateo 6:11

Sapüruy manq'añ churanipxita.

Hechos 14:17

Ukampis Diosax aski luratapampiw jupanakar uñacht'ayäna jupan jakatapa, alaxpachat jallunak apayanisa, suma achunak apayanisa, manq'añanak utjayasa, chuyman kusisiñ churasa.

Hechos 17:28

Jiwasanakax Diosankasaw jakapxtan, unxtapxtan, utjapxaraktan; kamisatix jumanakan q'uchu qillqirinakamax arsupki ukhama: ‘Chiqpachan Diosan wawanakapätanwa’ sasa.

1 Timoteo 4:3

Uka jaqinakax chacha warmi jaqichasiñat jark'apxi, Diosan uchat manq'anakat tuwasipxi, uka manq'anakasti Diosar iyawsirinakana, chiqa uñt'irinakan yuspagarañ chuymampi manq'añapatak uchatawa.

1 Timoteo 6:17

Aka uraqinkir qamirinakarux sañamawa: Jan jach'a jach'a tukupxpati, qamir kankañaparus janirak alkatasipxpati, ukanakasti tukusirikiwa. Nayraqatax jakkir Diosar katuyasipxpan, khititix taqi kunsa kusisit jakañasatak jilarkir churkistu ukaru.