Gálatas 2:2 - Qullan Arunaka DC

² Diosaw sarañax munäna ukat sarta. Ukansti iglesia irpir wali uñt'at jilïrinakampikiw nayax tantachasta, jupanakarusti kuna qhispiyasiñ arunaktix jan judiöpkis ukanakar nayax yatichkta uk qhanañchta, nayan ch'amachasitaxan jan inamayatakïñapataki.

Aymar Bibliia 1986

² Diosaw sarañajj munäna ucatwa sarta. Jerusalén marcanjja wali uñt'at jilïrinacampiw tantachasipjjta, ucansti jupanacarojj cuna khespiyasiñ arunactejj jan judiöpquis ucanacaru yatichcäyätjja ucwa yatiytjja. Acjja jupanacarojj yatiytwa cuntejj lurcäyäta ucajj jan inamayataquïñapataqui.

Qullan Arunaca

² Diosaw sarañajj munäna ucatwa sarta. Jerusalén marcanjja wali uñt'at jilïrinacampiw tantachasipjjta, ucansti jupanacarojj cuna khespiyasiñ arunactejj jan judiöpquis ucanacaru yatichcäyätjja ucwa yatiytjja. Acjja jupanacarojj yatiytwa cuntejj lurcäyäta ucajj jan inamayataquïñapataqui.

Gálatas 2:2 Jak'a apnaqawi uñst'ayäwi

Eclesiastés 10:1

Jiwat chhichhillankhan thujsatapaxa, suma q'apkir qullarux janiw walt'aykiti. Ukham pisi amuyt'anïñax yatiñ kankañampiru, jach'ar aptatäñampirux aynacht'ayiwa.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Hechos 15:12

Jupanakasti taqiniw amukt'apxäna. Ukatsti Bernabeampiru, Pablompiruw ist'apxarakïna, jupanakasti kunjämtix Diosax jupanak tuqi uñacht'äwinaksa muspharkay luräwinaksa jan judiöpkis uka jaqinak taypin lurkatayna ukanak yatiyapxäna.

Hechos 15:2

Pablompi Bernabeampisti ukxat uka jaqinakamp wal ch'axwapxäna. Ukat Antioquía iglesiankirinakax Pablompiru, Bernabeampir mayipxäna Jerusalenar sarapxañapataki, uka tuqit apostolunakampi uka markankir iglesian jilïr jilatanakamp qhanañchasiñapataki.

Hechos 15:4

Pablompi Bernabeampix Jerusalenar puripkän ukapachasti, iglesiankirinakasa, apostolunakasa, jilïr jilatanakas jupanakarux sum katuqäna. Pablompi Bernabeampisti taqi kuntix Diosax jupanak tuqi lurkatayna ukanak yatiyapxarakïna.

Hechos 18:9

Mä arumasti Tatitux mä unañchäwi tuqiw Pablor parlxayäna: “Jan axsaramti, suma yatiyäwi arunak yatiyaskakim, janipun amukt'amti.

Hechos 23:11

Uka qhipa arumasti Tatituw Pablorux uñstäna, ukat jupar sarakïna: “Ch'amañcht'asim, Pablo, kunjämtix aka Jerusalén markan nayat arstaxa, ukhamarakiw Roma markan arsuñamax wakisini” sasa.

Hechos 5:34

Ukampis uka jilïrinak taypin mä fariseo chachaw utjäna, Gamaliel sutini, jupax kamachinak yatichirïnwa, markachirinakan wali yäqatarakïnwa, jupasti sayt'asisin apostolunakar anqaruw mä juk'a pachatak irpsuyäna.

Romanos 9:16

Ukhamasti, ukax janiw jaqin munañapata, ch'amt'atapat luraskiti, jan ukasti Diosan khuyapayasiñapat lurasi.

1 Corintios 1:23

jiwasanakasti ch'akkatat Cristot yatiyapxtan. Ukaw judionakarux chuymap ust'ayi, jan judiöpki ukanakatakisti luqhi kankañarakiwa;

1 Corintios 2:2

Jumanak taypinkasasti, janiw yaqhanakat yatiñ munkäyätti, jan ukasti cruzan ch'akkatat Jesucristotak yatiñ munäyäta.

1 Corintios 9:24

Jumanakax yatipxtawa, mä atipasïwinxa, taqiniw jalapxi, ukampis maynikiw churäwi katuqi, uka kipkarak jumanakax churäwi katuqañkam jalapxam.

1 Corintios 9:26

Nayasti janiw juykhur uñtat jalkti, janirakiw nuwasiñansa ina ch'usarus ch'akuntkirista ukham nuwaskti.

2 Corintios 12:1

Jach'achasiñax janiw wakiskiti. Ukampis Tatitut katuqat unañchäwinakata, qhanañchäwinakat arsuñaxawa.

Gálatas 1:12

Janiw nayax khiti jaqitsa katuqkti, janirakiw khitis yatichkituti, jan ukasti, pachpa Jesucristow nayar yatichitu.

Gálatas 1:6

Jumanakan Diosar mäki jaytanukupxatamat walpun muspharta, yaqha qhispiyasiñ arunakar jank'aki arkapxatamata, Jesucristo tuqiw jupax munasiñap uñacht'ayapxtam.

Gálatas 2:6

Ukampis aytat jilïrinakat uñt'atanakax janiw kuna jan uñt'at machaq yatichäwsa yapxatapkiti, nayax yatiykta uka suma yatiyäwi arunakxaruxa. Chiqpachan aytat jilïrinakäpxchi, jan aytat jilïrinakäpxchi uk yatiñ janiw munkti, Diosax janiw jaqin uñnaqap uñch'ukkiti.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Gálatas 5:7

Jumanakax walik sarantasipkäyätaxa: ¿Khitirak chiqar jaysañ apanukuyapxtamsti?

Filipenses 2:16

jakañ arunak jach'ar aptasa. Ukhamat kunapachatix Cristox jutkani ukkhaxa, jumanakat kusisiñaxataki, jan inamay ch'am tukus irnaqatax yatisina.

Filipenses 2:29

Ukhamax taqi kusisiñampiy juparux katuqapxam, kunjämatix Tatitunkir mä jilatarux katuqañäki ukhama, ukatsti jupjam jilatanakarus munasipxapunim,

1 Tesalonicenses 3:5

Ukat nayax janiw juk'ampi suyañ munkti, jumanakax kunjämäsipktas iyawsäwin uk jiskt'añatakiw khithanta, inampis yant'irix yant'apxiristam ukat wal llakisïyäta, ukhamäspa ukasti nanakan irnaqataxax inamayakïspawa.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.

Hebreos 12:1

Ukhamasti, jiwasanakax walja iyawsañan jaqinakampi muyuntatäsaxa, kunatix jark'kistu, ukhamarak jan walt'aykistu uka juchsa maysar apanukuñäni, ukatsti ch'amañchat jalapxañäni kunatix nayraqatar jalañasäki ukana.