Gálatas 2:13 - Qullan Arunaka DC

¹³ Pedrompi, Cristor iyawsir mayni judionakampisti ukham lurasax janiw chiqpach chuymanïkänti, pachpa Bernabeas jupanakan sallqjataw uñjasïna.

Aymar Bibliia 1986

¹³ Ucatsti mayni judío iyawsirinacajj Pedromp chica c'ari chuymanïpjjänwa, Bernabeamp cunaw uca c'ari yatichäwimpejj sallkjat uñjasïnjja.

Qullan Arunaca

¹³ Ucatsti mayni judío iyawsirinacajj Pedromp chica c'ari chuymanïpjjänwa, Bernabeamp cunaw uca c'ari yatichäwimpejj sallkjat uñjasïnjja.

Gálatas 2:13 Jak'a apnaqawi uñst'ayäwi

Génesis 27:24

wasitat Jacobur jiskt'äna: —¿Esaú wawaxäskapuntati? —sasa. Jacobusti ukxaruw sarakïna: —Jïsa, Esaú wawamäskapuntwa —sasa.

2 Samuel 16:19

¿Nayasti juma reyit juk'ampi, khitirurak luqtiriststi? Nayax kamisatix nayrax awkimar luqtkäyäta ukhamarak jumar luqtäma —sasa.

Job 15:12

¿Kunatarak q'apisiñampi atipjayasta, nayranakamatsa ninanakjam chhukhutataytasti?

Eclesiastés 10:1

Jiwat chhichhillankhan thujsatapaxa, suma q'apkir qullarux janiw walt'aykiti. Ukham pisi amuyt'anïñax yatiñ kankañampiru, jach'ar aptatäñampirux aynacht'ayiwa.

Eclesiastés 7:20

Ukatsipana, akapachan janiw khitis jan juch luras aski jaqix utjkiti.

Mateo 23:28

Akhamäpxtaw jumanakaxa: uñkatatax anqäxat q'uma jaqinakaw tukupxtaxa, ukampis chuymanakamax jan wali luräwinakampi, ñanqha amtañanakamp phuqhantatäskiwa.

Hechos 4:36

Jupanak taypin Chipre wat'ankir levita jaqiw utjäna, José sata, juparusti apostolunakax Bernabé sasaw sutichapxäna (uka sutisti “chuymachiri” sañ muni).

1 Corintios 12:2

Jumanakax yatipxtawa, kunapachatix Cristor jan iyawsapkäyät ukkhaxa, jumanakax juykhur uñtataw jan parlir yaqha diosanak arkasipkäyätaxa.

1 Corintios 15:33

Jan sallqjayasipxamti. Kunjämtix säwix siski: “Jan wali jaqinakampi sarnaqañax, aski saräwinak chaqtayi” sasa.

1 Corintios 5:6

Jumanakasti janiw kunat jach'achasiñamas utjkiti. Aka säwi yatipxtawa: “Mä juk'a levadurax taqpach t'ant'a masaruw puqtayi” sasa.

1 Corintios 8:9

Ukampis jumanakax amuyasipxam, ukham luratamampiw iyawsäwin pisïpki ukanakarux juchar puriyapxasma.

Gálatas 2:1

Tunka pusin mara qhipatsti, wasitampiw Jerusalén markar sarta, Bernabé irpt'ata, Titorux nayamp chikaw irparakta.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

Efesios 4:14

Janiy wawanakar uñtat sarnaqxañäniti, kawksarus jank'ak irpataki, ukatsti jan wali thakhi sarnaqir k'ari yatichirinakan yatichäwipampis sallqjataraki.

Hebreos 13:9

Jumanakasti janiy yaqha jan uñt'at yatichäwinakampix apayasipxamti. Diosan munasiñapampi chuymar ch'amañchañax juk'amp sumawa, manq'añanakxat kunayman arsutanakar phuqhañat sipana, uka arsutanakax janiw kunapachas askïkänti.