Gálatas 5:7 - Qullan Arunaka DC

⁷ Jumanakax walik sarantasipkäyätaxa: ¿Khitirak chiqar jaysañ apanukuyapxtamsti?

Aymar Bibliia 1986

⁷ Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Qullan Arunaca

⁷ Jumanacajj walic sarasipcäyätajja: ¿Qhitis asqui luräwiru jaysañjja jaytanucuyapjjtamjja?

Gálatas 5:7 Jak'a apnaqawi uñst'ayäwi

Mateo 13:21

jan suma saphinïpxatap laykusti, janiw sum sayt'asipkiti; kunapachatix Diosar arkapxatap layku t'aqhisiñanakasa, jan walt'añanakas jutchi, ukkhax jank'akiw uka suma arunakat mayjt'asxapxi.

Hechos 6:7

Diosan arunakapax taqi tuqin yatiyasïna, iyawsirinakasti waljanipuniw Jerusalenan yapxattäna; judío sacerdotenakamppachaw Tatitur iyawsapxarakïna.

Romanos 10:16

Ukampis janiw taqpachan Diosan suma yatiyäwi arup iyawsapkiti. Kamisatix Isaías profetax siski: “Tatay, ¿khitirak yatiyatasar iyawsisti?” sasa.

Romanos 15:18

kuntix Cristox naya tuqi lurki ukak arsta, ukhamat jan judiöpkis ukanakax Diosar jaysapxañapataki. Taqi akanakasti arsutanakampi luratanakampiw phuqhasi,

Romanos 16:26

ukampis jichhax profetanakan qillqatanakap tuqiw uñachayasi, wiñay jakir Diosan arunakaparjama. Diosan imantat aka amtäwipax taqi markanakaruw yatiyasi, ukhamat iyawsapxañapataki, jaysapxañapatakiraki.

Romanos 2:8

ukampis kutkatasirinakaru, chiqa kankañ jan munirinakaru, ñanqha lurañarus walikiw sirinakarux q'apisiñampiw mutuyani.

Romanos 6:17

Jumanakax nayrax juchan t'aqhisiyat jaqinakäpxäyätawa, Diosasti yuspagaratäpan, yatichäwinak taqi chuyma katuqasin phuqhapxatamata.

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

2 Corintios 10:5

ukhamarak Diosan arunakapax jan uñt'atäñapatak jark'ir jach'achasiñ arunakarusa. Jaqin janchi amtatanakapsa Cristoruw katuyapxta, ukhamat jupar jaysapxañapataki,

Gálatas 2:2

Diosaw sarañax munäna ukat sarta. Ukansti iglesia irpir wali uñt'at jilïrinakampikiw nayax tantachasta, jupanakarusti kuna qhispiyasiñ arunaktix jan judiöpkis ukanakar nayax yatichkta uk qhanañchta, nayan ch'amachasitaxan jan inamayatakïñapataki.

Gálatas 3:1

¡Galacia markankir pisi amuyt'an jaqinaka! ¿Khitirak jumanakar sallqjapxtamsti? Jumanakar yatiyapksma ukapachax, naya pachpaw jumanakar sum qhanañchapxsma, kunjämättix Jesucristox cruzan ch'akkatat jiwkän uka.

Gálatas 5:10

Tatitur iyawsañaxaw nayan utjitu, janiw jumanakax mayja amtapkätati; ukampis Diosax jumanakar pixtuntas sarnaqir jaqirux, khitïskpansa, mutuyaniwa.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Hebreos 11:8

Abrahamax iyawsäwi laykuw Diosan jawsatap jaysäna, ukatsti kawkharutix Diosax churämaw siskän uka chiqar sarañatakiw mistuwayäna. Uraqipat mistusax janiw kawkir saratapsa yatiskänti,

Hebreos 12:1

Ukhamasti, jiwasanakax walja iyawsañan jaqinakampi muyuntatäsaxa, kunatix jark'kistu, ukhamarak jan walt'aykistu uka juchsa maysar apanukuñäni, ukatsti ch'amañchat jalapxañäni kunatix nayraqatar jalañasäki ukana.

Hebreos 5:9

ukham t'aqhisisasti jupar iyawsirinakatakix wiñay qhispiyasiñ chuririw tukuwayi,

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.