Gálatas 1:9 - Qullan Arunaka DC

⁹ Nayratpachaw jumanakar sapxsma, jichhasa, wasitat sasipkaksmawa: Jumanakax katuqapktas uka suma yatiyäwit yaqha qhispiyasiñ arunaktix khitis parlapxstamxa, Tatitun ñanqhachäwipax uka jaqxar purpan.

Aymar Bibliia 1986

⁹ Acjja niya nayratpachaw sapjjsma, jichhas wasitamp sasipcacsmawa: Cawquïrtejj catokapctas ucat yakha casta khespiyasiñ arunac parlapjjätam ucajja maldicitäpan.

Qullan Arunaca

⁹ Acjja niya nayratpachaw sapjjsma, jichhas wasitamp sasipcacsmawa: Cawquïrtejj catokapctas ucat yakha casta khespiyasiñ arunac parlapjjätam ucajja maldicitäpan.

Gálatas 1:9 Jak'a apnaqawi uñst'ayäwi

Proverbios 30:6

Jupan arunakapar jan kunsa yapxatamti, jan ukasti jumarux tuqiristamwa, k'arit uñt'ayarakiristam.

Jeremías 23:16

Taqi ch'aman Tatitusti siwa: “Israelitanaka, profetanakax parlapki uka arunakarux jan ist'apxamti. Arsutanakapax k'arikamakiwa. Jupanakan amtat arunakak parlapxi, janiw nayax jupanakar kuna arunaksa churkti.

Hechos 18:23

Pablox Antioquía markan mä qawqha urunakakiw qamarawayi, ukatsti Galacia, Frigia chiqanakan utjir iglesianak mayat mayat tumpawayi, iyawsirinakar ch'amañcht'asa.

Romanos 16:17

Jilatanaka, khitinakatix iglesian jan wal lurapki ukanakat sum amuyasipxam, jupanakax jaljtañanakaru, jan walt'añanakaruw puriyapxiristam, taqi akanakasti kuntix jumanakax yatiqapktas ukanakar jan walt'ayañatakiwa. Jupanakat jithiqtapxam,

Romanos 9:3

naya pachpaw ñanqhachat uñjasiñ munirista, Cristot jayarst'ata, ukhamat marka masinakaxarux yanapt'irista.

2 Corintios 1:17

¿Jan sum amuyt'asisakit uk lurañ amtpachätsti? ¿Jan ukax, “jïsa, janiwa” sas pä amtäwimpi amtkirista ukhamcha amuyapxtaxa?

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

Deuteronomio 4:2

Churapksma uka kamachi arunakarux janipun jilxatayapxamti, janirak apaqapxamsa; jan ukasti, Tatit Diosaman kamachi arunakap phuqhapxam.

Filipenses 3:1

Munat jilatanaka, Tatitunkxasin kusisipxam. Nayatakix janiw kuna ch'amäkis jumanakar wasitat qillqaniñaxa, jumanakatakisti ukax wali askiwa.

Filipenses 4:4

Tatitunkasax kusisipxapunim. Wasitat sapxsma, ¡Kusisipxam!