Gálatas 2:11 - Qullan Arunaka DC

¹¹ Ukampis kunapachatix Pedrox Antioquía markar jutkän ukkhaxa, jan wali luratanakap ajanuparuw nayax irkatta.

Aymar Bibliia 1986

¹¹ Ucampis cunapachatejj Pedrojj Antioquía marcaru jutcän ucqhajja, ajanuparuw ircatta jan wali luratanacapjja.

Qullan Arunaca

¹¹ Ucampis cunapachatejj Pedrojj Antioquía marcaru jutcän ucqhajja, ajanuparuw ircatta jan wali luratanacapjja.

Gálatas 2:11 Jak'a apnaqawi uñst'ayäwi

Jeremías 1:17

Jichhasti jumax ch'amañcht'asim; saram, ukatsti kuntix nayax sisksma taqi ukanak yatiyanim. Jan jupanakarux axsaramti, axsaräta ukapachasti, nayax jupanak nayräxan khathatiyäma.

Jonás 1:3

Jonás chachasti Tatitur ist'kpachaxa, nayraqatapat jayar jaltañ amtäna, ukatsti Jope puertor purisin Tarsis tuqir mistuskir mä barco jikxatäna; pasajep alasisinsti, uka barcoruw sarxatawayxäna.

Jonás 4:9

Tatitusti juparux jiskt'änwa: —¿Uka alin pharsxatapat phiñasitamax walikïskiti? —sasa. Jonás profetax sarakïnwa: —¡Jïsa, walikïskiwa, phiñasiñatsa niyaw jiwaskta! —sasa.

Números 20:12

Ukampis Tatitux Moisesampiru, Aaronampirux sänwa: —Janiw jumanakax nayar iyawsapkistati, janirakiw israelitanakan nayraqatapansa jach'añchapkistati, ukat aka jaqinakamp chikax, churkä uka uraqirux janiw mantapkätati —sasa.

Mateo 16:23

Jesusasti kutikipstanisin Pedrorux säna: —¡Nayat saraqit supaya, nayarux pantjasiyirjamätawa! Jumax janiw Diosan amtanakap amuyktati, jan ukasti jaqinakjamakiw amuytaxa —sasa.

Juan 1:42

Ukatsti Andresax Simón jilaparuw Jesusan ukar irpäna. Jesusasti jupar uñjasin sänwa: —Jumax Juanan yuqapa, Simón sutinïtawa, ukampis jichhax Cefas sutinïyätawa, ukasti Pedro sañ muni —sasa.

Hechos 11:19

Estebanan jiwatap qhipatsti, Tatitur arkirinakax t'aqhisiyata, arknaqataw uñjasipxäna. Ukat jupanakat yaqhipanakax Fenicia uraqimpiru, Chipre wat'ampiruw jaltxapxäna, Antioquía uksa quta thiyanakkama. Uka chiqanakansti jupanakax judío jaqinakarukiw Tatit Jesusan suma yatiyäwinakap arsupxäna.

Hechos 11:20

Ukampisa, Chiprenkiri, Cirenenkir mä qawqha iyawsirinakax Antioquiar purisin, jan judiöpkis uka jaqinakaruw Tatit Jesusan suma yatiyäwipat arsupxarakïna.

Hechos 11:22

Jerusalén iglesiankirinakasti ukanak yatisinxa, Bernabearuw Antioquía markakam khithapxäna.

Hechos 11:27

Ukürunakansti mä qawqha profetanakaw Jerusalenat Antioquía markar puripxäna.

Hechos 15:1

Uka urunakansti yaqhip jaqinakaw Judea chiqat Antioquía markar puripxatayna. Uka jaqinakasti jilatanakaruw yatichañ qalltapxäna: “Qhispiyasiñatakix wakisiw Moisesan kamachiparjam circuncisión katuqañaxa” sasa.

Hechos 15:5

Ukampis Tatitur iyawsir yaqhip fariseonakax, sayt'asisin sapxäna: —Wakisiw jan judiöpkis uka iyawsirinakar Moisesan kamachiparjam phuqhas circuncisión katuqayañaxa —sasa.

2 Corintios 11:5

Ukhamasti janiw nayax qhipat jutapki uka jach'achasir apostolunakat sipan jan yäqañäkti.

2 Corintios 12:11

Nayax mä luqhir uñtataw tukta, ukampis jumanakaw ukham tukuyapxista. Jumanakaw nayat sum parlapxañamäna, janiw nayax uka jach'achasir apostolunakat sipan aynacht'at uñjaskti, janis kuna jan yäqatjamäktsa ukasa.

2 Corintios 5:16

Ukat nanakax jan khititsa akapachan amtäwinakaparjam lup'kxapxti; nayrapachax uka amtäwinakarjam Cristot lup'ipkchïyäta ukasa, jichhax janiw jupat ukham lup'kxapxti.

Gálatas 1:18

Ukat kimsa mararuw Jerusalenar saraskta, Pedror uñt'añataki, jupampisti tunka phisqan urukiw qamaranta.

Gálatas 2:14

Nayasti suma yatiyäwi arunakarjam jan sarnaqatanakap uñjasin, Pedrorux taqpach jilatanak nayraqatan, ajanupar sista: “Jumax judiökasin, jan judiökasmas ukham jakasksta ukasti, ¿kunatarak jan judiöpki ukanakar judiöpkaspas ukham sarnaqayañ muntasti?” sasa.

Gálatas 2:5

Ukampis janiw kunansa jupanakampix atipayasipkti, nanakasti munapxäyätwa chiqpach qhispiyasiñ arunakax jumanak taypit jan chhaqtañapa.

Gálatas 2:7

Ukatsipana, jupanakax Diosan nayar jan judío jaqinakar qhispiyasiñ arunak parlañaxatak jawsatap uñjapxi, kunjämatix Pedror jawskatayna, judionakar pachpa qhispiyasiñ arunak parlañapataki ukhama.

Gálatas 2:9

Santiagompi, Pedrompi, Juanampix iglesian aytat jilïrinakat uñt'atanakasti, Diosan nayar uka luräwi churatap uñt'apxi. Ukatsti mayachasiñ amtäwimpiw nayampiru, Bernabeampirux amparanakax q'aphirapxitu, jupanakasti jan judiöpkis uka taypir nanakan irnaqir sarapxañaxatakix “walikiw” sapxänwa, ukchañkamasti jupanakax judionak taypin irnaqapxañaparakïnwa.

1 Timoteo 5:20

Khitinakatix juch lurasipkak ukanakarusti, taqinin nayraqatapan tuqinuqam, mayninakan uk ist'asin axsarañapataki.

Santiago 3:2

Taqiniw kunayman pantjasiñarux puripxtan; jichhasti, maynitix arsutapamp jan pantjaskchi ukaxa, chiqa jaqiwa, taqpach janchipsa sum apnaqarakispa.

Judas 1:3

Munat jilatanaka, walpun qillqaniñ munapxäyäsma, kunatix jumanakansa, nayansa utjki uka qhispiyasiñ tuqita; jichhax aka qillqatax tuqiw jumanakar achikt'apxsma, kuna yatichäwinaktix Tatitun qullan markapar katuyatäkäna, ukanak imapxañamatak wal ch'amachasipxam.